گجرات کی خبریں 5/7/2014
Posted on July 6, 2014 By Geo1 Webmaster سٹی نیوز
ممتاز سماجی شخصیت رانا مشرف علی ناز کے بھائی رانا ملازم حسین کی رہائشگاہ
گجرات ( جی پی آئی ) ممتاز سماجی شخصیت رانا مشرف علی ناز کے بھائی رانا ملازم حسین کی رہائشگاہ پر سالانہ مجلس عزاء و ماتم داری بسلسلہ وفات حضرت فاطمتہ الزہرہ منعقد ہوئی ممتاز ذاکر اہلبیت امانت علی امانت نے خصوصی خطاب کیا ‘ اور فضائل و مسائل شہداء کربلا اور حضرت فاطمتہ الزہرہ کی فضیلت بیان کی ۔ اس موقع پر ممتاز سیاسی و سماجی شخصیت کی کثیر تعداد نے شرکت کی جن میں سید ضیغم شاہ ‘ سید عباس شاہ ‘ سید اکبر علی شاہ ‘ رانا ناظم حسین ‘ چوہدری غلام نبی ‘ رانا قیصر عباس ‘ سید سومی شاہ ‘ سید انوار علی شاہ ‘ رانا کمیل حیدر ‘ ناظم عباس ‘ چوہدری نسیم ودیگر نے شرکت کی ۔ ملک کی ترقی و سلامتی کیلئے دعائیں کی گئیں ۔ رانا مشرف علی نازنے تمام مہمانوں کا شکریہ ادا کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹی صدر مسلم لیگ (ق) محمد حنیف حیدری نے کہا ہے
گجرات(جی پی آئی)سٹی صدر مسلم لیگ (ق) محمد حنیف حیدری نے کہا ہے ، کہ ڈی۔سی۔او گجرات لیاقت علی چٹھ نے جس طرح محکمہ ہیلتھ میں بدعنوانیوں بے ظابطگیوں کے خلاف ایکشن لیا ہے۔ اسی طرح کا ایک ایکشن ٹی۔ایم۔اے گجرات میں بھی لینا چاہیے۔ قومی خدمت کے اس ادارے کو چند افراد نے لوٹ مار اور کرپشن کا ذریعہ بنایا ہوا ہے۔ قومی خزانے کو بے دردی کے ساتھ دونوں ہاتھوں سے لوٹا جارہا ہے۔ کنگلے فقیر کروڑ پتی بن چکے ہیں۔ اعلیٰ حکام کو ایسے افراد کی انکوئری کر کے عوام کی لوٹی ہوئی دولت کو واپس قومی خزانے میں جمع کروانا چاہیے۔ ٹھیکدار بیچارے کیا کریں،ایک لاکھ کے کام کرنے پر پچیس سے تیس ہزار روپیہ اِن ڈرائی کولا کے محبوبوں کو دینا پڑتا ہے۔ اسی وجہ سے شہر میں ہونے والے ترقیاتی کام ناقص ہو رہے ہیں۔سیمنٹ ایک، دو اورچار کی ریشو کی بجائے ایک دس کا ڈالا جا رہا ہے۔ بجری مارگلے کی بجائے برنالہ کی ڈالی جاتی ہے ،اور ریت دریا چناب کی بجائے نالی کی ڈال دی جاتی ہے۔ اور یہ تمام دو نمبری میں شامل ٹی۔ایم۔اے کا عملہ ہوتا ہے۔ عجیب بات ہے۔ کل ایک ٹھیکدار کا بیان تھا، کہ ٹی۔ایم۔اے گجرات عرصہ ڈیڑھ سال سے ٹینڈ روں کے پیسے ہی قومی خزانے میں جمع نہیں کروائے جا رہے، اور آج ایک اور خبر نظر سے گزری کہ صرف ٹرانسپورٹ میں تیل ڈلوانے کے لیے بتیس سے تینتیس لاکھ ماہوار خرچہ آرہا ہے۔ جو کہ زیادہ سے زیادہ پندرہ لاکھ سے زیادہ نہیں ہونا چاہیے۔ یہ صرف ایک شعبے میں پندرہ لاکھ روپیہ ماہوار کی کرپشن ہو رہی ہے۔ اسکے علاوہ تمام محکموں میں کروڑوں روپے کی یہ لوگ کرپشن کر رہے ہیں۔تو ڈی۔سی۔او ایک نڈر اور دلیر آدمی ہیں۔ اور عوامی مفادات کی خاطر ٹی۔ایم۔اے میں ہونے والی کرپشن کا خاتمہ فوری طور پر کریں ،تا کہ گجرات کے عوام جس طرح ڈی۔سی۔اوگجرات کو دوسرے کاموں میں خراجِ تحسین پیش کر رہے۔ ہیں۔اسی طرح جب طرح ٹی۔ایم۔اے گجرات میں بہتری آئے گئی تو اِس کا کریڈٹ بھی ڈی۔سی۔او گجرات کو جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سول لائن پولیس نے ادُووال میں قتل ہونے والے باپ بیٹے کے قاتلوں کو گرفتار کر لیا
گجرات ( جی پی آئی )سول لائن پولیس نے ادُووال میں قتل ہونے والے باپ بیٹے کے قاتلوں کو گرفتار کر لیا اوروقوعہ میں استعمال ہونے والا دستی اسلحہ بھی برآمد کر لیا ۔ ڈی ایس پی سٹی سید غلام مصطفی گیلانی اور ایس ایچ او تھانہ سول لائن گجرات ملک عامر نے پریس کانفرنس میں کے میڈیا کو بتایا ہے کہ چوکی انچارج جٹووکل شاہد حسنین گوندل نے ڈی پی او گجرات رائے اعجاز احمد کی خصوصی ہدائیت پر ادووال میں قتل ہونے والے چوہدری شفاعت حسین اور اسکے بیٹے چوہدری اعجا زاحمد کے قتل میں ملوث ملزمان محمد اقبال اور دیگر چار ملزمان کو ڈرامائی انداز میں گرفتار کرکے انکے قبضہ سے وقوعہ میں استعمال ہونے والے اسلحہ بھی برآمد کرلیا ہے ڈی ایس پی غلام مصطفی گیلانی نے بتایا ملزمان محمد اقبال وغیرہ نے جائیداد کی خرید پر چوہدری شفاعت حسین اور اسکے بیٹے کو اندھا دھند فائرنگ کرکے موت کے گھاٹ اتار دیا اور فرار ہوگئے مگر پولیس کی دن رات کی محنت کے بعد پولیس نے اصل ملزمان کو گرفتارکرلیا ہے باقی ملزمان کی گرفتاری کے لیے پولیس چھاپے ماررہی ہے دوہر ے قتل کے ملزمان کی گرفتاری پر ڈی پی او گجرات رائے اعجاز احمد نے ایس ایچ او سول لائن ملک عامر ، چوکی انچارج شاہد گوندل کو تعریفی اسناد اور نقد انعامات دینے کا بھی اعلان کیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سول لائن پولیس نے اغواء برائے تاوان کا ملزم گرفتار کرلیا ہے
گجرات ( جی پی آئی )سول لائن پولیس نے اغواء برائے تاوان کا ملزم گرفتار کرلیا ہے تفصیل کے مطابق تھانہ سول لائن کے انچارج ملک عامر نے مرکزی ملزم اغواء برائے تاوان راجہ عجب گل عرف راجہ ہمایوں سکنہ بدھو چک کو ڈرامائی انداز میںگرفتار کرکے اس کے قبضہ سے ایک کروڑ روپے کی رقم بھی برآمد کرلی ہے اغواء برائے تاوان کے ملزم راجہ عجب گل کے خلاف تھانہ کھاریاں، تھانہ گلیانہ میں پہلے بھی قتل، اقدام قتل کے مقدمات درج ہیں ڈی ایس پی سٹی غلام مصطفی گیلانی کی قیادت میں سول لائن پولیس نے کارکردگی کا مظاہر ہ کرتے ہوئے ملزم کی گرفتاری کو یقینی بنایا اور ملزم کو گرفتار کرکے پولیس کے وقار کو بلند کرنے کے لیے اچھا اقدام کیا ہے ملزم کی گرفتاری پر ڈی پی او گجرات رائے اعجازاحمد کی طرف سے پولیس افسران کو تعریفی اسناد اور نقد انعامات دینے کا بھی اعلان کیا گیا ہے ملزم راجہ عجب گل کی گرفتاری کے بعد کھاریاں گلیانہ کے علاقہ میں لوگوں نے سکھ کا سانس لیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان اسپیشل پرسن شکائیت سنٹر کے بانی وچیف ایگزیکٹو سعید اقبا ل مرزا عرف لالہ جی نے ایک بیان میں کہا ہے کہ عرصہ 14سالہ سے معذور افراد کی خدمت میں مصروف عمل ہے
گجرات ( جی پی آئی )پاکستان اسپیشل پرسن شکائیت سنٹر کے بانی وچیف ایگزیکٹو سعید اقبا ل مرزا عرف لالہ جی نے ایک بیان میں کہا ہے کہ عرصہ 14سالہ سے معذور افراد کی خدمت میں مصروف عمل ہے ہر رمضان المبارک میں معذور افراد کے لیے وئیل چیئررز ، ٹرائی سائیکلاور معذور بچیوں میں سلائی مشین اور راشن اپنی مدد کے تحت تقسیم کی جاتی ہیں انہوں نے کہاکہ گجرات میں عنقریب پاکستان اسپیشل پرسن کی ایک تقریب کا انعقاد کرے گی تقریب میں ضلع بھر کی مخیر شخصیات شرکت کریں گی اور اپنے دست مبارک سے مستحق اور معذور افراد وخواتین میں یہ اشیاء تقسیم کی جائیں گی لالہ جی سعید اقبال مرزا نے کہاکہ اس سلسلہ میں گجرات کی مخیر شخصیات تقریب کو کامیاب بنانے کے لیے بھر پور تعاون کریں لالہ جی سعید اقبال مرزا نے کہاکہ عرصہ دو سال سے لالہ موسیٰ ریلوے اسٹیشن کے قریب پاکستان اسپیشل پرسن کا آفس کرایہ پر لے کر رکھا ہے جہاں معذور افراد کی بحالی اور ان کے مسائل کے حل کے لیے کام کیا جاتاہے ڈی ایس ریلوے منور خان بھی پاکستان اسپیشل پرسن کے ساتھ ہر ممکن تعاون کررہے ہیں انکے تعاون پر شکرگزار ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی ایس پی سٹی غلام مصطفی گیلانی نے تھانہ سول لائن گجرات میں پریس کانفرنس میں میڈیا
گجرات ( جی پی آئی )ڈی ایس پی سٹی غلام مصطفی گیلانی نے تھانہ سول لائن گجرات میں پریس کانفرنس میں میڈیا کے نمائندوں کو بتایا کہ عید کے موقع پر سیکورٹی کے خصوصی انتظامات کیے جائیں گے بازاروں میں موٹر سائیکل کے داخلہ کی مکمل طور پر پابند ی ہوگی اور خواتین کو سادے کپڑوں میں ڈیوٹی پر تعینات کیا جائے گا انہوں نے کہاکہ عید المبارک کے موقعہ پر شہریوں کو فول پروف سیکورٹی فراہم کی جائے گی ایک سوال کے جواب میں انہوں نے کہاکہ ڈی پی او گجرات رائے اعجا ز رات کو خصوصی طور پر سیکورٹی کے انتظامات کو خود چیک کررہے ہیں جو اہلکار ڈیوٹی سے غیر حاضر ہوتا ہے اس کے خلاف کاروائی عمل میں لائی جاتی ہے غلام مصطفی گیلانی نے کہاکہ جرائم پیشہ افراد کے خلاف گھیرا تنگ کردیا ہے سٹی سرکل میں واردتوں میں نمایاں کمی آئی ہے پولیس نے متعدد گینگ گرفتار کرکے انکے قبضہ سے بھاری مقدار میں ناجائز اسلحہ اور مال مسروقہ برآمد کیا ہے انہوں نے کہاکہ گجرات پولیس صحیح معنوں میں شہریوں کو ریلیف دینے کے لیے دن رات کام کررہی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ کنجاہ کے گائوں چکریاں میں پانی نہ لگانے کے تنازعہ پر مخالفین نے ڈنڈے سوٹے
گجرات ( جی پی آئی )تھانہ کنجاہ کے گائوں چکریاں میں پانی نہ لگانے کے تنازعہ پر مخالفین نے ڈنڈے سوٹے مار کر ایک خاتون کو قتل کردیا پولیس نے مقدمہ درج کرلیا تفصیل کے مطابق چکریاں کے رہائشی ارشد وغیرہ نے پانی کے تنازعہ پر سوٹے مار کر عصمت بی بی کو قتل کردیا اور فرار ہوگئے پولیس نے مقدمہ درج کرلیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بجلی کی غیر اعلانیہ لوڈشیڈنگ سے روزہ دار عاجز آگئے سخت گرمی میں واپڈا کی جانب
گجرات ( جی پی آئی )بجلی کی غیر اعلانیہ لوڈشیڈنگ سے روزہ دار عاجز آگئے سخت گرمی میں واپڈا کی جانب سے وقفہ وقفہ سے بجلی کی بندش نے شریوں کی بھروکس نکال دا ہے بجلی نہ ہونے کی وجہ سے تمام کاروبار بری طرح متاثر ہوگئے ہیں تاجروں نے واپڈا حکام کے خلاف احتجاج کرنے کا باقاعدہ طور پر پروگرام بنالیا ہے واپڈا احکام رمضان المبارک میں بھی روزانہ 18سے20گھنٹے تک لوڈ شیڈنگ کررہے ہیں لوڈشیڈنگ سے گجرات کے بعض علاقوں میں پانی قلت کے بعد کربلا کا منظر ہوتا ہے لوگ سخت گرمی اور روزے کی حالت میں پانی کی تلاش کے لیے مارے مارے پھرتے نظر آتے ہیں سحر اور افطاری کے وقت بجلی کی لوڈشیڈنگ سمجھ سے بالا ترہے حکومتی دعوے دھرے کے دھرے رہ گئے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بدنام زمانہ قتلوں کامجرم اشتہاری خان گروپ آف پنڈی لاٹی گرفتارپنڈی لاٹی
گجرات ( جی پی آئی )بدنام زمانہ قتلوں کامجرم اشتہاری خان گروپ آف پنڈی لاٹی گرفتارپنڈی لاٹی (علاقہ تھانہ ٹانڈہ) خاندانی دشمنی کی وجہ سے ضلع بھرمیں مشہور ہے ۔خان گروپ اورصدیق گروپ کی دشمنی کی وجہ صابر حسین ولد عدالت خاں جوکہ مقدمہ نمبر 157/10جرم 302/392ت پ تھانہ ٹانڈہ میں اشتہاری مجرم تھا جسکی گرفتاری کیلئے پولیس ریڈ کرتی تھی جوکہ اشتہاری صابر نے یہ شک کرتے ہوئے کہ مجھ پر ریڈ اظہر اقبال وغیرہ کرواتے ہیں جسکی وجہ سے صابر حسین نے اظہر کو قتل کردیا جس کا مقدمہ خان گروپ کے لوگوں پر درج ہوا ۔اس طرح سے اس دشمنی کا آغاز ہوا اور اب تک اس دشمنی کیوجہ سے دونوں فریقین کی 11 قیمتی انسانی جانیں ضائع ہوچکی ہیں ۔کچھ عرصہ قبل سروس موڑ کے قریب خان گروپ کے موٹر سائیکل سواروںنے گھات لگا کر مخالفین کے 3لوگوں کو فائرنگ کر کے قتل کر دیا اور فرار ہونے میں کامیاب ہو گئے ۔ اس تہرے قتل کا مقدمہ تھانہ سول لائن میں درج کیا گیا ۔اس اند ہوناک وقوعہ کے بعد رائے اعجاز احمد (ڈی پی او گجرات) نے ضلع کے اہل اور منجھے ہوئے پولیس افسران پر مشتمل ٹیم تشکیل دی اور انہیں ٹاسک دیا کہ ملزمان کو جلد از جلد گرفتار کرکے کیفر کردار تک پہنچایا جائے ۔اس سلسلہ میں DSPلالہ موسیٰ محمد عثمان کی زیر نگرانی SHOتھانہ رحمانیہ SIقیصر عباس کی سربراہی میں رحمانیہ پولیس نے دن رات سخت محنت کرکے خان گروپ کاقتلوںکا مجرم اشتہاری اسلحہ آتشیں سمیت گرفتار کرلیا ۔ رائے اعجاز احمد نے بہترین کارکردگی پر SHOقیصر عباس اور ان کی ٹیم نقد انعام اور سرٹیفکیٹ دینے کا اعلان کیا۔
گجرات کی خبروں کی تصویری جہلکیاں
