بنوں (جیوڈیسک) وزیراعظم نواز شریف وفاقی وزرا کے ہمراہ شمالی وزیرستان آپریشن کے متاثرین کے لئے قائم کیمپوں کا دورہ کرنے بنوں پہنچ گئے۔
وزیراعظم نوازشریف کے بنوں پہنچنے پر آرمی چیف جنرل راحیل شریف نے ان کا استقبال کیا۔
وزیراعظم کے ہمراہ گورنر خیبرپختونخوا سردار مہتاب، وزیراعلی خیبرپختونخوا پرویز خٹک، وفاقی وزیراطلاعات پرویز رشید اور وفاقی وزیر سیفران قادربلوچ بھی ہیں۔ اس موقع پر فوجی حکام کی جانب سے وزیراعظم نواز شریف کو آپریشن کے باعث نقل مکانی کرنے والی متاثرین کے حوالے سے کئے گئے اقدامات پر بریفنگ دی جارہی ہے۔
وزیراعظم نوازشریف اپنے دورے کے دوران شمالی وزیرستان میں دہشتگردوں کے خلاف جاری آپریشن ضرب عضب کے باعث وہاں سے نقل مکانی کر کے بنوں میں قائم کیمپوں میں مقیم متاثرین کی داد رسی اور انہیں ہر طرح کے حکومتی تعاون کی یقین دہانی بھی کرائیں گے۔
کوئٹہ: کلی اغبرک میں گاڑی الٹنے سے دو افراد جاں بحق، چار زخمی
کراچی میں پولیو کا ایک اور کیس سامنے آ گیا، ملک بھر میں مجموعی تعداد 63 ہو گئی
