گجرات (جیوڈیسک) گجرات میں بہنوں کو چھیڑنے سے منع کرنے پر سب انسپکٹر کے بیٹوں نے خنجروں کے وار کر کے نوجوان کو قتل کر دیا ، ورثاء اور اہل علاقہ لاش سڑک پر رکھ کر سراپا احتجاج بن گئے۔
گجرات کے علاقے سکندرآباد میں دل خراش واقعہ پیش آیا جہاں چھ بہنوں کے اکلوتے بھائی کی زندگی کا چراغ گل کر دیا گیا ۔ عمر قدیر نے اپنے ہمسائے کے بیٹوں کو بہنوں کو چھیڑنے سے منع کیا۔
سب انسپکٹر نوید سندھو کے بیٹے فرحان اور شرجیل عمر قدیر کے منع کرنے پر طیش میں آ گئے ۔ مشتعل لڑکوں نے اپنے ساتھیوں کے ساتھ مل کر عمر قدیر کو اس کے گھر کے باہر خنجروں کے وار کر کے موت کے گھاٹ اتار دیا۔
پولیس نے واقعے کے خلاف ایف آئی آر درج کر لی ہے تاہم ابھی تک کوئی گرفتاری عمل میں نہیں لائی جا سکی۔ اکلوتے بیٹے کے قتل پر ماں پر غشی کے دورے پڑے رہے اور اس نے انصاف کی اپیل کی ہے۔ دردناک واقعے پر مقتول کے ورثاء اور اہل علاقہ سڑک پر میت رکھ کر احتجاج بھی کر رہے ہیں۔ مقتول کو بچانے کی کوشش میں اس کے دوست صدام اور شان زخمی ہوگئے۔
طاہر القادری آج لندن سے دبئی روانہ ہونگے ، کل صبح اسلام آباد ائیرپورٹ پہنچیں گے
حکومت نے سانحہ ماڈل ٹاؤن سے کوئی سبق نہیں سیکھا، پرویز الہی
