مصطفی آباد/للیانی (نامہ نگار) قدرت کا قہر امریکہ، اسرائیل اور بھارت کوان کے غرورسمیت ملیا میٹ کردے گا۔ مظلوم کی آہ سے تو اللہ تعالیٰ کاعرش بھی ہل جاتا ہے ،امریکہ، اسرائیل اوربھارت کے ظلم کاسورج عنقریب غروب ہوجائے گا، ان خیالات کا اظہارسابقہ امیدوار برائے صوبائی اسمبلی حلقہ پی پی175سید طیب حسین رضوی ایڈووکیٹ نے اپنے ایک بیان میں کی، انہوں نے مزید کہا کہ امریکہ کے آشیرباد سے اس کے اتحادی ا سرائیل نے فلسطین میں بربریت اورکشت وخون کی انتہا کردی ۔پاکستان سمیت اسلامی ملکوں میں مسلسل سات روزسوگ منایا جائے۔ یورپ کے ناجائز بچے نے معصوم فلسطینی بچوں پرجوظلم کیاان کی مذمت کافی نہیں اب شیطانی تکون کیخلاف مزاحمت ناگزیر ہوگئی ہے ۔افسوس فلسطینی بچوں کی نعشیں دیکھنے کے باوجود مسلم حکمرانوں کادل نہیں پگھلتا اوران کاضمیر انہیں نہیں جھنجوڑتا ۔مسلم حکمرانوں کے بیانات سے امریکہ اوراسرائیل کی روش نہیں بدلے گی ،جارحیت کاجواب طاقت سے دیا جائے ۔ہرسچامسلمان اپنے مظلوم فلسطینی بھائیوں کے ساتھ ہے مگرنہ جانے مسلم حکمران کس کے ساتھ ہیں۔ اسرائیل کی طرف سے اپنے دفاع کی آڑ میں فلسطینی بچوں سمیت خواتین کوموت کے گھاٹ اتارنا عالمی ضمیر کے منہ پرطمانچہ ہے۔ پندرہ خواتین اورسات بچوں سے اسرائیل کوکس قسم کے خطرات کاسامنا تھا ،کیاان بیگناہ اورکمزور انسانوں کی زندگیاں چھین کر اسرائیل محفوظ رہ سکتا ہے ۔انہوں نے کہا کہ اسرائیل کی حالیہ درندگی کے باوجود امریکہ کی طرف سے اس کی سرپرستی اور وکالت شرمناک اور قابل نفرت ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار)سنیئر صحافی سہیل الیاس کی وفات پر للیانی پریس کلب کا تعزیتی اجلاس، آج ہم صحافیوں کے استاد اور ایک سنیئر ترین صحافی سے محروم ہو گئے ہیں، محمد عمران سلفی،تفصیلات کے مطابق للیانی پریس کلب و یونین آف جرنلسٹ مصطفی آباد کا تعزیتی اجلاس صدر محمد عمران سلفی کی زیر صدارت منعقد ہوا۔ اجلاس میں سنیئر صحافی و معروف اخبار کے چیف ایڈیٹر سہیل الیاس کی اچانک وفات پرمحمد شاہد عمر،چوہدری اصغر علی، اصغر علی شہزاد، منیر احمد بھٹی، الیاس ملک، عبدالقیوم، محمد جمیل سندھو،سعید احمد بھٹی، عبدالمنان سلفی، ، ارشد علی شامی، زبیر احمدبھٹی،سید اسرار احمد زیدی شاہ،سارنگ جاوید ملک،ارشد علی جوئیہ، حافظ طاہر اقبال ودیگرصحافیوں کی بڑی تعدادنے گہرے دکھ کا اظہار کرتے ہوئے مرحوم کی مغفرت اور لواحقین کیلئے صبر کی دعا کی۔ محمد عمران سلفی نے تعزیتی اجلاس سے خطاب کرتے ہوئے کہا کہ آج ہم صحافیوں کے استاد اور ایک سنیئر ترین صحافی سے محروم ہو گئے ہیں ان کی وفات سے پیدا ہونے والا خلا صدیوں پورا نہیں ہو سکے گا، سہیل الیاس صحافت کی دنیا کا ایک عظیم ستارہ تھے، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) دھاندلی سے برسر اقتدار آنیوالے حکمرانوں کو مزید وقت نہیں دیا جا سکتا، 14اگست کو آزادی مارچ میں ان کا یوم احتساب ہو گااور تحریک انصاف کا سونامی کر پٹ حکمرانوں کو بہا لے جائے گا۔ نااہل اور مفادپرست حکمرانوں کے دن گنے جا چکے، عمران خان کی کردار کشی کر نے والے ماضی میں اپنے کردار پربھی نظر ڈالیں ، دھونس دھندلی سے ہمارا منیڈیٹ تبدیل کیا گیا۔ان خیالات کا اظہار سنیئر رہنما تحریک انصاف حاجی سیف اللہ طاہر مغل نے اپنے ایک بیان میں کیا۔ انہوں نے مزید کہا کہ عوام کی خدمت کا نعرہ لگاکرعملاً ظلم و جبر کے نظام سے ملک کو تاریکیوں کی طرف لے جایا جا رہا ہے، عوامی مسائل اور انتخابی دھندلیاں منظر عام پر آنے کے بعدموجودہ حکومت اپنی ساکھ کھو بیٹھی ہے۔ اقتدار کی بندربانٹ کرکے باری لگانے والی سیاسی جماعتوں کے گٹھ جوڑکا بت تحریک انصاف ہی پاش پاش کرے گی ،آزادی مارچ اقتدار کے لئے نہیں بلکہ عوام کی تقدیر بد لنے کے لیے ہے ۔ تحریک انصاف کے خلاف شازشیں کر نے والے کبھی ناپاک عزائم میں کامیاب نہیں ہو سکیں گے،تحریک انصاف ہی کرپٹ حکمرانوں کے اقتدار کا بستر گول کرے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار)چار نا معلوم ڈاکو موبائل کمپنی کے ٹاور سے8بیٹریاں لیکر فرار، نرسری کے چوکیدار کو باندھ کر پمپ ایکشن اور کوائل لے گئے، تفصیلات کے مطابق محلہ چوہدریاں والا میں دیوار پھلانگ کر موبائل کمپنی کے ٹاور میں داخل ہونے والے چار نا معلوم ڈاکوئوں نے اسلحہ کے زور پر بابر علی کو یرغمال بنا کر 8بیڑیاں لے گئے جبکہ تین نا معلوم ڈاکو دفتوہ روڈ پر نرسری کے چوکیدار کو بھاندھ کر پمپ ایکشن و 50ہزار روپے مالیت کا کوائل چھین کر چوکیدار کو کمرے میں بند کرکے فرار ہو گئے، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی(نامہ نگار)فوتیگی پر افسوس کرنے کیلئے آئے پانچ افراد شادی شدہ خاتون کو اغواء کرکے فرار، تفصیلات کے مطابق بیدیاں کے رہائشی جاوید اقبال کے مطابق غلام رسول، نذیراں بی بی، یار محمد اپنے دو نا معلوم ساتھیوں کے ہمراہ کیری ڈبہ پر میرے بھابی کی وفات پر افسوس کرنے کیلئے آئے تھے کہ میں جب ضروری کام کے سلسلہ میں گھر سے باہر گیا تو ملزمان نے ورغلا پھسلا کر میری بیوی کو حرام کاری کی نیت سے اغواء کرکے فرار ہو گئے، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار)محمد افسان عبیدا اللہ کی موٹر سائیکل چوری کرکے فرار ہو گیا، سرہالی خورد کے رہائشی تاجر عبیداللہ کے مطابق میری مصطفی آباد بازار میں دوکان ہے میں گاہکوں میں مصروف تھا کی محمد افسان نامی شخص میری موٹر سائیکل چوری کرکے فرار ہو گیا۔۔
اسلامی انقلاب نوشتۂ دیوار بن چکا ہے، نوجوان اس انقلاب کا ہراول دستہ ہیں۔ مدثر احمد شاہ
تلہ گنگ کی خبریں 17/7/2014
