اسلام آباد (جیوڈیسک) وفاقی وزیر ریلوے خواجہ سعد رفیق کا کہنا ہے کہ وزیراعظم نواز شریف نے ملکی مفاد میں پاکستان تحریک انصاف کے چیرمین عمران خان سے ملنے کا فیصلہ کر لیا ہے۔
خواجہ سعد رفیق نے سماجی رابطوں کی ویب سائٹ ٹویٹر پر جاری اپنے ایک بیان میں کہا ہے کہ ملکی مفاد میں وزیراعظم نواز شریف نے عمران خان سے ملنے کا فیصلہ کر لیا ہے، عمران خان کے غیر جمہوری رویے کے باوجود وزیراعظم نواز شریف ان سے ملنے کے لئے تیار ہیں۔
واضح رہے کہ گزشتہ روز وزیراعظم نواز شریف نے وفاقی وزراء اور سیاسی رہنماؤں سے رابطوں کے بعد وفاقی دارالحکومت میں گزشتہ 5 روز سے جاری سیاسی کشیدگی کو مذاکرات کے ذریعے حل کرنے کا ٖفیصلہ کیا ہے۔
وزیر اعظم آج عمران خان سے ملاقات کرینگے، قادری سے معاملات کیلئے گورنر پنجاب طلب
قوم کے عظیم سپوت راشد منہاس شہید کا آج 43 واں یوم شہادت ہے
