کراچی (جیوڈیسک) ملک میں چینی کی پیداوار کے تمام ریکارڈ ٹوٹ گئے، مقامی کھپت کے بعد بھی 8 لاکھ 36 ہزار میٹرک ٹن چینی فاضل ہے۔
ماہانہ بنیاد پر چینی کی برآمد میں329 فیصد اضافہ ہوا مگرعوام کو کیا ریلیف ملا، کچھ نہیں، رواں سال ملک میں چینی کی ریکارڈ 53 لاکھ 35 ہزار 776 میٹرک ٹن پیداوار ہوئی، 45 لاکھ میٹرک ٹن مقامی کھپت کے بعد 8 لاکھ 36 ہزار میٹرک ٹن چینی فاضل ہے، عالمی مارکیٹ میں چینی کے سودوں میں نرخ کم ہونے پر شوگر ملز مالکان کے لیے فاضل اسٹاک کو کھپانا بڑا مسئلہ بن گیا ہے۔
صورتحال کے پیش نظراقتصادی رابطہ کمیٹی نے 15 جون تک ڈھائی لاکھ میٹرک ٹن چینی کی برآمد کی اجازت دی تھی جس کے نتیجے میں 67 ہزار 970 میٹرک ٹن چینی برآمد ہوئی جومئی کے مقابلے میں 329 فیصد زائد ہے۔
ذرائع کے مطابق حکومت برآمدی مدت میں 31 اکتوبر تک توسیع پر غور کر رہی ہے۔
کراچی: سمندر سے 24 افراد کی لاشیں نکال لی گئیں، گھروں میں صف ماتم
کراچی : لائنیں ٹرپ، 90 فیصد علاقے اندھیرے میں ڈوب گئے
