واشنگٹن (جیوڈیسک) امریکا نے کہا ہےکہ شمالی وزیرستان میں دہشت گردوں کے خلاف آپریشن کا فیصلہ حکومت پاکستان کا اپنا ہے، حکومت پاکستان کی کوششوں کی حمایت کرتے ہیں۔ امریکی محکمہ خارجہ کی ترجمان جین ساکی نے معمول کی پریس بریفنگ کے دوران کہا ہے کہ شمالی وزیرستان میں دہشت گردوں کے خلاف آپریشن کا فیصلہ حکومت پاکستان کا اپنا فیصلہ ہے تاہم امریکا اس کی حمایت کرتا ہے۔
جین ساکی کا کہنا تھا کہ امریکا دہشت گردی کے خلاف پاکستان کی کوششوں کی ہمیشہ سے حمایت کرتا آیا ہے اور چاہتا ہے کہ حکومت ملک میں استحکام کے لیے اپنی رٹ قائم کرے، یہ آپریشن مکمل طور پر پاکستانی فوج کر رہی ہے اور اسے سیاسی حکومت کی حمایت بھی حاصل ہے۔
لاہور میں ہلاکتوں پر یوم سوگ کا اعلان کر کے الطاف حسین نے احسان فراموشی کی، سعد رفیق
چین میں ریت کے طوفان سے درجنوں املاک تباہ ہو گئیں
