سکھر (جیوڈیسک) قومی اسمبلی میں قائد حزب اختلاف خورشید شاہ نے کہا ہے کہ حکومت نے اگر عمران خان کو روکا تو جمہوریت کے لیے خطرہ ہوگا اس لیے 14 اگست کو ایسا کوئی عمل نہ کیا جائے جس سے ملک میں انتشار پھیلے۔
سکھر میں میڈیا سے بات کرتے ہوئے اپوزیشن لیڈر خورشید شاہ نے کہا کہ جلسے جلوسوں سے حکومتیں نہیں جاتیں تاہم حکومت نےعمران خان کو روکا تو جمہوریت کے لیے خطرہ ہو گا، 14 اگست خوشی کا دن ہے لہٰذا اس دن ایسا کوئی عمل نہ کیا جائے جس سے ملک میں انتشار پھیلے۔
انہوں نے کہا اسلام آباد میں فوج بلا کر چوہدری نثار نے خود اپنی کوتاہی ظاہر کردی اور انہوں نے بیان دے کر خود اپنی ناکامی بھی تسلیم کرلی ہے تاہم جو شخص اسلام آباد نہیں سنبھال سکتا وہ ملک کیسے سنبھالے گا۔
کراچی بجلی سے محروم، کچھ علاقوں میں بجلی بحال کر دی، کے الیکٹرک
انتخابی اصلاحات کے لیے 33 رکنی پارلیمانی کمیٹی کے قیام کا نوٹی فکیشن جاری
