اسلام آباد (جیوڈیسک) وفاقی حکومت نے پاکستان عوامی تحریک کے سربراہ طاہر القادری کے بارے میں منی لانڈرنگ سمیت اثاثہ جات کی چھان بین اور ٹیکسوں کے معاملات کی تحقیقات شروع کردی۔
ذرائع کے مطابق ایف آئی اے کی طرف سے ایف بی آر سمیت دیگر متعلقہ اداروں کو خط لکھے گئے ہیں جس میں ان اداروں سے طاہر القادری، ان کے صاحبزادوں، انکے اداروں و جماعت کے بارے میں معلومات و ریکارڈمانگا گیا ہے۔
ایف بی آرکولکھے جان والے لیٹر میں کہا گیا کہ طاہر القادری اور ان کے ادارے و جماعت کی طرف سے جمع کرائے جانیوالے گوشواروں کی تفصیلات بتائی جائیں اور یہ بھی بتایا جائے کہ طاہر القداری کی طرف سے بڑے پیمانے پر جو تشہیری مہم چلائی گئی اس کا ریکارڈبھی فراہم کیا جائے۔
ذرائع نے بتایا کہ ایف آئی اے کی طرف سے لکھے جانیوالے لیٹر میں یہ بھی تفصیلات منگوائی گئی ہیں طاہرالقادری کے اخراجات کتنے ہیں اور وہ کہاں سے پورے ہوتے ہیں اور انکے ذرائع آمدنی کیا ہیں اور یہ کہ طاہر القادری انکے صاحبزادوں و انکی جماعت اور اداروں کی طرف سے جو آمدنی ظاہر کی گئی ہے۔
وہ انکے اخراجات سے مطابقت رکھتی ہے یا نہیں؟۔ علاوہ ازیں یہ بھی ریکارڈ مانگا گیا ہے کہ انکے انکی جماعت و اداروں کے بینک اکائونٹس کی کیا تفصیلات ہیں اور بیرون ممالک سے فنڈز اگر آتے ہیں تو وہ کس چینل سے آتے ہیں اور اگر بینکنگ چینل سے آتے ہیں تو کس مد میں اور کس نام سے آتے ہیں۔
چارسدہ میں نامعلوم افراد کی فائرنگ، ماں، بیٹی جاں بحق
شمالی وزیرستان میں دوبارہ غیر معینہ مدت کے لیے کرفیو نافذ
