ممبئی (جیوڈیسک) بالی وڈ کی شوخ و چنچل حسینہ سوناکشی سنہا کی پانچویں فلم ہالیڈے بھی سو کروڑ کلب میں شامل ہو گئی۔ سوناکشی سنہا بالی وڈ کی واحد ادکارہ ہیں جن کی پانچ فلمیں سو کروڑ کلب کا حصہ بن چکی ہیں۔
بالی وڈ فلم ہالیڈے کی مقبولیت نے سوناکشی سنہا کو ٹاپ پر پہنچا دیا ہے۔ فلم اب تک سو کروڑ روپے کا بزنس کر چکی ہے۔ ہالیڈے نے جہاں ایک طرف فلمساز کیلئے خوب کمائی کی ہے وہی سوناکشی کو بھی عروج پر پہنچا دیا ہے۔
ہالیڈے سوناکشی سنہا کی پانچویں فلم ہے جو سو کروڑ کلب کا حصہ بنی ہے۔ اس سے پہلے سوناکشی کی فلم راؤڈی راٹھور، سن آف سردار، دبنگ ون اور دبنگ ٹو بھی سو کروڑ کا حصہ بن چکی ہیں۔ دبنگ ون اور دبنگ ٹو میں سوناکشی کے ہیرو بالی وڈ سپر سٹار سلمان خان ہیں۔
راؤڈی راٹھور اور ہالیڈے میں سوناکشی کے ساتھ اکشے کمار جلوہ گر ہوئے۔ اس سے پہلے بالی وڈ اداکارہ دیپکا پڈوکون اور پریانکا چوپڑا کی چار چار فلمیں سو کروڑ کلب کا حصہ بن چکی ہیں۔
سنی لیون نے شہزادی بننے کے لئے 5 کلو وزن کم کرلیا
کامیابیوں کے سفر میں میرے شوہر کا ہاتھ ہے: بشریٰ انصاری
