حیدرآباد (جیوڈیسک) طاہرہ آصف کے قتل کے خلاف ایم کیوایم کی اپیل پر مختلف شہروں میں یوم سوگ منایا گیا اور غائبانہ نماز جنازہ اداکی گئی۔
ایم کیوایم کی رکن قومی اسمبلی طاہرہ آصف کی لاہور میں ٹارگٹ کلنگ میں ہلاکت کے خلاف یوم سوگ کی اپیل پر مختلف شہروں میں کارکنوں نے بازوؤں پرسیاہ پٹیاں باندھیں اور سیاہ بینرز لگائے گئے۔
حیدرآباد میں ہوم اسٹیڈ ہال حسرت موہانی لائبریری کے قریب طاہرہ آصف کی غائبانہ نماز جنازہ ادا کی گئی جس میں ایم کیوایم کے ارکان اسمبلی صابر قائم خانی، راشد خلجی، زونل انچارج نوید شمسی سمیت دیگر رہنماؤں اور ارکان نے شرکت کی۔
واقعے کے خلاف جیکب آباد میں پریس کلب کے باہر احتجاج کیا گیا اور غائبانہ نماز جنازہ اداکی گئی۔ ملتان اور مظفرآباد میں بھی ایم کیو ایم کے زونل آفس کے باہر نماز جنازہ ادا کی گئی۔
اسلام آباد میں عرس کے دوران دھماکا، 47 افراد زخمی
وزیر قانون پنجاب رانا ثنااللہ نے استعفیٰ دے دیا
