کراچی (جیوڈیسک) کراچی میں دہشت گردی نہ رک سکی۔ فائرنگ کے نتیجے میں دو افراد جان سے گئے، پولیس نے ڈکیتوں کے دو بڑے گروپوں کو مسروقہ سامان سمیت گرفتار کر لیا۔
پولیس کے مطابق سرجانی ٹاؤن میں اسٹیٹ ایجنسی پرنا معلوم افراد کی فائرنگ کے نتیجے میں دو افراد زخموں کی تاب نہ لاتے ہوئے جاں بحق ہو گئے۔
ایس ایس پی فاروق عوان کے مطابق نیو کراچی میں خفیہ اطلاع پر کارروائی کی گئی، جس کے دوران گھروں میں ڈکیتی کی وارداتوں میں ملوث چار ملزمان گرفتار کر لیے گئے، ملزمان کے قبضے سے اسلحہ او رمسروقہ گاڑی برآمد ہوئی ہے۔۔
ایس پی وقار شعیب کے مطابق کراچی میں اسی سے زیادہ ڈکیتی کی وارداتوں میں ملوث پانچ افراد پر مشتمل گروہ بلال کالونی سے اسلحہ سمیت گرفتار کر لیا گیا۔
حکومت عمران خان کے آئینی مطالبات ماننے کو تیار
عمران خان سمیت پوری قیادت آج رات کارکنوں کے ساتھ گزارے گی، ترجمان تحریک انصاف
