نیویارک (جیوڈیسک) آسکر ایوارڈ یافتہ ہالی ووڈ اداکار کولن فرتھ اور ہدایتکار ووڈی ایلن پہلی بار ایک ساتھ۔ کولن فرتھ اور ایما اسٹون کی کامیڈی ڈرامہ فلم”میجک اِن دی مون لائٹ”کا نیاٹریلر جاری کردیا گیا ہے۔
رائٹر وہدایتکار ووڈی ایلن کی اس فلم کولن فرتھ اور ایما اسٹون کیساتھ ہامیش لنک لیٹر،مارشیا گے ہارڈن،جیکی ویور،اریکا لیئرسین،سائمن میک برنی اور جیریمی شاموس اہم کردار ادا کررہے ہیں۔ لیٹی ارونسن اور اسٹیفن ٹینن بام کی پروڈیوس کردہ اس فلم کی کہانی ایک انگلش مین کے گرد گھومتی ہے۔
جسے لوگوں کو اپنے فریب اور جھانسے میں پھانسنے والی لڑکی کا جھوٹ سامنے لانے کی ذمہ داری سونپی گئی ہے۔ ڈرامہ اور کامیڈی کے تمام لوازمات لیے یہ فلم میجک اِن دی مون لائٹ سونی پکچرز کلاسکس کے تحت رواں برس 25 جولائی کو امریکی اور 19 ستمبر کو برطانوی سینما گھروں کی زینت بنے گی۔
ایکشن سے بھر پور ہالی ووڈ سائنس فکشن فلم” لوسی”کا نیا ٹریلر جاری
فلسطینیوں کیخلاف اسرائیلی جارحیت پر سلینا گومز بھی خاموش نہ رہیں
