کراچی (جیوڈیسک) کریم آباد اور گلشن اقبال میں نامعلوم افراد کی فائرنگ سے خاتون اور وکیل جاں بحق ہو گئے جبکہ 3 افراد زخمی بھی ہوئے۔
شہر قائد میں آدھے گھنٹے کے دوران فائرنگ کے 2 واقعات میں وکیل اور خاتون کو قتل کردیا گیا، کریم میں گاڑی پر فائرنگ میں 3 افراد زخمی بھی ہوئے۔
پولیس کے مطابق کریم آباد میں نامعلوم افراد نے ایک گاڑی پر فائرنگ کی جس کے نتیجے میں خاتون ہما جاں بحق ہوگئی، واقعے میں اس کا شوہر، بیٹا اور بیٹی بھی زخمی ہوئے، جنہیں اسپتال منتقل کردیا گیا۔
دوسرا واقعہ گلشن اقبال میں پیش آیا جہاں بھی مسلح افراد نے ایک گاڑی کو نشانہ بنایا جس میں وکیل سید مبارک کاظمی ایڈووکیٹ جاں بحق ہوگئے، مقتول کی لاش اسپتال منتقل کر دی گئی۔ دونوں واقعات کے بعد ملزمان با آسانی فرار ہو گئے۔
نیپرا نے بجلی کی قیمت میں 8 پیسے فی یونٹ کمی کی منظوری دیدی
بعض عناصر مارچ کی آڑ میں ملکی ترقی کا سفر روکنے کےدرپے ہیں، شہباز شریف
