مصطفی آباد/للیانی (محمد عمران سلفی) چند عاقبت نااندیش ن لیگ کے مینڈیٹ کو تسلیم کرنے کو تیار نہیں، عوام ملک میں انتشار پھیلانے کی سازش ناکام بنا دیں گے۔ عمران خان خیبر پختونحوا حکومت کی بد ترین کارکردگی چھپانے کیلئے احتجاج کر رہے ہیں، ملک کسی بھی انارکی یا افراتفری کا متحمل نہیں ہو سکتا۔
ٹیکنو کریٹ حکومت کا مطالبہ کر کے چیئرمین تحریک انصاف نے غیر آئینی اور غیر جمہوری طرز عمل کا مظاہرہ کیا۔ ان خیالات کا اظہارنائب صدر مسلم لیگ ن قصور ملک خرم نصراللہ خاں نے اپنے ایک بیان میں کیا۔ انہوں نے مزید کہا کہ تحریک انصاف کی قیادت نے سیاست میں جھوٹ بولنے کے تمام ریکارڈ توڑ دیئے، تحریک انصاف اور عوامی تحریک کے مطالبات غیر آئینی ہیں، عوام ملک میں عدم استحکام کی کوششیں کامیاب نہیں ہونے دیں گے، وزیراعظم کے استعفی دینے یا مڈ ٹرم انتخابات کا سوال ہی پیدا نہیں ہوتا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی (محمد عمران سلفی) شراب کے نشے میں دھت ہو کر غیر اخلاقی زبان استعمال کرنے والے ڈسپنسر کے خلاف کاروائی کا مطالبہ، رورل ہیلتھ سنٹر مصطفی آباد کا ڈسپنسر رانا جہانگیراکثر شراب کے نشے میں دھت رہتا ہے، عوامی حلقوں کی طرف سے کاروائی کا مطالبہ، تفصیلات کے مطابق رورل ہیلتھ سنٹر مصطفی آباد میں تعینات ڈسپنسر رانا جہانگیر اکثر شراب کے نشے میں دھت ہو کر ہسپتال میں آنے والے مریضوں اور ہسپتال کے عملہ سے غیر اخلاقی گفتگو اور سنگین نتائج کی دھمکیاں دیتا نظر آتا ہے، اہل علاقہ کی بڑی تعداد نے ڈی سی او قصور سے فوری نوٹس لیتے ہوئے شرابی ڈسپنسر کے خلاف سخت قانونی کاروائی کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی (محمد عمران سلفی) دو نامعلوم موٹر سائیکل سوار واجد علی میئو سے موبائل فون و نقدی چھین کر فرار۔ تفصیلات کے مطابق واجد علی میئو للیانی نہر کنارے موٹر سائیکل پر سوار تھہ دیال سنگھ کی طرف جا رہا تھا کہ دو نا معلوم موٹر سائیکل سوار ڈاکوئوں نے اسلحہ کے زور پر نقدی و موبائل فون چھین کر فرار ہو گئے۔
بھمبر کی خبریں 15-08-14
فیصل آباد: سفیان ٹاؤن میں جشن آزادی کا کیک پاکستان مسلم لیگ (ن) کے رہنما میاں انور دھنولہ کاٹ رہے ہیں
