لاہور (جیوڈیسک) پنجاب حکومت نے صوبے بھر کی سرکاری جامعات اور کالجز میں جاری کوٹہ سسٹم ختم کرنے کا فیصلہ کیا ہے۔
پنجاب حکومت نے ایچی سن کالج سے کوٹہ سسٹم کے خاتمے کے مثبت نتائج سامنے آنے کے بعد صوبے بھر کی جامعات اور کالجز سے بھی کوٹہ سسٹم ختم کرنے کا فیصلہ کیا ہے۔
وزیراعلی پنجاب میاں شہباز شریف نے صوبے بھر کی 12 سرکاری جامعات کے وائس چانسلز اور کالجرز کے پرنسپلز کو ہدایت کی ہے کہ تعلیمی اداروں سے کوٹہ سسٹم ختم کرنے کے لئے فوری طور پر اقدامات کئے جائیں۔
دوسری جانب گورنر پنجاب چوہدری محمد سرور کا کہنا ہے کہ وزیراعلیٰ شہباز شریف کی ہدایت کی روشنی میں سرکاری اداروں سے جلد کوٹہ سسٹم کا خاتمہ کر دیا جائے گا تاہم حکومت نے سرکاری اسکولوں سے کوٹہ سسٹم کے خاتمے کے حوالے سے تاحال کوئی فیصلہ نہیں کیا۔
واضح رہے کہ کوٹہ سسٹم کے تحت سرکاری جامعات کے وائس چانسلرز اور کالجز کے پرنسپلز کو بچوں کے داخلے کے خصوصی اختیارات حاصل تھے۔ اس سے قبل ایچی سن کالج نے بھی 55 سال سے جاری کوٹہ سسٹم ختم کرنے کا اعلان کیا تھا۔
حج کرپشن، ملزم سعودی عرب میں گرفتار، سپریم کورٹ نے واپسی کا ٹائم فریم مانگ لیا
14 اگست کو اگلے پروگرام کا بلیو پرنٹ دونگا، حقیقی جمہوریت چاہتے ہیں: عمران خان
