کراچی (جیوڈیسک) کراچی کے علاقے منگھو پیر سے ایک شخص کی لاش برآمد، میٹھادر میں پولیس مقابلے کے دوران گینگ وار کا اہم ملزم امجد لاشاری مارا گیا، ملزم چالیس سے زائد مقدمات میں مطلوب تھا ، رینجرز نے محمد خان کالونی سے 3 دہشت گردوں کر گرفتار کر لیا۔
کراچی کے علاقے منگھو پیر سے ایک شخص کی لاش ملی ہے۔ پولیس کے مطابق مقتول کو تشدد کے بعد فائرنگ کر کے قتل کیا گیا۔میٹھا در تھانے کی حدود ایم اے جناح روڈ پر پولیس مقابلے ، مطلوب ملزم امجد لاشاری ہلاک ہوگیا۔
پولیس کے مطابق ملزم کا تعلق گینگ وار سے ہے۔ وہ ملزم قتل ، اقدام قتل ، بھتہ خوری ، اغوا برائے تاوان اور پولیس اہلکاروں کے قتل سمیت چالیس وارداتوں میں ملوث تھا۔ملزم کے قبضے سے دو دستی بم اور ٹی ٹی پستول برآمد ہوئے۔
رینجرز نے محمد خان کالونی میں ٹارگٹڈ آپریشن کر کے تین دہشت گردوں کو گرفتار کر کے اسلحہ برآمد کر لیا۔ دہشت گردوں کا تعلق کالعدم تنظیم سے ہے۔ رضویہ پولیس نے بارہ سالہ بچی سے زیادتی کے ملزم ارسلان کو گرفتار کر لیا۔
پاکستان کو ملک کی بدترین جنگ کا سامنا ہے، الطاف حسین
کوہاٹ میں گاڑی پر فائرنگ سے 4 افراد جاں بحق ، 3 زخمی
