نیویارک (جیوڈیسک) ہالی وڈ کی ایڈونچر سے بھرپور نئی کمپیوٹر اینیمیٹڈ فلم “دی گُڈ ڈائنو سار “کی پہلی جھلک منظراور پوسٹر عام پر آگئے ہیں۔
پیٹر سوہن اور باب پیٹر سن کی مشترکہ ہدایت کاری میں بننے والی اس فلم کی کہانی اسپاٹ (Spot)نامی ایک ایسے لڑکے کے گِرد گھومتی ہے جس کی دوستی 70فٹ اونچے دیوہیکل ڈائنو سار Arlo سے ہو جاتی ہے۔
پکسر اینیمیشن اسٹوڈیوزاور والٹ ڈزنی پکچرزکی پروڈکشن میں بننے والی اس کامیڈی فلم کے ڈائیلاگ ہالی وڈ اداکارلوکس نیف،جان لیٹگو،فرانسس میکڈولڈزاور جوڈی گریئر کی آوازوں میں ریکارڈ کئے گئے ہیں۔
کیوٹ ڈائنو سار اور ننھے لڑکے کی غیر معمولی دوستی پر مبنی کامیڈی سے بھرپور یہ ایڈونچر فیملی ڈرامہ فلم والٹ ڈزنی اسٹوڈیوز کے تحت آئندہ سال سنیما گھروں میں نمائش کیلئے پیش کر دی جائے گی۔
اداکارہ صائمہ خان کی فلم ’’عیاش‘‘ کی نمائش 14 اگست کو ہو گی
کترینہ، دیپکا نے فلمی فیس 15 کروڑ کر دی، عام فلم ساز کی پہنچ سے باہر
