کوئٹہ : شمشاد رائٹرز فورم پاکستان کے مرکزی صدر حافظ محمد صدیق مدنی. جنرل سیکرٹری غلام محمد مخلص. نائب صدور راز محمد ترین شیرمحمد سلیمان خیل. سیف اللہ ترین. پریس سیکرٹری اختر محمد عسکر اور عبداللہ. سید اسداللہ اور حافظ سیف الرحمان صدیق نے افسوس کا اظہار کرتے ہوئے کہا کہ ہم غزہ میں اسرائیل کے وحشیانہ حملوں کی شدید مذمت کرتے ہیں اور غزہ کامظلوم مسلمان اسلامی دنیا کی طرف دیکھ رہا ہے لیکن اسلامی ممالک روزہ رکھ کر بیٹھے ہیں جو تعجب خیز اور افسوس ناک ہیں۔
انہوں نے کہا کہ عالم اسلام بالخصوص پاکستان اسرائیل کی دہشت گردی کیخلاف آواز بلند کریں اور مسلم امہ غزہ کے بے گناہ مسلمانوں کے دکھ کا احساس کریں اور اسرائیلی جارحیت کو روکنے کیلئے مشترکہ طور پر حکمت عملی طے کریں۔ انھوں نے مزید کہا کہ روز بروز اسرائیلی جارحیت اور دہشت گردی بڑھتی جارہی ہے اور انسانی حقوق کے عالمی ادارے خاموش کیوں ؟ انہیں اسرائےلی دہشت گردی کیوں نظر نہیں آرہی ؟ عالم اسلام کے خاموشی سے اسرائیل کی جرات مزید بڑتھی جارہی ہیں اور اسرائیل فلسطینیوں کے نسل کشی کرکے انسانی حقوق کے سنگین خلاف ورزی کررہا ہے۔
انہوں نے مزید کہا کہ اقوام متحدہ اسرائیل کی لونڈی نہ بنے بلکہ اس وحشیانہ کاروائیوں کا سخت نوٹس لیں اور فلسطینیوں پر وحشیانہ اور ظالمانہ حملوں کو رکوائے۔ اسی طرح انھوں نے امت مسلمہ کے تمام حکمرانوں سے بھی اپیل کرتے ہوئے کہا کہ کہ اب آنکھیں کھول کر اپنے مسلمانوں کو بچانے کیلئے جرات مندانہ فیصلے کرکے انہیں بچائیں۔
جمعیت کاآپریشن متاثرین کے لئے عید کارواں امید کی کرن ثابت ہو گا : زبیر حفیظ
بھمبر آزاد کشمیر کی خبریں 22-07-14
