غزہ (جیوڈیسک) اسرائیلی جارحیت تیرہویں روز بھی جاری ہے، تازہ حملے میں 5 افراد جاں بحق ہوئے، جس کے بعد جاں بحق فلسطینیوں کی تعداد 348 ہو گئی۔
غزہ میں ایمبولنس کو بھی نشانہ بنایا گیا۔ دوسری جانب فلسطینی صدر محمود عباس آج قطر میں حماس کے سربراہ خالد مشعال اور اقوام تتحدہ کے سیکریٹری جنرل بان کی مون سے ملاقات کریں گے۔ غیر ملکی خبر ایجنسی کے مطابق اسرائیلی حکومت کے پریس آفس سے جاری بیان میں کہا گیا ہے۔
کہ غزہ میں رپورٹنگ کے لیے آنے والے غیر ملکی صحافیوں کی حفاظت کی ذمہ دار اسرائیلی حکومت نہیں ہے۔ بیان میں کہا گیا کہ غزہ اس وقت میدان جنگ بنا ہوا ہے اور ایسی صورت حال میں رپورٹنگ کرنا خطرات سے خالی نہیں ہے۔
اور ایسے میں اگر کسی صحافی کو کوئی نقصان پہنچا تو اسرائیل ذمہ دار نہیں ہو گا۔ دوسری جانب اسرائیلی آرمی چیف نے کہا ہے کہ اسرائیل نے غزہ میں اپنی زمینی کارروائیوں کو وسعت دینے کا فیصلہ کیا ہے۔
اسرائیلی جارحیت کے جواب میں فلسطینی مزاحمت کاروں کی کارروائیوں میں 2 اسرائیلی فوجی اور ایک شہری ہلاک ہو جبکہ اسرائیلی فوج کی جوابی فائرنگ سے 4 فلسطینی مزاحمت کار جاں بحق ہو گئے۔
ادھر فلسطین کے صدر محمود عباس کی قطر کے دارالحکومت دوحہ میں حماس کے لیڈر خالد مشعل سے ملاقات آج متوقع ہے۔ ملاقات میں دونوں رہنما اسرائیل۔ حماس جنگ بندی کے بارے میں تبادلہ خیال کریں گے جبکہ بان کی مون بھی دوحہ میں فلسطین کے صدر سے ملاقات کریں گے۔
سانحے میں یوکرینی علیحدگی پسند ملوث ہوئے تو روس ذمےدار ہو گا، ڈیوڈ کیمرون
یوکرین : طیارہ تباہ ہونے سےہلاک 298 افراد کی تصاویر منظر عام پر
