سلام عاجزانہ

Posted on June 22, 2014 By Geo1 Webmaster آپکی شاعری

اس عالمِ فانی میں وہ انساں نہیں دیکھا
جس نے کبھی کوئی غمِ دوراں نہیں دیکھا
مسلم سے سرِ رہ کہیں مندر کے پجاری
جو دل میں نہاں تیرے وہ رحماں نہیں دیکھا
یوں پوچھتے ہیں تخلیقِ صلصال کا مقصد
جیسے کبھی اس عبد نے قرآں نہیں دیکھا
ساحل کےصدف چیں دیکھتےہیں یوں گھٹا کو
گویا کہ برستا آبِ نیساں نہیں دیکھا
صد حیف تری اس نگۂ شوق پہ آنس
جس نے گُلوں میں جلوۂ یزداں نہیں دیکھا