کراچی (اسٹاف رپورٹر) پاکستان پیپلز پارٹی ڈسٹرکٹ کورنگی سٹی ایریا PS-120 کے صدر چوہدری اصغر آرائیں، جنرل سیکریٹری اختر حسین بلوچ اور سیکریٹری اطلاعات غازی اوبڑو نے مشترکہ مذمتی بیان بیان میں بے گناہ فلسطینی مسلمانوں پر اسرائیلی مظالم کی پرزور مذمت کرتے ہوئے اقوام متحدہ سے اپیل کی ہے کہ وہ عالمی دہشت گرد اسرائیل کی جانب سے فلسطینی مسلمانوں پر مظالم کا نوٹس لیتے ہوئے اس کے خلاف فوری کاروائی کی جائے۔
فلسطینی مسلمانوں پر ظلم و جبر کو فوری رکوایا جائے پیپلز پارٹی کے رہنمائوں نے فلسطینی بھائیوں سے مکمل اظہار یکجہتی کرتے ہوئے حکومت پاکستان سے مطالبہ کیا ہے کہ وہ فلسطینی عوام پر اسرائیلی مظالم کی بھر پور انداز میں مذمت کرے اور اس عالمی دہشت گردی کو عالمی فورم پر اُٹھا یا جائے ،پیپلز پارٹی کے رہنمائوں نے دعا کی کہ اللہ تعالیٰ فلسطینی مسلمانوں پر ظلم و جبر اور بے گناہ معصوم بچوں کو شہید کرنے والے دہشت اسرائیل کو نیست و نعبود کرے۔
بھمبر: اسرائیلی جارحیت کے خلاف اور فلسطینی عوام سے اظہار یکجہتی کیلیے نکالی گئی ریلی کا ایک منظر
موجودہ طاقت اور حالات میں امت مسلمہ کا اتحاد وقت کی اہم ضرورت ہے
