لندن (جیوڈیسک) ایم کیو ایم کے قائد الطاف حسین نے کہا ہے کہ حالات کے جبر سے گھبرانے یا ڈرنے سے مسائل حل نہیں ہوتے، حکومت ایم کیو ایم کے ارکان اسمبی کو سیکورٹی فراہم کرے۔
ایم کیو ایم کے قائد الطاف حسین نے اپنے ایک بیان میں کہا ہے کہ رکن قومی اسمبلی طاہرہ آصف پر قاتلانہ حملہ پاکستان میں دہشت گردی کے واقعات کا تسلسل ہے۔
طاہرہ آصف ایم کیو ایم پنجاب ہاؤس کے ساتھیوں کا ایک بڑی بہن کی طرح خیال رکھا کرتی ہیں۔ طاہرہ آصف اور ایم کیو ایم کے دیگر منتخب نمائندوں اور رہنماؤں کو سنگین نتائج کی دھمکیاں مل رہی تھیں۔
مقامی انتظامیہ اور پولیس کو درخواستوں کے باوجود طاہرہ آصف سمیت کسی بھی منتخب نمائندے کو سیکورٹی فراہم نہیں کی گئی۔
ایم کیو ایم کے قائد الطاف حسین نے حکومت سے مطالبہ کیا کہ حکومت ایم کیو ایم کے ارکان اسمبی کو سیکورٹی فراہم کرے۔
طاہرہ آصف پر قاتلانہ حملہ، آپریشن کے بعد آئی سی یو میں منتقل
طاہرالقادری ایسے موقع پر فساد برپا کرنا چاہتے جب فورسز حالت جنگ میں ہیں، سعد رفیق
