گجرات کی خبریں 30/6/2014
Posted on July 1, 2014 By Geo1 Webmaster سٹی نیوز
ڈی پی او گجرات رائے اعجاز احمد نے ممتاز سماجی شخصیت حاجی امجد علی آف ماجرہ شمالی کی طرف سے تعمیر ہونے والی خوبصورت مسجد کا افتتاح کیا
گجرات ( جی پی آئی ) ڈی پی او گجرات رائے اعجاز احمد نے ممتاز سماجی شخصیت حاجی امجد علی آف ماجرہ شمالی کی طرف سے تعمیر ہونے والی خوبصورت مسجد کا افتتاح کیا تفصیلات کے مطابق یکم رمضان المبارک بابرکت سماعتوں میں حاجی امجد علی آف ماجرہ شمالی کی طرف سے تھانہ کڑیانوالہ میں تعمیر ہونیوالی مسجد گلزار مدینہ افتتاحی کی تقریب گزشتہ روز منعقد ہوئی ‘ ڈی پی او گجرات رائے اعجاز احمد نے اپنے دست مبارک سے افتتاح کیا اس موقع پر ایم این اے صاحبزادہ مظفر علی خان ‘ ایم پی اے نوابزادہ حسن مہندی ‘نوابزادہ طاہر الملک ‘محمد یونس ساقی و دیگر اہم شخصیات نے کثیر تعداد میں موجود تھے اس موقع پر ڈی پی او گجرات نے کہا کہ نیک کے کام کرنے والے دنیا وآخرت میں کامیابی حاصل کرتے ہیں ‘ اور ہم چوہدری حاجی امجد علی کو خراج تحسین پیش کرتے ہیں اُن نے ایک اچھا کام کیا ہے ‘ تمام تھانوں میں پولیس آفیسر کو مذہبی شخصیات لیکچرار دیا کریں گی اسموقع پر قاری صداقت علی نے خوبصورت آوا زمیں تلاوت قرآن پاک اور ہدیہ نعت پیش کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس آفیسران و ملازمین کو چاہیے کہ عوام کی خدمت کریں ،رائے اعجاز احمد
گجرات ( جی پی آئی ) ڈی پی او گجرات رائے اعجاز احمد نے کہا ہے کہ پولیس آفیسران و ملازمین کو چاہیے کہ عوام کی خدمت کریں رمضان المبارک کے دوران خصوصی طور پر لوگوں سے محبت و پیار سے پیش آئیں ‘ تاکہ لوگوں کے مسائل حل ہوسکیں ‘ انہوں نے پولیس آفیسران کے مسائل کے حل کیلئے بھر پور طریقہ سے تعاون کرنے کی یقین دہانی کروائی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سماجی شخصیت حاجی امجد علی نے یکم رمضان المبارک کو مسجد کی افتتاحی تقریب کے موقع پر پر تکلف افطار ڈنر کا اہتمام کیا
گجرات ( جی پی آئی ) ممتاز سماجی شخصیت حاجی امجد علی نے یکم رمضان المبارک کو مسجد کی افتتاحی تقریب کے موقع پر پر تکلف افطار ڈنر کا اہتمام کیاجس میں علاقہ کی ممتاز سیاسی و سماجی شخصیت نے بھرپور شرکت کی ۔ مہمان خصوصی ڈی پی او گجرات رائے اعجاز احمد ‘ڈی ایس پی ہیڈکوارٹر صداقت علی ایس ایچ او طارق محمود ‘ نوابزادہ حیدر مہندی ‘ نوابزادہ طاہر الملک وہ یگراہم شخصیات نے بھرپور شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جرائم کی روک تھام کیلئے محافظ کمیٹیوں کی تشکیل
گجرات (جی پی آئی ) جرائم کی روک تھام کیلئے محافظ کمیٹیوں کی تشکیل تفصیلات کے مطابق ضلع ہذا میں جرائم کی روک تھام کیلئے ڈی پی او گجرات رائے اعجاز احمد اور ڈی سی او لیاقت علی چٹھہ کی باہمی کاوشوں سے مشترکہ طور پر محافظ کمیٹیوں کواز سر نو بحال کیا گیا ہے ۔اس سلسلہ میں ضلع کو نسل ہال گجرات میں ایک میٹنگ کا انعقاد کیا گیا ۔جس میں DPOگجرات رائے اعجاز احمد ،DCOگجرات لیاقت علی چٹھہ ،محکمہ مال کے افسران ،سیکرٹری UCضلع ہذا ،DSP/SDPO،SHOصاحبان ،ذیل افسران ،انچارج محافظ اسکواڈ شامل ہوئے ۔اس کے علاوہ تحصیل سرائے عالمگیر اور تحصیل کھاریاں میں بھی محافظ کمیٹیوں کے متعلق میٹنگ منعقد ہوئی جس میں متعلقہ افسران نے شرکت کی ۔محافظ کمیٹیو ں کا مقصد کرایہ داروں کی چیکنگ و ریکارڈ رکھنا ،ہوٹل و سرائے کی نگرانی ،حساس مقامات کی نگرانی ،مساجد و مدرسہ جات میں اجنبی شخص و تبلیغی جماعت کے متعلق معلومات رکھنا ہے ۔انچارج محافظ اسکواڈ مندرجہ بالا معلومات سیکرٹری یونین کونسل اور ذیل افسر کو نوٹ کروائے گا ۔متعلقہ SHOہر پندرہ دن بعد محافظ کمیٹیو ں کے ساتھ میٹنگ کرے گا جبکہ DSP/SDPOہر مہینے بعد میٹنگ کرے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری برادران نے ہمیشہ اپنے کارکنو ں کا ساتھ دیا ہے، محمد حنیف حیدری
گجرات (جی پی آئی ) چوہدری برادران نے ہمیشہ اپنے کارکنو ں کا ساتھ دیا ہے ان خیالات کا اظہار سٹی صدر پاکستان مسلم لیگ ق محمد حنیف حیدری نے گزشتہ روز مسلم لیگ ق کے ممتاز راہنما مظہر اقبال چوہان کی رہائشگاہ پر کارکنوں سے خطاب کرتے ہوئے کیا انہوں نے کہا ہے کہ مظہر اقبال چوہان و خالد چوہان جیسے کارکن ہمارا اثاثہ ہیں جو کہ پارٹی کیلئے قربانیاں دیتے ہیں انہوں نے کہا ہے کہ موجودہ حکومت نے ظلم و بربریت کی جو داستانیں رقم کی ہیں حکومت کو اس کا جواب دینا پڑے گا ‘ انہوں نے کہا ہے کہ طاہر القادری کی آمد کے موقع پر کارکنوں کو بلاجوز گرفتار کیا گیااور انہیں مختلف قسم کی دھمکیاں دی گئیں ‘ لیکن ہمارے کارکن ہمیشہ ثابت قدم رکھتے ہیں ہم خالد چوہان کو خراج تحسین پیش کرتے ہیں جنہوں نے تھانہ سول لائن کی چوکی جٹووکل میں پابند سلاسل ہو کر بھی چوہدری برادران کا ساتھ دیا ‘ انہوں نے کہا ہے کہ ہم کارکنوں کے ساتھ ہیں ‘ اور کارکنوں کے دکھ درد میں ہمیشہ شریک ہوتے رہے گے ۔ مظہر اقبال چوہان نے کہا ہے کہ ہم محمد حنیف حیدری کے شکر گزار ہیں کہ انہوں نے ہمارا ساتھ دیا اور اس موقع پر جب حکمرانوں نے ظلم و ستم کا بازار گرم رکھا ہے حق کا علم بلند کیا ۔ خالد چوہان نے کہا ہے کہ مجھے صبح سویرے پولیس والوں نے گرفتار کیا مجھے ایسے گرفتار کرنے آئے جیسے میں کوئی خطرناک ملزم ہوں میں اس بات کا عزم کرتا ہوں کہ ہمیشہ پاکستان مسلم لیگ ق کا ساتھ دیتے رہوں گا اور چوہدری برادران کے ساتھ میرا جینا مرنا ہے ۔ اس موقع پر حاجی خورشید ‘ شکیل میر آف امریکہ ‘ حافظ اسلم ‘ علی شان چوہان ‘ چچا عباس ‘ منظور حسین ‘ غلام مصطفی ‘ سلیم گجر ‘ چوہدری قمر زمان ودیگر بھی موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ن کے راہنما رانا مشرف علی ناز نے رمضان المبارک کی آمد پر اُمت مسلمہ کو مبارکباد پیش کی ہے ‘
گجرات ( جی پی آئی ) پاکستان مسلم لیگ ن کے راہنما رانا مشرف علی ناز نے رمضان المبارک کی آمد پر اُمت مسلمہ کو مبارکباد پیش کی ہے ‘ اور کہا ہے کہ یہ مہینہ محبت و اخوت کا سبق دیتا ہے جس میں اُمت مسلمہ اپنے ساتھ ساتھ اپنے بھائیوں کی طرف دیکھتی ہے اُن کی مدد کرتے ہیں ہمیں چاہیے کہ اس مقدس مہینہ میں نیک اعمال کریں اور اپنے بھائیوں کی بھی مدد کریں تاکہ وہ بھی سحر ی وافطاری میں شامل ہو سکیں ۔ اُن خشک راشن کی مد میں چیزیں پہنچائیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجدد اعظم سید محمد نوشہ گنج بخش قادری نے ہمیشہ شریعت مطہرہ پر عمل کا درس دیا ۔ علامہ پیر سید معروف حسین شاہ عارف قادری نوشاہی
گجرات ( جی پی آئی ) مجدد اعظم سید محمد نوشہ گنج بخش قادری نے ہمیشہ شریعت مطہرہ پر عمل کا درس دیا ۔ ہم سب نوشہ گنج بخش کی تعلیمات پر عمل پیرا ہو کر اُخروی نجات حاصل کر سکتے ہیں ان خیالات کااظہار عالم مبلغ اسلام حضرت علامہ پیر سید معروف حسین شاہ عارف قادری نوشاہی بانی دی ورلڈ اسلامک مشن برطانیہ ‘ سجادہ نشین دربار نوشاہی نوشہ پورشریف جہلم نے مجدد اعظم حضرت سید محمد نوشہ گنج بخش قادری کے سالانہ عرس مبارک کی تقریب واقعہ جامعہ نوشاہیہ رنمل شریف میں اپنے صدارتی خطات کرتے ہوئے کیا انہوں نے کہا ہے کہ شریعت مطہرہ سے دوری نوشہ گنج بخش کی تعلیم نہیں سچا نوشاہی حقیقی طور پر شریعت مصطفی کا پاسدار ہے ‘ انہوں نے کہا ہے کہ سلسلہ نوشاہیہ کے افراد نے پوری دنیا میں شریعت محمد ی کا پر چار اور دین اسلام کی ترویح و اشاعت میں مرکزی کردار ادا کیا ہے ۔ انہوں نے تمام لوگوں پر زور دیا کہ وہ پیغام نوشہ کو عام کرنے کیلئے اپنا کردار ادا کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رمضان المبارک امت مسلمہ کو انفرادی اور ملی حوالے سے تجدید ایمان کا موقع فراہم کرتا ہے،ڈاکٹرنظام الدین
گجرات (جی پی آئی ) رمضان المبارک امت مسلمہ کو انفرادی اور ملی حوالے سے تجدید ایمان کا موقع فراہم کرتا ہے ۔ رحمت و مغفرت کے اس باسعادت مہینے کی آمد پر تمام مسلمانوں کو مبارک ہو۔ خوش قسمت ہوں گے وہ لوگ جو اس ماہ مقدس میں صیام رمضان اور قیام رمضان کے ذریعے اپنے ایمان و کردار کی تطہیر کریں گے ۔ قیام رمضان اور احترام رمضان کے لیے ہمیں کوئی کسر اٹھا نہیں رکھنی چاہیے۔ رمضان المبارک عظمت نزول قرآن کی یاد دہانی بھی کراتا ہے ۔ رمضان کے مہینے میں ہمیں اپنے نفس کو قابو میںلا کر تمام انسانوں کی بھلائی کو نصب العین بنانا چاہیے۔ روزہ بھوکوں اور غریبوں کی امداد کی ترغیب دیتا ہے۔ خدا کرے ہم اس ماہ مقدس کی روح کو جان کر اس کے پیغام کو عام کر سکیں۔ ان خیالات کا اظہار یونیورسٹی آف گجرات کے وائس چانسلر پروفیسر ڈاکٹر محمد نظام الدین نے یونیورسٹی آف گجرات میں استقبال رمضان محفل سے خطاب کرتے ہوئے کیا ۔ ڈاکٹر نظام الدین نے مزید کہا کہ جامعہ گجرات میں احترام رمضان کے حوالے سے تمام ضروری اقدامات کیے جائیں گے تاکہ جامعہ گجرات کے اساتذہ، سٹاف اور طالبعلم بھی رمضان المبارک کی سعادتوں اور برکات سے اپنا دامن بھر سکیں۔ رمضان المبارک صبر اور برداشت پیدا کرتا ہے اور تقویٰ اختیار کرنے کی تلقین کرتا ہے ۔ ہمیں آج صبر وبرداشت ، اعتدال اور تقویٰ کے حامل افراد ملت کی اشد ضرورت ہے ۔ اللہ تعالیٰ ہم سب کو رمضان المبارک کا حق ادا کرنے کی توفیق دے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع میں لاء اینڈ آرڈر برقرار رکھنے اور انتظامیہ اور پولیس کے ساتھ عوام کے روابط موثر بنانے کے لئے یونین کونسل سطح پر محافظ کمیٹیاں بنائی جائیں گی، لیاقت علی چٹھہ ،
گجرات(جی پی آئی )ڈی سی او لیاقت علی چٹھہ ، ڈی پی او رائے اعجاز احمد نے کہا ہے کہ ضلع میں لاء اینڈ آرڈر برقرار رکھنے اور انتظامیہ اور پولیس کے ساتھ عوام کے روابط موثر بنانے کے لئے یونین کونسل سطح پر محافظ کمیٹیاں بنائی جائیں گی ، یونین کونسل آفس محافظ کمیٹیوں کا دفتر ہوگا جبکہ انکے ممبران میں یونین کونسلز کے سیکرٹریز، انچارج محافظ سکواڈ، دیہات کے نمبر دار، ریٹارئرڈ آرمی و پولیس آفیسر، شہروںمیں انجمن تاجران کے نمائندے ،عوامی نمائندے اور صحافی شامل ہوں گے۔ ان خیالات کا اظہار انہوںنے ضلع کونسل ہال گجرات میں یونین کونسلز کے سیکرٹریز اور ایس ایچ اوز نے شرکت کی۔ اے ڈی سی فاروق رشید سندھو، ڈی او سی شجاع قطب بھٹی، اسسٹنٹ کمشنر ز افشاں رباب، وقار حسین خان، ڈی او سی او محمود اقبال گوندل، ڈی ایس پیز بھی اس موقع پر موجود تھے۔ ڈی سی او لیاقت علی چٹھہ نے کہا کہ حکومت نے شمالی وزیر ستان میں آپریشن کا آغاز کر رکھا ہے اس کے علاوہ ماہ رمضان المبارک کا بھی آغاز ہو چکا ہے ان حالات میں امن دشمن عناصر اپنی کاروائیاںکر سکتے ہیں جن سے بروقت آگاہی اور انکے عزائم کو ناکام بنانا ہم سب کی مشترکی ذمہ داری ہے ان حالات میں محافظ کمیٹوں کا قیام ضلع میں امن و امان کے حوالے سے نہایت اہم ہے شہروں اور دیہات میں ان کمیٹوں کا یکساں سیٹ اپ ہو گا ، ہر محافظ کمیٹی کا پندرہ دن بعداجلاس ہوگا ۔ انہوں نے کہا کہ سیکرٹری یونین کونسل اپنے علاقہ میں ہونیوالے ہر واقعہ کا اندراج یقینی بنائے گا جسے دورہ کے موقع پر اسسٹنٹ کمشنرز اور دیگر افسران چیک کریں گے جبکہ وہ خود اور ڈی پی او بھی ان رجسٹرڈ کی چیکنگ کریںگے۔ انہوںنے کہاکہ اپنا مکان کرایہ دینے والا ہر فرد سیکرٹری یونین کونسل کو آگاہ کرنے کا پابند ہوگا جبکہ نمبر دار اپنے گائوںمیں دو روز تک مقیم اجنبی کے بارے میں آگاہ کرے گا اسی طرح خانہ بدوشو ں اور دیگر مشکوک افرادپر بھی کڑی نظر رکھی جائیگی۔ ڈی سی او نے ہدایت کی کہ سیکرٹری یونین کونسل اور محافظ سکواڈ کے جوان اپنے علاقہ جات خصوصا دیہی علاقوںمیں اشیائے خورد و نوش کی قیمتوں پر بھی نظر رکھیں اور گرانفروشی کرنیوالوںکے بارے میں اے سی دفاتر میں قائم کنٹرول روم میں اطلاع دی جائے۔ انہوںنے ہدایت کی کہ بلا نمبر پلیٹ گاڑیوں کے خلاف ایکشن لیا جائے جبکہ وہ ایکسائز حکام کو بھی پابند کریں گے کہ وہ ایسی گاڑیوں اور موٹر سائیکلوںکے خلاف ایکشن لیں۔انہوںنے ریونیو افسران، پولیس اور دیگر محکموں کے افسران کو ہدایت کی کہ وہ مختلف دیہات کے دورہ کے موقع پر یونین کونسلز کے دفاتر میں بیٹھیں جبکہ ان دفاتر کی تزئین و آرائش کے لئے ضلعی حکومت درکار فنڈز فراہم کرے گی۔ ڈی پی او رائے اعجاز احمد نے خطاب کر تے ہوئے کہا کہ دہشت گردی کے خلاف آپریشن کے آغاز کے بعد متاثرین کے روپ میں دہشت گرد عناصر پنجاب میں بھی داخل ہو سکتے ہیں جو کرایہ داروں یا کسی اور صورت میں پناہ حاصل کرنے کی کوشش کریں گے ان حالات میں ہم سب کو چوکنا رہنے کی ضرورت ہے۔ ڈی پی او نے کہا کہ ضلع میں پولیس اور عوام کے رابطے بہتر بنانے کے لئے امن کمیٹی اور تھانہ جات کی سطح پر مصالحتی کمیٹایاں پہلے سے قائم ہیں تاہم نئی محافظ کمیٹوں کا قیام اپنے مقاصد کے لحاظ سے نہایت اہم ہے۔ انہوںنے کہا کہ محافظ کمیٹاں نمبر دار اور چوکیدار کو لاء اینڈ آرڈر کی بہتری کے عمل میں شامل کر یں گی۔ ڈی پی او نے کہا کہ تمام یونین کونسلز میں کرایہ داروں کی چیکنگ اور اندراج ہوگا، خانہ بدوشوں ، بھکاریوںپر نظر رکھی جائے گی اور تبلغی گروہوںکا بھی ریکارڈ رکھا جائیگا جبکہ رات کو پہر ہ دینے والے افراد کے کو ائف کا اندراج یقینی بنایا جائیگا۔ ۔ انہوںنے کہا کہ تما ایس ایچ اوز خود ہوٹلز اور سرائے کی چیکنگ کریں گے اور بغیر نمبر پلیٹ گاڑیوںکے خلاف ایکشن لیا جائے گا۔ انہوںنیکہا کہ پولیس کوائف پورے نہ رکھنے والے افغانیوں اور پٹھانوںکے خلاف کاروائی کی مجاز ہے۔ انہوںنے کہا کہ محافظ کمیٹوںکے اس تمام عمل کے دوران یونین کونسل دفاتر مرکز ہوں گے جہاں ایس ایچ او ہر پندرہ دن بعد میٹنگ کرے گا جبکہ ڈی ایس پی اور اے سی ہر ماہ ایک بار اجلاس کریں گے جس میں کارکردگی کا جائزہ لیا جائے گا۔ ڈی سی او لیاقت علی چٹھہ اور ڈی پی او رائے اعجاز احمد نے شرکا ء پر زور دیا کہ موجودہ غیر معمولی حالات میں ہمیں اپنی ڈیوٹی سے بھی بڑھ کر کام کرنے کی ضرورت ہے تاکہ وطن عزیز کو امن کا گہوارہ بنایا جا سکے۔انہوںنے اس موقع پر شرکاء کی طرف سے سوالوںکے بھی جوابات دیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اللہ تعالیٰ تمام مسلمانوں کو رمضان میں اللہ تعالیٰ کی طرف سے رحمتوں ‘ مغفرتوں سے مستفید ہونے کی حقیقی معنوں میں توفیق عطا فرمائے،عبدالطیف بٹ
گجرات (جی پی آئی )عبدالطیف بٹ صدر ٹریول ایجنٹس ضلع گجرات نے رمضان کی آمد کی خوشی میں تمام امت مسلمہ کو مبارکبا ددی ہے ‘ اور دعا کی کہ اللہ تعالیٰ تمام مسلمانوں کو رمضان میں اللہ تعالیٰ کی طرف سے رحمتوں ‘ مغفرتوں سے مستفید ہونے کی حقیقی معنوں میں توفیق عطا فرمائے ‘ دن کو حلال کھانوں سے اجتناب اور رات کو تروایح میں کلام پاک کی بارش سے قلوب کا روشنی حاصل کرنا ۔ اللہ تعالیٰ پاکستان کو اندرونی اور بیرونی سازشوں سے محفوظ فرمائے ( آمین ) افواج پاکستان وطن عزیز کو امن کا گہوارہ بنانے کیلئے جان کی قربانیاں دے رہی ہیں ‘ پوری قوم ان کے شانہ بشانہ کھڑی ہے ‘ وطن پر قربان ہونیو الے سپوتوں کو خراج تحسین پیش کرتے ہیں اپنے گھروں سے بے گھر ہونیوالوں کو دل کھول مدد کریں ‘ روزہ ایثار اور قربانی کا درس دیتا ہے ‘ بیوائوں ‘ یتیموں کو زکوٰة (جو کہ ان کا حق ہے ) تاکہ وہ بھی آپ کے ساتھ اس فریضہ میں شامل ہو سکیں ‘ اور اپنی عید کی تیاری کر سکیں ‘ اللہ تعالیٰ ہم سب کا حامی و ناصر ہو ۔ ( آمین )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ماہ رمضان شروع ہوگیا ہے گجرات شہر اور گردونواح کے علاقوں میں مہنگائی نے عام آدمی کا جینا حرام کردیا
گجرات (جی پی آئی ) ماہ رمضان شروع ہوگیا ہے گجرات شہر اور گردونواح کے علاقوں میں مہنگائی نے عام آدمی کا جینا حرام کردیا حکومتی احکامات ہوا میں اڑا دیئے گئے گجرات شہر اور گردونواح کے علاقوں میںد کانداروں نے منہ مانگے نرخ مقرر کررکھے ہیں کوئی پوچھنے والا نہیں کوکا کولا اور پیپسی کی بوتلوںکی قیمتوں میں کمی کردی گئی ہے مگر اکثر دکاندار ڈیڑھ لیٹر کی بوتل 90روپے میں فروخت کررہے ہیں اور دیگر علاقوں میں گھی چینی آئل ‘سبزیاں پھل فروٹ مشروبات کی قیمتوں کوبریک نہیں لگ رہی غریب آدمی کیلئے افطاری کرنا بھی مشکل ہوگیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رمضان المبارک کا آغاز ہوتے ہی بجلی اور سوئی گیس کی لوڈ شیڈنگ کا سلسلہ عروج پر پہنچ گیا
گجرات (جی پی آئی ) رمضان المبارک کا آغاز ہوتے ہی بجلی اور سوئی گیس کی لوڈ شیڈنگ کا سلسلہ عروج پر پہنچ گیا عوامی سماجی حلقوں کا کہنا ہے کہ رمضان المبارک باعث برکت مہینہ ہے مگر واپڈا والوں نے روزے داروں کو سکون سے روزہ بھی رکھنے نہیں دینا اگر جلد بجلی اور گیس کی لوڈ شیڈنگ ختم نہ کی گئی تو زبردست احتجاجی مظاہرہ کرینگے جو بھی نقصان ہوگا اس کے ذمہ دار حکومت خود ہوگی۔
بھمبر کی خبریں 01-07-14
