گجرات کی خبریں 2/7/2014
Posted on July 3, 2014 By Geo1 Webmaster سٹی نیوز
جماعت اسلامی شہر گجرات کے امیر ڈاکٹر طارق سلیم کہا ہے
گجرات (جی پی آئی ) جماعت اسلامی شہر گجرات کے امیر ڈاکٹر طارق سلیم کہا ہے کہ ڈاکٹر ثوبان شاہد ہمیشہ خدمت خلق کیلئے کوشاں رہتے ہیں ‘ اور اُن کا صدر گجرات فرینڈز لائنز کلب منتخب ہونا خوش آئندہ ہے یہ اُن کے ساتھیوں کا اُن پر اعتماد ہے کہ انہیں بلا مقابلہ صدر منتخب کیا گیا ہے جس طرح پہلے ڈاکٹر ثوبان شاہد خدمت خلق میں کوشاں رہتے ہیں اب وہ مزید بہتر طریقے سے عوامی کاموں میں بڑھ چڑھ کر حصہ لیں گے ‘ اور گجرات فرینڈ ز لائنز کلب کو ضلع گجرات کا مثالی اور رفاعی ادارہ بنائیں گے ‘ انہوں نے کہا ہے کہ ڈاکٹر ثوبان شاہد کی خدمات قابل تحسین ہیں کہ وہ دن رات خدمت خلق کیلئے کام کرتے ہیں ‘ ایسے نوجوان قوم کا اثاثہ ہوتے ہیں ۔
۔۔ََََََََََََََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سماجی شخصیت مظہراقبال چوہان اورمذہبی رہنما قاری عامر رضوان عطاری قادری
گجرات ( جی پی آئی ) ممتاز سماجی شخصیت مظہراقبال چوہان اورمذہبی رہنما قاری عامر رضوان عطاری قادری نے گزشتہ روز گجرات فرینڈز لائنز کلب کے نو منتخب صدر ڈاکٹر ثوبان شاہد کو مبارکباد پیش کی کہ وہ اپنے ساتھیوں کے اعتماد پر پورا اترنے گے ‘ اور عوامی فلاحی کاموں میں بڑھ چڑھ کر حصہ لیں گے ۔
۔۔۔۔ََََََََََََََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی صدر مسلم لیگ (ق)محمد حنیف حیدری نے کہا ہے
گجرات ( جی پی آئی )سٹی صدر مسلم لیگ (ق)محمد حنیف حیدری نے کہا ہے، کہ شہر میں گندگی صاف کرنے سے پہلےTMAمیں بیٹھے ہوئے سومناتھ کے مندروں کودرست کرنے کی ضرورت ہے۔ کوئی بھی حکومت اِس ادارے کو درست نہ کر سکی،ادارے میں بیٹھے ہوئے لوگوں نے لوٹ مار اور کرپشن کا بازار گرم کر رکھا ہے۔ 20سے 25فیصدکمیشن وصول کی جاتی ہے۔ بڑے بڑے حاجی اور اپنے آپکو شرافت کے علمبردار کہنے والے اِس کمیشن کے حصہ دار ہوتے ہیں۔ کسی بھی شعبے کو چِیک کیا جائے تودو نمبری ٹاپ کلاس پر ملے گئی ، اگر سینیٹیشن کو دیکھا جائے تو ڈبل ڈبل رجسٹر رکھے ہوئے مل جائیں گئے ،اور بے شمار خاکروبوں کی تنخوایں جو ڈیوٹی پر موجود نہ ہیں،وصول کر لی جاتی ہیں۔ اور اگر دوسرے شعبوں نقل پیدائش میں دیکھا جائے تو دس ہزار دو تو جونسا مرضی نام تبدیل کروا لو،اگر کسی افسر سے شکایت کرو تو اپنا اندراج رجسٹر سے غائب پاؤ گئے،اورعجیب بات ہے،کہ اگر کوئی شہری اپنا اندراج شدہ نام چیک کرنے کے لیے جاتا ہے۔تو دوسو روپے فیس وصول کی جاتی ہے۔ آدمی کے نام کا اندراج ہو یا نہ ہو۔ یہ سرا سر جگا ٹیکس ہے۔ اسکا فوری طور پر خاتمہ ہونا چاہیے۔ جس آدمی کے نام کا اندراج نہیں ہوتا اُس سے دو سو روپے ناجائز کیوں وصول کیا جاتے ہیں۔ ہاں اگرجسکا نام رجسٹر، تاریخ پیدائش میں اندراج موجود ہے تو اُس سے متعلقہ فیس وصول کرنا ادارے کو حق حاصل ہے۔ اُنہوں نے کہا یہ تو صرف دو شعبہ جات ہیں جنکی تفصیل کچھ سامنے لایا ہوں ،مزید اگر کوئی مہربان یا موجودہ برسرِ اقتدار گروپ کا دعوے دار میرے بات تسلیم نہ کرئے اوراوٹ پٹانگ بیان دینے سے پہلے گاڑیوں میں ڈلواے جانے والے تیل کے شعبے کو دیکھ لیں۔ لاکھوں روپے ماہوار کی کرپشن نظر آئے گئی۔ یہاں ادارے میں موجود پانچ ، پانچ سال سے کھڑی سکریپ گاڑیوں کا تیل بھی وصول کیا جاتا ہے۔اسی طرح واٹر سپلائی شعبہ میں بھی اگر گہری نظر سے چیک کیا جائے تو ہر ماہ ٹیوب ویلوں پر لگے ہوئے ٹرانسفا رموں اور دیگر چیزوں پر اکثر بل جعلی بنے ہوئے نظر آئیں گئے۔دراصل اگر تھوڑا سا اور آگے چلے جائیں تو ادارے میں بیٹھے ہوئے ٹاپ ٹین لوگ کمیشنیں نہ لینے کی صفائیاں دیتے ہیں۔ مگر صرف زبانی کلامی، حقیقت تو اس طرح ہے،کہ یہ تعمیروترقی اور دیگر شعبہ جات کے کاموں میں فج پیمینٹں بھی وصول کر لیتے ہیں۔ آخر میں اُنہوں نے DCOگجرات کی توجو اِن حقائق کی طرف دلوائی کہ جس طرح DCOگجرات شہر میں اپنی اچھی کارکردگی دیکھا کر لوگوں کی دعائیں لے رہے ہیں۔ TMAگجرات میں ہونے والی لوٹ مار اور کرپشن کی طرف بھی توجہ دیں اور ایسے عناصر جو قومی دولت کو باپ کی جاگیر سمجھ کر کھا جاتے ہیں، اور بڑے بڑے پیٹے والے ہیں، اور جو کچھ بھی آئے ہضم کر لیتے ہیں۔ایسے افراد کے خلاف خود انکوائیری کریں۔ تاکہ قومی اثاثے کی لوٹ کھسوٹ بند ہوسکے۔
۔۔۔۔۔۔۔ََََََََََََََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صوبائی وزیر ہائوسنگ اینڈ ورکس ملک تنویر اسلم اعوان نے کہا ہے
گجرات(جی پی آئی )صوبائی وزیر ہائوسنگ اینڈ ورکس ملک تنویر اسلم اعوان نے کہا ہے رمضان بازاروں کا مقصد غریب عوام کو ریلیف فراہم کرنا ہے ان بازاروں میں فراہم کی جانے والی اشیاء کے معیار پر ہرگز کوئی سمجھوتہ نہیں کیا جائیگا ، وزیراعلیٰ پنجاب میاں محمد شہباز شریف ذاتی طور پر اس مقصد کیلئے دن رات کوشاں ہیں ۔ان خیالات کا اظہار انہوں نے ڈی سی او آفس میں اعلیٰ سطحی اجلاس اور رمضان بازار شاہجہانگیر روڈ ، ماڈل بازار ، رمضان بازار لالہ موسیٰ اور کھاریاں کے دورہ کے موقع پر کیا ۔صوبائی وزیر نے اس موقع پر سبزیوں ، پھلوں ، گوشت اور دیگر سٹالز کا دورہ کیا اور وہاں موجود دکانداروں اور خریداروں سے معلومات حاصل کیں ۔ ڈی سی او لیاقت علی چٹھہ ، ڈی پی او ،رائے اعجاز احمد ، اے ڈی سی فاروق رشید سندھو ، ایم پی ایز حاجی عمران ظفر ، میجر (ر) معین نواز ، ملک حنیف اعوان ، چوہدری شبیر رضا ، نوابزادہ حیدر مہدی ، میاں طارق محمود ، چوہدری اشرف دیونہ ، سابق ایم پی اے حاجی ناصر محمود ، صدر مرکزی انجمن تاجران جاوید بٹ و دیگر بھی ان کے ہمراہ تھے ۔صوبائی وزیر ہائوسنگ نے گجرات میں رمضان بازاروں میں عوام کو فراہم کی جانے والی سہولیات اور انتظامات کو سراہا ، انہوں نے کہا کہ ضلع گجرات کی انتظامیہ اور عوامی نمائندے ملکر غریب شہریوں کو سستے داموں اشیاء خورد و نوش کی فراہمی کیلئے موثر اقدامات کر رہے ہیں ۔صوبائی وزیر ہائوسنگ نے ہدایت کی کہ تمام سٹال ہولڈرز مقررہ قیمتوں کے ریٹ کارڈز نمایاں جگہ پر آویزاں کریں جبکہ انتظامیہ سستے رمضان بازار وں میں نمایاں مقام پر ریٹ لسٹیں آویزاں کرے اور شکایت سیل کو بھی موثر بنایا جائے ڈی سی او لیاقت علی چٹھہ نے صوبائی وزیر کو بریفنگ دیتے ہوئے بتایا کہ ضلع بھر میں 14رمضان بازار قائم کیے گئے ہیں ، 53فیئر پرائس شاپس قائم کی گئیں ہیں اور ضلع بھر میں 42مدنی دستر خوان قائم کیے گئے ہیں ، جہاں پر مستحق افراد بڑی تعداد میں روزانہ افطاری کیلئے آ تے ہیں ۔انہوں نے کہا کہ تمام رمضان بازاروں کی سی سی ٹی وی کیمروں کے ذریعے مانیٹرنگ کی جا رہی ہے جبکہ سول ڈیفنس اور پولیس سیکورٹی کے انتظامات فراہم کرنے کیلئے تعینات ہیں ،انہوں نے بتایا کہ شہریوں کی شکایت پر مہنگے داموں سبزیاں اور پھل فروخت کرنے والے متعدد افراد کے خلاف مقدمات بھی درج کروائے جا چکے ہیں ۔ڈی پی او رائے اعجاز احمد نے صوبائی وزیر کو بتایا کہ ہر رمضان بازار میں ایک ہیڈ کانسٹیبل اور چار کانسٹیبلان کو سیکورٹی ڈیوٹی پر مامور کیا گیا ہے اس کے علاوہ سفید پارچات میں ایک اہلکار وہاں تعینات ہے انہوں نے بتایا کہ رمضان بازاروں میں سیکورٹی یقینی بنانے کیلئے ایک داخلی راستہ ہے جبکہ خاردارو تاروں اور بیرئیرز کا بھی انتظام ہے انہوں نے بتایا کہ متعلقہ ایس ایچ اوز بھی رمضان بازاروں کی سیکورٹی کا جائزہ لینے کیلئے وقتاً فوقتاً ان کا دورہ کر تے ہیں ۔ ارکان اسمبلی ملک حنیف اعوان ، حاجی عمران ظفر ، میاں طارق محمود ، میجر (ر)معین نواز ، چوہدری شبیر احمد ،سابق ایم پی اے حاجی ناصر محمود نے اظہار کرتے ہوئے رمضان بازاروں کے انتظامات پر ضلعی انتظامیہ کی کاوشوں کو سراہا انہوں نے کہا کہ وزیراعلیٰ پنجاب کے ویژن کے مطابق گجرات میں غریب عوام کو ریلیف فراہم کرنے کیلئے تمام وسائل برئوے کار لائے جا رہے ہیں ، انہوں نے کہا کہ گجرات کی تاجر کمیونٹی کے تعاون سے آلو ، پیازکی قیمتوں کو کنٹرول کیا گیا ہے اس موقع پر ایڈمنسٹریٹر مارکیٹ کمیٹی عبدالرحمان نے بھی صوبائی وزیر ہائوسنگ اینڈ ورکس ملک تنویر اسلم اعوان کو بریفنگ دی ۔
۔۔۔۔۔۔۔۔۔۔۔ََََََََََََََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او لیاقت علی چٹھہ نے کہا ہے کہ رمضان المبارک کے دوران امن و امان برقرار رکھنے
گجرات(جی پی آئی )ڈی سی او لیاقت علی چٹھہ نے کہا ہے کہ رمضان المبارک کے دوران امن و امان برقرار رکھنے اور شر پسند عناصر کے عظائم کو ناکام بنانے کیلئے متحد ہو کر مشترکہ کاوشوں کی ضرورت ہے ، علمائے کرام اس مقصد کیلئے اہم اور فعال کردار ادا کر سکتے ہیں ان خیالات کا اظہار انہوں نے ضلعی امن کمیٹی کے اجلاس سے خطاب کرتے ہوئے کیا اس موقع پرڈی پی او رائے اعجاز احمد ، اے ڈی سی فاروق رشید سندھو ، ڈی او سی شجاع قطب بھٹی ، ارکان اسمبلی حاجی عمران ظفر ، چوہدری اشرف دیونہ ، میجر (ر) معین نواز ، میاں طارق محمود ، سابق ایم پی اے حاجی ناصر محمود ، ممبران امن کمیٹی چوہدری منظور حسین ، سید الطاف الرحمن ، محمد خالد عطاری ، جاوید بٹ ، سرفراز جعفری ، سید الطاف عباس کاظمی ، صدر بار چوہدری رخسار احمد ، جنرل سیکرٹری چوہدری محمد کاشف و ددیگر نے شرکت کی ، ڈی سی او لیاقت علی چٹھہ نے اجلاس سے خطاب کرتے ہوئے کہا کہ پولیس اور سول ڈیفنس علمائے کرام سے ملکر جامع سیکورٹی پلان پر عمل پیرا ہے ، انہوں نے کہا کہ مساجد میں منعقد ہونے والے تمام اجتماعات کے بارے میں پولیس کو آگاہ کیا جائے تا کہ سیکورٹی کے مناسب انتظامات کیے جائیں ، اس کے علاوہ منتظمین اپنے رضاکاروں کو بھی سیکورٹی مقاصد کیلئے تعینات کریں انہوں نے کہا کہ علمائے کرام اپنے خطبات کے ذریعے مذہبی بھائی چارے کو فروغ دیں ۔ڈی سی او نے کہا کہ شمالی وزیرستان میں جاری آپریشن کی وجہ سے شرپسند عناصر ردِ عمل کے طورپر کسی بھی علاقہ میں کاروائی کر سکتے ہیں ، ہمیں چوکنا رہنا ہو گا ، اپنے گردو پیش کڑی نظر رکھی جائے اور مشکوک افراد کے بارے میں پولیس کو آگاہ کیا جائے انہوں نے بتایا کہ ضلع گجرات کے سرکاری ملازمین نے ایک دن کی تنخواہ کے 23ملین روپے وزیراعلیٰ ریلیف فنڈ میں جمع کروائے ہیں ، علمائے کرام متاثرین شمالی وزیرستان کی مدد کیلئے مذید فنڈز اکٹھے کرنے کیلئے عوام الناس کی حوصلہ افزائی کریں ، انہوں نے بتایا کہ ضلع بھر میں قائم رمضان بازاروں میں عوام کو کم نرخوں پر معیاری اشیائے خوردو نوش فراہم کی جا رہی ہیں ان میں مزید بہتری کیلئے علماء کی تجاویز کا خیر مقدم کیا جائیگا ، ڈی پی او ، رائے اعجاز احمد نے کہا کہ دہشت گردوں کو ضلع گجرات میں داخل ہونے سے روکنے کیلئے یونین کونسل سطح پر محافظ کمیٹیاں تشکیل دی جا چکی ہیں ، علمائے کرام مساجد میں اعلانات کر کے عوام کو ان سے آگاہ کریں انہوں نے زور دے کر کہا کہ خطبات میں اختلافی تقاریر سے گریز کیا جائے ، پاک فوج اور پولیس کے شہداء کیلئے دعا کروائی جائے اور ملک میں قتل عام اور دھماکے کرنے والوں کی مذمت کی جائے، انہوں نے کہا کہ ایس ایچ اوز کو ہدایت کی گئی ہے کہ احترام رمضان آرڈی نینس پر عمل درآمد یقینی بنایا جائے ، کیبل آپریٹرز کو بھی کہا گیا ہے کہ وہ ایسے پروگرام نشر نہ کریں جس سے جذبات مجروع ہوں ۔ارکان اسمبلی اور علمائے کرام نے اجلاس سے خطاب کرتے ہوئے ضلع میں امن و امان کیلئے انتظامیہ اور پولیس کے اقدامات کو سراہا اور اس عزم کا اظہار کیا کہ گجرات کو امن کا گہوارہ بنانے کیلئے ہر سطح پر بھرپور تعاون کیا جائے گا ۔
۔۔۔۔۔۔۔۔۔ََََََََََََََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او لیاقت علی چٹھہ اور ڈی پی او رائے اعجاز احمد نے گزشتہ روز علی الصبح سبزی منڈی اور فروٹ منڈی کا دورہ کیا اور پھلوں اور سبزیوں کی نیلامی کے عمل کی نگرانی کی
گجرات(جی پی آئی )ڈی سی او لیاقت علی چٹھہ اور ڈی پی او رائے اعجاز احمد نے گزشتہ روز علی الصبح سبزی منڈی اور فروٹ منڈی کا دورہ کیا اور پھلوں اور سبزیوں کی نیلامی کے عمل کی نگرانی کی۔ اس موقع پر بات چیت کرتے ہوئے ڈی سی او لیاقت علی چٹھہ نے کہا کہ کسی بھی ناجائز منافع خور یا ذخیرہ اندوز کو مصنوعی مہنگائی کی ہرگز اجازت نہیں دی جائے گی انہوں نے واضع کیا کہ ذخیرہ اندوزوں کے خلاف بھرپور کریک ڈائون کیا جائے گا اور ایسے عناصر کو قرار واقع سزا دی جائے گی ۔ڈی سی او نے مارکیٹ کمیٹی کے عملہ کو ہدایت کی کہ وہ نیلامی کے عمل کو مزید شفاف بنانے کیلئے تمام تر وسائل برئوے کار لائیں ، اس امر کو یقینی بنایا جائے کہ ہر پھل اور سبزی فروش ریٹ کارڈز نمایاں جگہ پر آویزاں کرے اور کوئی فرد اورچارجنگ نہ کر سکے ۔
۔۔۔۔۔۔۔۔۔ََََََََََََََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مرکزی انجمن ثناء مصطفی ڈوگہ شریف کے زیر اہتمام سیدہ فاطمہ الزہر کی یاد
گجرات (جی پی آئی ) مرکزی انجمن ثناء مصطفی ڈوگہ شریف کے زیر اہتمام سیدہ فاطمہ الزہر کی یاد میں عظیم الشان محفل مسجدغوثیہ صدیقیہ ڈوگہ شریف میں منعقد ہوئی ‘ صدارت ثناء خوان مصطفی قاری محمد شفیع نوشاہی نے کی ‘ محفل میں کثیر تعداد میں عوام نے شرکت کی اور اُن کیلئے افطار کا خصوصی انتظام کیا گیا ‘
۔۔۔۔۔۔۔ََََََََََََََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صوبائی وزیر ہائوسنگ پنجاب تنویر احمد ملک نے ایم پی اے حاجی عمران ظفر
گجرات(جی پی آئی )صوبائی وزیر ہائوسنگ پنجاب تنویر احمد ملک نے ایم پی اے حاجی عمران ظفر ،ایم پی اے نوابزادہ حیدر مہدی ایم پی اے چوہدری محمد اشرف دیونہ ،ایم پی اے میجر معین نواز وڑائچ ایم پی اے میاں طارق ڈنگہ ،سابق ایم پی اے حاجی ناصر محمود ،ڈی سی او گجرات لیاقت علی چٹھہ ڈی پی او گجرات رائے اعجاز احمد کے ہمراہ گجرات میں پنجاب حکومت کی جانب سے سستے رمضان بازاروں شاہ جہانگیر روڈ ،ماڈل بازار ،ریلوے روڈکا ہنگامی دورہ کیا دورہ کے دوران صوبائی وزیر ہائوسنگ تنویر احمد ملک نے سستے رمضان بازاروں میں جاکر اشیاء خوردونوش کی قیمتیں چیک کرنے کے بعد پھل سبزیوں اور دیگر اشیاء کا معیار بھی چیک کیا ۔صوبائی وزیر ہائوسنگ تنویر احمد ملک کو اسسٹنٹ کمشنر گجرات ڈاکٹر افشاں ارباب نے سستے رمضان بازاروں میں لگائے گئے سٹالوں اور پھل سبزیوں کی قیمتوں کے بارے میں تفصیل سے آگاہ کیا ۔صوبائی وزیر تنویر احمد ملک نے ماڈل بازار میں کھجور کے سٹال پر ناقص اور غیر معیاری کھجوروں کی فروخت پر ضلعی انتظامیہ کے افسران کی سرزنش کرتے ہوئے معیار کو بہتر بنانے کی فوری ہدایت کی ۔اس موقع پر صوبائی وزیر نے سستے بازار میں قائم یوٹیلیٹی سٹور ،مرغ شاپ اور دیگر سٹالوں کا بھی دورہ کیا اور ضلعی انتظامیہ کو ہدایت کی کہ وہ عوام کو ان کے معیار کے مطابق خوردونوش کی اشیاء فراہم کریں تاکہ وزیراعلی پنجاب میں شہباز شریف کا ویژن پورا ہو سکے۔
۔۔۔۔۔۔۔۔۔۔۔۔۔۔۔ََََََََََََََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات اور گردونواح میں تیز بارش اور ٹھنڈی ہوائوں نے ایک بار پھر موسم کوخوشگوار بنا دیاہے
گجرات(جی پی آئی )گجرات اور گردونواح میں تیز بارش اور ٹھنڈی ہوائوں نے ایک بار پھر موسم کوخوشگوار بنا دیاہے۔بارش اور ٹھنڈے موسم سے روز ہ داروں کے چہرے خوشی کے ساتھ کھل اٹھے جبکہ بارش کے بعد گجرات شہر مری کا نقشہ پیش کرنے لگا لگاتار بارش سے نشیبی علاقے پانی سے بھر گئے بارش سے شہر کی اہم شاہراہوں پر کئی کئی فٹ تک پانی جمع ہوگیا۔دوسری طرف نوجوان ،بچے بوڑھے بارش سے لطف اندوز ہوتے رہے
۔۔۔۔۔۔۔۔۔۔۔ََََََََََََََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات دو واقعات میں زمین کے تنازعہ پر فائرنگ تین افراد کو موت کے گھاٹ اتار دیا گیا
گجرات(جی پی آئی ) گجرات دو واقعات میں زمین کے تنازعہ پر فائرنگ تین افراد کو موت کے گھاٹ اتار دیا گیا پولیس نے الگ الگ مقدمات درج کر لیے۔بتایاجیا ہے کہ تھانہ ٹانڈہ کے گائوں شیخ علیکے میں دواڑہ کے قریب دو نامعلوم مسلح کار سواروں نے فائرنگ کرکے شیروز او ر شہباز احمد کو قتل کر کے فرار ہو گئے قتل کی وجہ زمین کا تنازعہ بتائی جاتی ہے جبکہ دوسرے واقعے میں کنجاہ کے گائوں ککہ میں زمین کے تنازعہ پر مبشر وغیرہ آٹھ افراد نے فائرنگ کرکے چار بچوں کے باپ نصراللہ کو قتل کر دیا اور فرار ہو گئے۔پولیس نے مقتول کی بیوی ذکیہ بی بی کی رپورٹ پر مقدمہ درج کر لیا ہے۔
۔۔۔۔۔۔۔۔۔۔۔۔ََََََََََََََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریلوے روڈ پر ضلعی حکومت کی جانب سے قائم کیا جانے والا سستا رمضان بازار بنیادی سہولیات سے محروم ہے
گجرات(جی پی آئی )ریلوے روڈ پر ضلعی حکومت کی جانب سے قائم کیا جانے والا سستا رمضان بازار بنیادی سہولیات سے محروم ہے بازار میں نہ تو کوئی سبزی ہے اور نہ ہی کوئی پھل ہے شہری رمضان بازار سے بغیر خریداری کے واپس چلے جاتے ہیں رمضان سستے بازار میں صرف اور صرف آٹا ،چینی ،دال ہے وہ بھی مہنگے داموں مل رہی ہیں۔کھانے پینے کی باقی اشیاء مکمل طور پر غائب ہیں رمضان بازار میں اور عام بازار کی قیمتوں میں کافی فرق ہے۔مگر عام بازار میں پھل سبزیاں تازہ اور رمضان بازار میں گلی سڑی فروخت کی جارہی ہیںجو کہ ضلعی انتظامیہ کی نااہلی کا منہ بولتا ثبوت ہے۔گجرات کے شہریوں نے سستے رمضان بازار میں اشیاء کی عدم دستابی کی وجہ سے آنا چھوڑ دیا ہے اور شہری بازار سے مہنگے داموں پھل سبزی دالیں گھی جیسی ضروریات خریدنے پر مجبور ہوگئے ہیں۔
۔۔۔۔۔۔۔۔۔۔۔۔ََََََََََََََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ لاری اڈہ کے انچارج یوسف تارڑ نے کہا ہے کہ میں کسی کا ذاتی ملازم نہیں ہوں
گجرات(جی پی آئی ) تھانہ لاری اڈہ کے انچارج یوسف تارڑ نے کہا ہے کہ میں کسی کا ذاتی ملازم نہیں ہوں بلکہ سرکار کا ملازم ہوں اور سرکار سے اپنی ڈیوٹی کی تنخواہ لیتاہوں مسلم لیگ ن کے نام نہادلیڈر کا دماغ چل گیا ہے کہ آئے روز الٹے سیدھے بیان دیکر نہ جانے کس کو خوش کرنا چاہتا ہے۔ایس ایچ او یوسف تارڑ نے کہا کہ تھانہ کے معاملات میں ہر گز کسی سیاسی شخص کو مداخلت نہیں کرنے دی جائے گی جو حکم ڈی پی او گجرات رائے اعجاز احمد نے محافظ کمیٹیوں کے متعلق دیا ہے اسی پر عمل درآمد کروایا جائے گا اور کمیٹیوں میں ایسے افراد کو شامل کیا جائے گا جن کا ماضی بے داغ ہوگا غلط اور سفارشی افراد کو محافظ کمیٹیوں میں ہر گز شامل نہیں کیا جائے گا۔انہیں نے کہا کہ ایسی غلط خبروں میں کوئی صداقت نہیں ہے اور نہ خبریں لگوانے والے کی اپنی کوئی حیثیت ہے۔
گورنر پنجاب چوہدری محمد سرور گورنر ہاوس میں ایچیسن کالج کے بورڈ آف گورنرز کی میٹنگ کی صدارت کر رہے ہیں
گجرات کی خبروں کی تصویری جھلکیاں
