لاہور (جیوڈیسک) ائیر پورٹ انتظامیہ کی جانب سے اندرون و بیرون ملک سے آنے اور جانے والی قومی و نجی ائیرلائنز کی 60 پروازوں کا شیڈول جاری کیا گیا جن میں سے 10 پروازیں منسوخ جبکہ متعدد تاخیر کا شکار ہوئیں۔
لاہور سے دبئی جانے والی پرواز 203، لندن جانے والی پرواز 757 ، جدہ جانے والی پرواز 52، کراچی جانے والی پرواز 143 دوسری جانب بحرین سے لاہور آنے والی پرواز 290، جدہ سے آنے والی پرواز 51، دبئی سے آنے والی پرواز 204، ملتان سے آنے والی پرواز 380 اور کراچی سے لاہور آنے والی پروازیں 140 اور 306 کو آپریشنل وجوہات کی بنا پر منسوخ کر دیا گیا۔
دوسری جانب تکنیکی وجوہات متعدد پروازیں تا خیر کا شکار ہوئیں۔ علاوہ ازیں پی آئی اے کی کو الالمپور جانے والی پرواز 898 فنی خرابی کے باعث رن وے پر روک لی گئی، ڈیڑھ گھنٹہ تک مسافر بغیر اے سی کے جہاز میں بیٹھے رہے اس کے بعد مسافروں نے گرمی محسوس کرنے پر جہاز کے اندر احتجاج کیا جس پر پی آئی اے انتظامیہ نے جہاز کا دروازہ کھول دیا، پرواز 4 گھنٹے کی تاخیر سے کوالالمپور روانہ ہو ئی۔
پشاور: پولیس موبائل پر حملہ، دو اہلکار شہید، ایک حملہ آور مارا گیا
نقل مکانی کرنیوالوں کو آج سے37 ہزار روپےملنا شروع ہو نگے
