لاہور (جیوڈیسک) قومی کرکٹ ٹیم کے نو منتخب بیٹنگ کوچ گرانٹ فلاور کا کہنا ہے کہ پاکستان کرکٹ ٹیم کے بیٹنگ کوچ کی ذمہ داری چیلنج سمجھ کر قبول کی، شاہد آفریدی اور عمر اکمل کی جلد بازی کی عادت دور کرنے کی کوشش کروں گا۔
لاہور میں گفتگو کرتے ہوئے گرانٹ فلاور کا کہنا تھا کہ پاکستان کرکٹ ٹیم کے بیٹنگ کوچ کی ذمہ داریاں چیلنج سمجھ کر قبول کیں، دباؤ ہو گا لیکن ٹیم کی کارکردگی میں بہتری لانے کی کوشش کروں گا۔
ان کا کہنا تھا کہ اصل ہدف ورلڈ کپ سے قبل بیٹنگ اور فیلڈنگ میں بہتری لانا ہے، شاہد آفریدی اور عمر اکمل کی جلد بازی کی عادت دور کرنے کوشش کروں گا۔
گرانٹ فلاور کا کہنا تھا کہ پاکستان ٹیم جیت کی صلاحیت رکھتی ہے اور سری لنکا کے خلاف اگلے ماہ شروع ہونے والی سیریز سخت ہو گی۔
واضح رہے کہ گرانٹ فلاور کو حال ہی میں پاکستان کرکٹ بورڈ کی عبوری انتظامی کمیٹی نے قومی کرکٹ ٹیم کے بیٹنگ کوچ کے لئے منتخب کیا ہے اور سری لنکا کے خلاف سیریز ان کی پاکستان کرکٹ ٹیم کے ساتھ پہلی سیریز ہو گی۔
وزیراعلیٰ کی پنجاب میں سکیورٹی انتظامات بہتر بنانے کی ہدایت
کامران اکمل سری لنکا سے سیریز کیلیے ٹیم میں شامل نہ کیے جانے پر برس پڑے
