کراچی (جیوڈیسک) کراچی کے مختلف علاقوں میں پولیس اور رینجرز مقابلوں کے دوران ایک ملزم ہلاک جبکہ دو زخمی ملزمان کو گرفتار کر لیا گیا۔
ایس پی سٹی شیراز نذیر نے بتایا کہ لیاری کے علاقے کلاکوٹ میں گینگ وار ملزموں کا پولیس اور رینجرز کے ساتھ مقابلہ ہوا، جس کے دوران لیاری گینگ وار کا ملزم رسول بخش عرف رمیز مارا گیا۔
ایس پی سٹی نے بتایا کہ مارے جانے والا ملزم ٹارگٹ کلنگ اور اغوا برائے تاوان کے سنگین مقدمات میں پولیس کو مطلوب تھا۔ دوسری جانب میٹھادر میں پولیس مقابلے کے بعد ایک ملزم محمد سجن کو گرفتار کر کے 30 بور پستول بھی برآمد کر لیا گیا۔
ایس پی کلفٹن عبادت نثار نے بتایا کہ ڈیفنس فیز 1 میں پولیس مقابلے کے بعد ایک ملزم کو زخمی حالت میں گرفتار کر لیا گیا، جس کے قبضے سے پستول اور موٹر سائیکل بھی ملی ہے، جبکہ اسکا دوسرا ساتھی فرار ہو گیا۔
بجلی کا شارٹ فال 6000 میگاواٹ سے بھی تجاوز کر گیا
مظفرگڑھ: 13 سالہ لڑکی کا ریپ کرنے والے پانچ مشتبہ افراد گرفتار
