نواز، شہباز شریف تیسری بار وزیراعظم بننے کیلئے NFC ایوارڈ میں پنجاب نہ بیچتے تو بجلی، گیس کا عذاب نہ ہوتا: چودھری پرویزالٰہی گجرات (جی پی آئی )پاکستان مسلم لیگ کے سینئرمرکزی رہنما اور سابق نائب وزیراعظم چودھری پرویزالٰہی نے کہا ہے کہ نواز اور شہباز شریف نے تیسری بار وزیراعظم بننے کیلئے این ایف سی ایوارڈ میں پنجاب کے عوام کا سودا کر دیا، جس کے باعث یہاں دیگر صوبوں کی نسبت گیس اور بجلی کا زیادہ بدترین عذاب مسلط ہے اور صوبہ کنگال ہو رہا ہے، شہروں میں روزانہ 18 سے 20 گھنٹے بجلی بند رہتی ہے اور گیس ہفتہ میں دو دن ملتی ہے جبکہ دیہات میں بجلی آتی ہی نہیں، ٹیوب ویل بند ہیں، فصلیں تباہ اور لوگ بیمار ہو رہے ہیں، حالات تیزی سے اجتماعی احتجاج کی طرف جا رہے ہیں جس میں ہر طبقہ کے لوگ شامل ہوں گے، جھوٹ کی فیکٹریاں لگانے اور باتیں بنانے والے فیصل آباد میں ن لیگ والوں کے احتجاجی اشتہار دیکھیں جن کی فیکٹریاں بند اور چولہے ٹھنڈے ہیں، حکمرانوں کے معافی مانگنے پر عوام کہتے ہیں کہ آپ ہمیں معاف کر دیں اور ہماری جان چھوڑیں۔ وہ یہاں اپنی رہائش گاہ پر طارق بشیر چیمہ ایم این اے اور چودھری ظہیر الدین کے ہمراہ پریس کانفرنس سے خطاب کر رہے تھے۔ چودھری پرویزالٰہی نے کہا کہ پنجاب میں آج بجلی اور گیس کا جو بحران ہے یہ ان کا اپنا پیدا کردہ ہے اگر یہ این ایف سی ایوارڈ میں آبادی کی بنیاد پر وسائل کی تقسیم کا آئینی فارمولا تبدیل نہ کرتے تو آج پنجاب کا یہ حال نہ ہوتا، اس تبدیلی کیلئے میں نے بطور وزیراعلیٰ پنجاب ہر قسم کا دبائومسترد کر دیا تھااور یہ شرط رکھی تھی کہ باقی وزیراعلیٰ کالا باغ ڈیم کا افتتاح کر دیں تو پنجاب بھی پیداواری صوبہ کو زیادہ حصہ دینے کا رائٹ ایٹ سورس کا فارمولا تسلیم کر لے گا۔ انہوں نے کہا کہ بجلی ہمارے دور میں صرف 4 سے 5 روپے فی یونٹ تھی آج 14 سے 16 روپے فی یونٹ ہے، ہمارے دور میں تو لوڈشیڈنگ تھی ہی نہیں بلکہ ایسی بدترین لوڈشیڈنگ تو پیپلزپارٹی کے دور میں بھی نہیں تھی۔ انہوں نے کہا کہ بجلی نہ آنے سے لوگوں کا جینا مشکل ہو گیا اور سحر و افطار میں گرمی سے تڑپتے بچے، خواتین، بوڑھے، جوان سب حکومت سے نجات کی دعا مانگتے ہیں لیکن نواز شریف کا گذشتہ روز لوڈشیڈنگ پر نوٹس لینے کا بیان شائع ہوا ہے، چلو ان کو پتہ تو چل گیا کہ عوام کس عذاب سے دوچار ہیں، ان کے بھائی شہباز شریف کو بھی اپنے گھر کے قریب 100 افراد کو گولیاں مارنے کا بھی پتہ نہیں چلتا، یہ کیسے حکمران ہیں؟ چودھری پرویزالٰہی نے کہا کہ بجلی کے بل آسمان سے باتیں کر رہے ہیں، ایک پنکھے اور بلب پر ہزاروں کے بل آ رہے ہیں، بجلی آتی نہیں لیکن بل آنے پر بجلی گر جاتی ہے۔ انہوں نے کہا کہ ن لیگ کی حکومت نے صوبہ کی سطح پر بجلی پیدا کرنے کا اختیار اور وسائل رکھنے کے باوجود پنجاب میں پہلے 5 سال میں ایک میگا واٹ بجلی پیدا نہیں کی اور نہ اب ایک سال میں، جب کہ ان کے پاس صوبہ اور وفاق دونوں جگہ حکومت ہے، نندی پور پراجیکٹ ایک ٹربائن چند روز چلا کر بند پڑا ہے، میں نے اپنے دور میں پنجاب کی سطح پر پنجاب پاور ڈویلپمنٹ بورڈ قائم کیا، اور نہروں پر ہائیڈل الیکٹرسٹی جنریشن کے 48 منصوبے شروع کیے تھے۔ انہوں نے کہا کہ کروڑوں روپے کی اشتہاری مہم چلانے کے باوجود نندی پور، گدو کے پاور پلانٹس بند پڑے ہیں، حکمران قوم سے ٹی وی پر آ کر معافی مانگ رہے ہیں لیکن پھر بھی جھوٹ بولتے ہیں اب تو عوام ان سے کہتے ہیں کہ آپ ہمیں معاف کر دیں، ہماری جان چھوڑیں۔ انہوں نے کہا کہ ساہیوال اور گڈانی کول پاور پلانٹ کے نام پر بھی دھوکہ دے رہے ہیں، یہ جلد شروع ہی نہیں ہو سکتے، ساہیوال کوئلہ پہنچانے کیلئے ٹریک بچھانے کیلئے اربوں روپے درکار ہوں گے۔ انہوں نے ایک سوال پر کہا کہ دوسرے صوبوں میں وعدے کرنے سے پہلے شہباز شریف اپنے صوبہ میں تو وعدے پورے کریں، شمالی وزیرستان میں ہسپتال اور یونیورسٹی بنانے کا اعلان تو کر دیا لیکن وہ وزیرآباد کارڈیالوجی ہسپتال چالو نہیں کرتے جبکہ بلوچستان میں کارڈیالوجی ہسپتال اور یونیورسٹی کا وعدہ بھی پورا نہیں کیا۔ آصف زرداری کے حالیہ بیان کے بارے میں ایک سوال کے جواب میں انہوں نے کہا کہ اچھی بات ہے انہوں نے عوامی مسائل کا احساس کرتے ہوئے اس پر بات کی ہے۔ ایک اور سوال پر انہوں نے کہا کہ ہماری کوشش ہے کہ عمران خان کے لانگ مارچ اور طاہر القادری کے انقلاب مارچ کی تاریخ ایک ہو جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈی پی او گجرات رائے اعجاز احمد نے کہا ہے کہ رمضان المبارک کے آخری عشرہ میں ہونیوالے تمام پرگرواموں گجرات( جی پی آئی ) ڈی پی او گجرات رائے اعجاز احمد نے کہا ہے کہ رمضان المبارک کے آخری عشرہ میں ہونیوالے تمام پرگرواموں میں فول پروف سکیورٹی فراہم کی جائے گی ‘ وہ گزشتہ روز ضلع کونسل ہال گجرات میں مذہبی شخصیات اور پولیس آفسران کے اجتماع سے خطاب کر رہے تھے ‘ انہوں نے کہا ہے کہ جس طرح ہم نے پہلے سکیورٹی کے انتظامات بہتر طریقے سے کئے ہیں ‘ آئندہ بھی اس طرح گجرات کے پولیس آفیسران اپنے فرائض سرانجام دیں گے ‘ یوم شہادت علی علیہ السلام کے سلسلہ میں ضلع بھر میں ہونیو الے تمام پرگرواموں میں پولیس آفسران و ملازمین اپنی ڈیوٹی سرانجام دینگے ‘ اس پہلے تمام روٹس کا معائنہ کیا جائے گا ‘ اور سکیورٹی برانچ کے افسران و ملازمین سویپنگ کرینگے ‘ اس موقع پر انہوں نے تمام لائسنس ہولڈر سے علیحدہ علیحدہ بات چیت کی اور متعلقہ ایس ایچ او کو ہدایات جاری کئے ۔تمام مجالس اور جلوس کے ہمراہ پولیس افسران موجود ہونگے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ صدر شیعہ علماء کونسل سید الطاف عباس کاظمی نے گزشتہ روز ڈی پی او گجرات سے ملاقات کی گجرات (جی پی آئی ) صدر شیعہ علماء کونسل سید الطاف عباس کاظمی نے گزشتہ روز ڈی پی او گجرات سے ملاقات کی ‘ اور انہیں رمضان المبارک کے آخری عشرہ میں ہونیو الے پروگراموں کے حوالے سے آگاہ کیا ۔ اور سکیورٹی کے انتظامات کے حوالہ سے گفتگو کی گئی ۔ ڈی پی او گجرات نے اس موقع پر بھر تعاون کی یقین دہانی کرائی ۔ اس موقع پر پروفیسر سرفراز جعفری ‘ جواد حسین جعفری بھی موجود تھے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ صوبائی صدر شیعہ علماء کونسل مولانا مظہرعباس علوی نے جواد حسین جعفری کے رہائشگاہ پر صحافیوں سے گفتگو کرتے ہوئے کہا ہے گجرات ( جی پی آئی ) صوبائی صدر شیعہ علماء کونسل مولانا مظہرعباس علوی نے جواد حسین جعفری کے رہائشگاہ پر صحافیوں سے گفتگو کرتے ہوئے کہا ہے کہ شمالی وزیر ستان میں ضرب عضب کے نام سے جو آپریشن جاری ہے ہم اس کی بھرپور حمایت کرتے ہیں لیکن یہ آپریشن صرف وزیر ستان میں نہ کیا جائے بلکہ پنجاب کے علاقوں میں کیا جائے ‘ کیونکہ لشکر جھنگوی کے دہشت گرد آج بھی پنجاب میں دندنا تے پھر رہے ہیں یہ آپریشن آج سے دس سال پہلے ہونے جانا چاہیے تھا ‘ کیونکہ دہشت گردی آج سے نہیں کافی عرصہ سے جاری ہے ۔ اور شیعہ علماء کرام کے خلاف طالبان کے نام سے جو ٹولا سر گرم عمل ہے یہ لشکر جھنگوی کے نام سے پنجاب میں سر گرم عمل ہے ‘ اور لشکر جھنگوی کے خلاف بھرپور طریقہ سے آپریشن کرنے کی ضرورت ہے ‘ حکومت لشکر جھنگوی کی سرپرستی کر رہی ہے ‘ اور آج تک لشکر جھنگوی کے کسی بھی رہنما کو گرفتار نہیں کیا گیا ‘ یہ گروپ گزشتہ دو دہائیوں سے شیعہ کشی میں مصروف ہے ‘ حکومت کو تکفیری گروہ کے خلاف سختی کارروائی عمل میں لانی چاہیے ‘ اور حکومت کی سرپرستی میں تکفیری گروہ جلسے کر رہا ہے ‘ جس سے عوام کو مشکلات پیش آ رہی ہیں ‘ کراچی میں آج تک آپریشن نہیں کیا گیا صرف آپریشن کے نام پر کارروائی کی جا رہے گی ‘ نااغواء برائے تعاون کی وارداتیں کم ہوئیں ہیں ‘ نا ہی بھتہ خوری رکی ہے ‘ حکومت عوام کو بتائے کہ وہ کیوں ناکام ہو رہی ہے ‘ اگر کراچی میں اس صورت حال پر قابو نہ پایا گیا تو کون ذمہ دار ہوگا ۔ انہوں نے مزید کہا ہے کہ ملک میں امن وامان کا قیام حکومت کی ذمہ داری ہے اور حکومت اس ذمہ داری کو سرانجام دے ۔ اس موقع پر علامہ سبطین حیدر سبزوری ‘ پروفیسر زمان الحسن حسینی ‘ سید الطاف عباس کاظمی ‘ پروفیسر سرفراز جعفری ‘ جواد جعفری ‘ وقار الحسن ہیر ا بھی موجود تھے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ممتاز سماجی شخصیت جواد حسین جعفری نے اپنے رہائشگاہ ایمپائر ہائوس گجرات گجرات ( جی پی آئی ) ممتاز سماجی شخصیت جواد حسین جعفری نے اپنے رہائشگاہ ایمپائر ہائوس گجرات میں صدر شیعہ علماء کونسل پنجاب علامہ مظہر عباس علوی و دیگر علماء کرام کے اعزاز میں گرینڈ افطار ڈنر دیا ‘ جن میں پروفیسر سرفراز حسین جعفری ‘ علامہ محمد افضل حیدری ‘ علامہ سبطین حیدر سبزوری ‘ علامہ اشتیاق حسین کاظمی ‘ علامہ ناظم حسین جعفری ‘ علامہ زمان الحسن حسینی ‘ پروفیسر سر فراز حسین جعفری ‘ سید الطاف عباس کاظمی ‘ وقار الحسن ہیرا ‘ ڈاکٹر رزاق احمد غفاری ‘ سید فصیح الحسن و دیگر شامل تھے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈی سی او گجرات کے خوبصورت گجرات کا خواب ٹی ایم اے گجرات کی نااہلی کی وجہ سے دھندلا پڑ رہا ہے گجرات (جی پی آئی ) ڈی سی او گجرات کے خوبصورت گجرات کا خواب ٹی ایم اے گجرات کی نااہلی کی وجہ سے دھندلا پڑ رہا ہے ‘ تفصیلات کے مطابق ایمپائر سنٹر ‘ سمال اسٹیٹ انڈسٹریز کے سامنے ڈی سی او گجرات کے کہنے پر ٹف ٹائیل اور گرین بیلٹ بنا دی گئی مگر وہاں پر اکٹھا ہونے والا کچر ااور مٹی ٹی ایم اے گجرات کی نااہلی کی وجہ سے اٹھایا نہیں جا سکا ۔ ٹی ایم او کو اطلاع دینے کے باوجود ابھی تک مٹی کے ڈھیرے وہی پڑے ہوئے ہیں ‘ جس سے عوام الناس کو شدید مشکلات کا سامنا کرنا پڑا رہا ہے ‘ عوامی حلقوں نے ڈی سی او گجرات سے مطالبہ کیا ہے کہ وہ از خود نوٹس لیں ‘ اور مٹی ڈھیرے اُٹھانے کی ہدایت کریں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سالانہ جشن ولادت امام حسن علیہ السلام عقیدت و احترم کے ساتھ منایا گیا گجرات ( جی پی آئی ) سالانہ جشن ولادت امام حسن علیہ السلام عقیدت و احترم کے ساتھ منایا گیا ۔ جامع مجتبیٰ سلطان آباد میں سالانہ پروگرام منعقد ہوا ‘ جس میں ملک بھر سے علماء کرام نے شرکت کی اور خطاب کیا ۔ خصوصی خطاب صوبائی صدر شیعہ علماء کونسل مولانا مظہر عباس علوی نے کیا ۔ دیگر مقررین میں مولانا علامہ محمد افضل حیدری ‘ علامہ سبطین حیدر سبزوری ‘ علامہ محمد حسنین ‘ علامہ سید ذکاء حسین ‘ علامہ مختار حسین نقوی ‘ علامہ وقار حسین نقوی ‘ علامہ ناظم حسین جعفری ‘ ڈاکٹر تنویر رضوی ‘ علامہ سید بلال حسن ‘ مولانا عابد حسین ‘ مولانا غلام عباس ‘ پروفیسر سرفراز حسین جعفری ‘ رئیس مدرسہ جواد حسین جعفری ‘ سید الطاف عباس کاظمی ‘ میر سبطین ‘ وقار الحسن ہیرا ودیگر شامل تھے ۔ اس موقع پر ممتاز شخصیات کی کثیر تعداد موجود تھی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ صدر سٹیز ن فرنٹ سٹی گجرات شیخ عرفان پرویز نے اپنے بیان میں کہا ہے گجرات ( جی پی آئی ) صدر سٹیز ن فرنٹ سٹی گجرات شیخ عرفان پرویز نے اپنے بیان میں کہا ہے کہ نوجوان سماجی راہنما ڈاکٹر ثوبان شاہد کو صدر گجرات فرینڈ لائن کلب منتخب ہونے پر مبارکباد پیش کرتے ہیں ۔ کیونکہ ڈاکٹر ثوبان شاہد جیسے نوجوان ہمیشہ خدمت خلق میں کوشاں رہتے ہیں ‘ اس طرح کے نوجوان ہمارے اثاثہ ہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پاکستان عوامی تحریک یوتھ ونگ ضلع گجرات کے صدر سلیم رضا نے کہا کہ فلسطین میں اسرائیلی جارحیت اقوام متحدہ کے منہ پر طمانچہ ہے گجرات (جی پی آئی) پاکستان عوامی تحریک یوتھ ونگ ضلع گجرات کے صدر سلیم رضا نے کہا کہ فلسطین میں اسرائیلی جارحیت اقوام متحدہ کے منہ پر طمانچہ ہے۔ اقوام متحدہ کا قیام اس لیے عمل میں لایا گیا تھا تاکہ وہ اقوام عالم کے درمیان امن بحال ہوسکے مگر یہ ادارہ مکمل طور پر ناکام رہا ہے اور ویٹو طاقتوں کے ہاتھو ں کھلونا بنا ہوا ہے ۔ اقوام متحدہ نے یہ مسئلہ حل کر دیا تھا ان کی حدود متعین کر دی تھی مگر UNاپنی قراردادوں پر عمل نہیں کروا سکا فلسطین کے بارے میں 100سے زیادہ قراردادیں ویٹو ہو چکی ہیں دنیا میں ویٹو پاروز نے طاقت بگاڑ کر رکھ دیا ہے اقوام عالم میں کسی کو جرات نہیں کہ اسرائیل کی جارحیت کے بارے میں اس سے سوال کر سکے ، ایک طرف پتھر اور غلیل ہے اور دوسری طرف ٹینک، میزائل، توپیں اور گولہ و بارود ہے اسرائیلی بربریت سے سینکڑوں معصوم لوگ شہید ہوچکے ہیں اور سینکڑوں بچے اور جوان زخمی ہوچکے ہیں انہیں روکنے کے لیے اقوام متحدہ کردار ادا کرے فلسطین میں مسئلہ مسلم یا غیر مسلم کا نہیں ہے بلکہ انسانیت کا ہے یہ انسانی حقوق کا مسئلہ ہے ہمیں اس بربریت اور ظلم کے خلاف اٹھ کھڑا ہونا چاہیے۔ انہوں نے کہا کہ پاکستانی حکمرانوں کے اندر اتنی جرات نہیں کہ اقوام عالم کے سامنے ڈٹ کر فلسطین کے مسئلے کو اٹھائے یہ حکمران خود اسرائیلی ذہینت کے مالک ہیں جنہوں نے 17جو ن کو لاہور کے اندر چھوٹا غزہ قائم کرتے ہوئے ایک سو نہتے پاکستانی شہریوں پر گولیاں چلائیں 14نہتے پاکستانیوں کو گولیاں مار کر شہید کر دیا جن میں دوخواتین کے چہروں پر سیدھی گولیاں ماری گئی ۔ ان سے کیا توقع کریں کہ یہ فلسطین کے لوگوں کے لیے آواز اٹھائیں گے ۔ انقلاب آئے گا پھر آواز اٹھے گی یہ اقتدار بھیک میں مانگ کر لائیں ہیں انکی اپنی کوئی پالیسی نہیں یہ بیرونی آقائوں کے غلام ہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پاکستان عوامی تحریک گجرات کے ضلعی صدر چوہدری سمیع اللہ وڑائچ نے مزدور یونینز گجرات (جی پی آئی) پاکستان عوامی تحریک گجرات کے ضلعی صدر چوہدری سمیع اللہ وڑائچ نے مزدور یونینز کے وفود سے ملاقات کرتے ہوئے کہا ہے کہ جو جمہوریت عوام کو روٹی ،کپڑا ، مکان مہیا نہ کرسکے اسے ڈی ریل ہی ہو جانا چاہیے۔بنیادی حقوق کے مطالبے سے جمہوریت کس طرح ڈی ریل ہو سکتی ہے اور ایسی جمہوریت کا کیا کرنا جس میں غریب کو کچھ نہ ملے انہوں نے کہا حکمران کے بزدلانہ ہتھکنڈوں سے نہ تو تحریک رک سکتی ہے اور نہ ہی انقلاب کو روکا جاسکتا ہے حکمران اتنا ظلم کریں جتنا وہ خود برداشت کرسکیں۔ انقلاب کے ایجنڈے پر کا م جاری ہے اس سلسلے میں نظام کی تبدیلی کی خواہشمند تمام جماعتوں سے رابطے بھی کیے جارہے ہیں تمام طبقات سے ملاقاتیں کرنے کے بعد ڈاکٹر طاہر القادری انقلاب کی حتمی تاریخ کا اعلان کریں گے ۔ انہوں نے کہا قرآن کا حکم ہے کہ دولت چندہاتھوں تک محدود نہ رہے بلکہ وسائل زندگی کی منصفانہ تقسیم کی جائے جس کا آئین پاکستان کے آرٹیکل 38میں وعدہ کیا گیا ہے ۔مزدورں کے خون سے فیکٹریاں چلتی ہیں اور مزدور بھوک سے مر رہے ہیں انکا معیار زندگی کتوں سے بھی کم تر ہے اور حکمرانوں کے کتوں کا خرچ بھی لاکھوں میں ہے۔ سینکڑوں کنالوں میں رہنے والوں کو بائولے کتے نے کاٹا ہے کہ وہ مزدورں کے مسائل کی جنگ لڑیں اگر مزدورں نے اس وقت ڈاکٹر طاہر القادری اور انقلابی تحریک کا ساتھ نہ دیا تو پھر ان ظالم حکمرانوں سے ٹکرانے والا اور غریبوں کا مقدر سنوارانے والا پیدا نہیں ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ممتاز صنعتکار عمیر سیٹھی نے دوست احباب میں شاندار افطار پارٹی کا اہتمام کیا گجرات (جی پی آئی ) ممتاز صنعتکار عمیر سیٹھی نے دوست احباب میں شاندار افطار پارٹی کا اہتمام کیا جس میں نعمان بٹ ، خرم شہزاد بٹ ، عدنان انصاری ، عمر گجرچیئر مین ڈسٹرکٹ کوارڈی نیٹر مصالحتی کمیٹی ، چوہدری یاسر عرفات بلو شیر گروپ ، ذیشان زیب بٹ چیف ایگزیکٹو علینا سنٹر ، جیزان بٹ سمیت دیگر نے شرکت کی اس موقع پر عمیر سیٹھی نے اپنے خیالا ت کا اظہار کرتے ہوئے کہا کہ حقوق العباد میں عمل پیر ا ہو نے میں ہی اللہ تعالیٰ کی خوشنودی کی راز مضمر ہے جو لوگ بے سہارا سفید پوش حقیقی حق کے طلبگار و دکھی انسانیت کو اپنا شعار بنا تے ہیں اللہ تعالیٰ کی نعمت و رحمتوں سے سرفراز ہو تے ہیں ، انہوں نے کہا کہ رمضان المبارک فضیلت اور برکتوں والا مہینہ ہے ماہ مقدس میں مومن اللہ کی رحمت سے فیض یاب ہوتے ہیں اس ماہ میں نیکی کی خاطر کیا گیا ہر کام عظیم اور اللہ کی قربت حاصل کر نے کا بہترین ذریعہ ہے ، رمضان المبارک نیکیوں کا موسم بہار ہے ، اس ماہ مبارک میں اللہ تعالیٰ کی رحمت اور بخشش سے مومن فیض یاب ہو تے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ممتاز سیاسی وسماجی شخصیت ملک احسان دانش کی رہائش گاہ حاصلا والہ پر افطار ڈنر پارٹی گجرات (جی پی آئی )ممتاز سیاسی وسماجی شخصیت ملک احسان دانش کی رہائش گاہ حاصلا والہ پر افطار ڈنر پارٹی کی تقریب منعقد ہوئی ، جس میں سیاسی وسماجی مذہبی وکاروباری اور علاقہ اہم شخصیات نے کثیر تعداد میں شرکت کی ، شرکت کرنیوالوں میں رانا مصطفی ، حاجی امتیاز احمد چوہدری ، چوہدری محمد اسلم ، چوہدری حاجی انصر گوندل ، چوہدری ہارون رشید ، چوہدری محسن ، چوہدری احسان الہٰی انسپکٹر ، صاحبزادہ عبدالصمد عابد ، غلام مرتضیٰ ، مرزا ریاض اے ایس آئی چوکی حاصلاوالہ ، حاجی محمد حسین ، علی بھٹی ، شہزاد وڑائچ ، شکیل گھمن نے شرکت کی ، اس موقع پر ملک احسان ، رانا مصطفی نے اپنے خیالات کااظہار کرتے ہوئے کہا کہ رمضان المبارک میں ہمیں اپنے غریب بہن بھائیوں کا خیال رکھنا چاہئے اور ان کی دل کھول کر مالی امداد کرنی چاہئے ، تاکہ وہ بھی عید کی خوشیاں میں ہمارے ساتھ شریک ہوسکے۔
مہمند ایجنسی، میاں منڈی بازار میں دکانداروں ، عوام اور فلاحی تنظیموں کا بجلی لوڈ شیڈنگ کرنے پر احتجاجی مظاہرہ
وزیر ستان کے طلبہ کی بحالی کے لئے اقدامات ناگزیز ہیں : زبیر حفیظ
