اسلام آباد (جیوڈیسک) پاکستان تحریک انصاف کی ترجمان شیریں مزاری نے عمران خان کی لاہور میں عوامی تحریک کے یوم شہداء میں شرکت کی تردید کر دی ہے۔
پاکستان تحریک انصاف کی مرکزی سیکرٹری اطلاعات شیریں مزاری نے کہا ہے کہ عوامی تحریک کے بارہ اگست کو یوم شہداء میں عمران خان شریک نہیں ہو نگے ، یوم شہداء میں تحریک انصاف لاہور کی مقامی قیادت شریک ہو گی۔
ان کا کہنا ہے کہ وزیر اعلیٰ خیبر پختونخوا پرویز خٹک کی قومی سلامتی کانفرنس میں شرکت نہ کرنے کی وجہ حکومت پنجاب کا عوامی تحریک اور پی ٹی آئی کے خلاف پرتشدد اور غیر مناسب رویہ ہے۔
دوسری جانب پاکستان تحریک انصاف کا آج جہلم میں ہونیوالا ورکرز کنوشن جی ٹی روڈ پر ٹریفک جام اور متعدد شہروں میں ہنگاموں کی وجہ سے منسوخ کر دیا گیا ہے ، ورکرز کنونشن میں شاہ محمود قریشی اور جاوید ہاشمی نے شرکت کرنا تھی۔
طاہر القادری کی کینیڈین شہریت منسوخ کروانے کیلئے خط آج وفاق کو بھجوایا جائیگا، رانا مشہود
کنٹینرز کیس کا فیصلہ محفوظ، اہلکاروں کو تشدد کا نشانہ بنانا کون سا انقلاب ہے، عدالت
