گجرات کی خبریں 23/6/2014
Posted on June 24, 2014 By Geo1 Webmaster سٹی نیوز
پاک فوج نے شمالی وزیر ستان آپریشن کے متاثرین کی امداد کیلئے چوہدری ظہور الہٰی سٹیڈیم میں ریلیف کیمپ قائم
گجرات(جی پی آئی)پاک فوج نے شمالی وزیر ستان آپریشن کے متاثرین کی امداد کیلئے چوہدری ظہور الہٰی سٹیڈیم میں ریلیف کیمپ قائم کر دیا ہے جہاں شہری چوبیس گھنٹے اپنے عطیات جمع کروا سکیں گے ریلیف کیمپ کے انچارج نے بتایا یہ ریلیف کیمپ سٹیڈیم کے مین گیٹ کے ساتھ قائم کیا گیا ہے جہاں پاک فوج کے افسران اور جوان شہریوں سے عطیات وصول کریں گئے جبکہ دوسرا ریلیف کیمپ فوارہ چوک کے قریب جلد قائم کیا جائے گا انہوں نے بتایا کہ شہری شمالی وزیر ستان آپریشن کے متاثرہ بھائیوں کی امداد کیلئے کھانے پینے کی اشیاء ،ادویات ، بستر ، کپڑے و دیگر اشیاء ضروری عطیہ کر سکتے ہیں جبکہ جو افراد نقد امداد کرنا چاہیے وہ گیریثرن ہیڈ کوارٹر سیالکوٹ کے نام پر کراس چیک یا پے آڈر جمع کروا سکتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان سنی تحریک کے زیر اہتمام ہفتہ وار درس قرآن کا انعقاد قادرکالونی بھمبرروڈ
گجرات(جی پی آئی)پاکستان سنی تحریک کے زیر اہتمام ہفتہ وار درس قرآن کا انعقاد قادرکالونی بھمبرروڈ میں ہوا ۔یونٹ صدر قاری محمد عمر شریف قادری نے کہا کہ پاک فوج کا ماٹو ایمان تقویٰ جہاد فی سبیل اللہ ہے ۔اس وقت صحیح معنوں میں اگر کوئی پاکستان میں جہاد کر رہا ہے تو وہ پاک فوج ہے ۔جو کہ درندہ صفت، انسانیت دشمن طالبان سے مسلم امہ کو نجات دلانے میں مصروف عمل ہے ۔پاکستان سنی تحریک وطن عزیز کے دفاع اور تحفظ کے ہر وقت ہر گھڑی پاک فوج کے شانہ بشانہ کھڑی ہے اور رہے گی ۔شہداء کی قربانیاں ضرور رنگ لائیں گی ۔ایک نہ ایک دن پاک سرزمین میں امن و سلامتی اور عدل وانصاف کا بول بالا ہوگا ۔انہوں نے مزیدکہا کہ ہم سروں پر کفن باندھ کر نعرہ تکبیر و رسالت لگا کر میدان میں اترے ہیں ۔پاکستان میں نظام مصطفی ۖ کا نفاذ ہماری منزل ہے ۔قافلے کو منزل تک پہنچا کر ہی دم لیں گے ۔درس قرآن میں سنی تحریک کے کارکنان بلال شریف قادری ،یاسر قبال،وسیم نقشبندی ،ضیاء نقشبندی ،جہانگیر قادری ،محمد آصف ،شیر علی ،عدنان چشتی ،بنارس علی ،عاصم صدیق ،سیف علی ،فہیم نواز ،زین العابدین ،مدثر علی اور دیگر اہل علاقہ نے شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمرانوں کو ہوش آ جانی چاہئے، اپنے لیے گڑھا نہ کھودیں: چودھری شجاعت حسین
گجرات(جی پی آئی)پاکستان مسلم لیگ کے صدر و سابق وزیراعظم سینیٹر چودھری شجاعت حسین نے کہا ہے کہ حکمرانوں کو ہوش آ جانی چاہئے وہ اپنے لیے گڑھا نہ کھودیں۔ انہوں نے ان خیالات کا اظہار میڈیا سے گفتگو کے دوران کیا۔ وہ پاکستان عوامی تحریک کے قائد ڈاکٹر طاہر القادری کے استقبال کیلئے تمام رکاوٹوں کے باوجود سنی اتحاد کونسل کے چیئرمین صاحبزادہ حامد رضا، سینیٹر کامل علی آغا، طارق بشیر چیمہ، چودھری ظہیر الدین اور محمد بشارت راجہ کے ہمراہ اسلام آباد ایئرپورٹ پر پہنچے تھے۔ انہوں نے کہا کہ حکمرانوں کو احساس کرنا چاہئے کہ ضد، ہٹ دھرمی اور معاملات کو سلجھانے کی بجائے الجھانے کی عادت انہیں لے ڈوبے گی۔ انہوں نے کہا کہ ہم جمہوریت کے مخالف نہیں ہیں لیکن ملک میں جمہوریت ہے کہاں؟ ڈاکٹر طاہر القادری سے ہمارا اتحاد اسلام، پاکستان اور عوام کیلئے ہے۔ انہوں نے کہا کہ ڈاکٹر طاہر القادری نے آج بھی معاملہ فہمی کا ثبوت دیا، حکمرانوں کے جبر و تشدد، لاٹھی چارج اور آنسو گیس کے باوجود اتحادی کارکنوں کو صبر و تحمل پر شاباش دیتا ہوں اور بہنوں اور بیٹیوں کا جذبہ قابل تحسین ہے جو ایئرپورٹ پر موجود رہیں، میں ان کا شکرگزار ہوں۔ پاکستان مسلم لیگ، پاکستان عوامی تحریک، سنی اتحاد کونسل اور مجلس وحدت المسلمین کے کارکن حکومت کی جانب سے تمام راستے بند کیے جانے اور جگہ جگہ رکاوٹوں کے باوجود جس طرح ایئرپورٹ پہنچے میں ان کی ہمت اور جذبہ کی داد دیتا ہوں۔ انہوں نے ایک سوال کے جواب میں کہا کہ دہشت گردی کے خلاف آپریشن میں پاکستان مسلم لیگ اور پاکستان عوامی تحریک کے علاوہ پوری قوم پاک فوج کے ساتھ ہے اور اس کی کامیابی کیلئے دعا گو ہے، حکومت کو ایسے اقدامات نہیں کرنے چاہئیں جن سے یہ آپریشن سبوتاژ ہو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیاریاں دھری رہ گئیں،حکومت نے ڈاکٹرطاہرالقادری کو اسلام آبد
گجرات(جی پی آئی)تیاریاں دھری رہ گئیں،حکومت نے ڈاکٹرطاہرالقادری کو اسلام آبد ائرپورٹ پرنہ اترنے دیا،استقبال کی تیاریاں کرنے والے کارکن لاہورپہنچ گئے،اس سلسلہ میں ملنے والی اطلاعات کے مطابق پروفیسرڈاکٹرطاہرالقادری کے اسلام آبادتالاہورلانگ مارچ کیلئے لالہ موسیٰ ،چک پیرانہ سمیت دیگرعلاقوں میں استقبال کیلئے کی گئی تیاریاں دھری کی دھری رہ گیئں،استقبال کی تیاریوں میں مصروف تیاریاں چھوڑ کراپنے قائدکے استقبال کیلئے لاہورپہنچے ،تاہم بسم اللہ چوک ،گنجہ موڑ سمیت اہم شاہراہوں پرپولیس کی بھاری نفری تعینات رہی،جبکہ روڈ پرپبلک ٹرانسپورٹ نہ ہونے سے عوام کو شدیدمشکلات کا سامنارہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جمہوری اقدارکے دعوے دار جمہوری رویہ بھی اپنائیں۔حکومت کے جابرانہ اقدامات جمہوری
گجرات(جی پی آئی)جمہوری اقدارکے دعوے دار جمہوری رویہ بھی اپنائیں۔حکومت کے جابرانہ اقدامات جمہوری طرز سیاست کیلئے تباہ کن ثابت ہو سکتے ہیں۔ موجودہ حکومت جمہوریت کی دعوے دار ہونے کے باوجود آمرانہ اور ظالمانہ اور جابرانہ رویہ اپنائے ہوئے ہے جب کہ جمہوری حکومت کے ہوتے ہوئے کسی بھی سیاسی،سماجی اور مذہبی جماعت پر پابندی کا سوچا بھی نہیں جا سکتا۔ان خیالات کا اظہار پاکستان تحریک انصاف ضلع گجرات کے سینئر راہنما و ممبر صوبائی کونسل پنجاب نوازش علی شیخ ایڈووکیٹ نے انصاف مرکز سے جاری اپنے بیان میں کیا انہوں نے کہاکہ پاکستان میں بہت ساری آمریت والی حکومتوں کے بعد اب جمہوریت قائم ہوئی ہے لیکن موجودہ حکومت بھی آمرانہ سوچ سے باہر نہیں نکل سکی اگر موجودہ جمہوری حکومت نے اپنی آمرانہ روش کو تبدیل نہ کیاتو اس حکومت کا خاتمہ جمہوریت کا خاتمہ نہیں ہو گا بلکہ جمہوریت کو مضبوط کرنے کیلئے جمہوری قوتیں اپنا کردار ادا کریں گی انہوں نے کہاکہ جب تک عوامی حقوق کی پاسداری نہیں کی جائے گیاور ملکی اداروں کو اپنی حدود و قیود میں کام کرنے کا موقع نہیں ملے گا تب تک نہ تو یہ ملک جمہوریت کی طرف قدم بڑھا سکے گا اور نہ ہی خوشخالی آ سکے گی۔
گجرات کی خبروں کی تصویری جھلکیاں
برنالہ: وزیر ہاوسنگ چوہدری پرویز اشرف حلقہ میں مختلف شخصیات کی وفات پر اہل خانہ کے ہمراہ فاتحہ خوانی کر رہے ہیں۔
