راولپنڈی (جیوڈیسک) راولپنڈی میں ٹرالر الٹنے سے تین گاڑیاں ٹرالر تلے دب گئیں جس کے نتیجے میں ایک شخص جاں بحق جبکہ دو بچوں سمیت تین افراد زخمی ہو گئے ہیں۔
حادثہ سبزی منڈی کے علاقے میں پیش آیا جہاں ٹرالر گرنے سے ایک ٹیکسی سمیت تین گاڑیاں ٹرالر تلے دب گئیں۔ ٹرالر تلے دبنے والی گاڑیوں میں 2 بچوں سمیت ایک مرد اور ایک خاتون شامل ہیں۔
ریسکیو حکام نے آپریشن کے بعد گاڑیاں کاٹ کر ٹرالر تلے دبے افراد کو نکال لیا ہے۔
حادثے کے ایک جاں بحق اور تین زخمیوں کو پمز ہسپتال منتقل کر دیا گیا ہے۔ ہسپتال ذرائع کے مطابق زخمیوں کی حالت خطرے سے باہر ہے۔ پمز انتظامیہ کے مطابق جاں بحق کا نام عزیز الرحمان جبکہ زخمیوں میں عبدالغفار ، شازیہ اور محمد اسلم شامل ہیں۔
