شیخوپورہ (جیوڈیسک) قصور اور شیخوپورہ میں وارداتیں شہری نقدی، زیورات اور قیمتی سامان سے محروم ہوگئے۔ تفصیلات کے مطابق گنڈا سنگھ والا کے نواح تارا گڑھ میں محمدعابد کی د کان سے ڈاکو اڑھائی لاکھ روپے ، قیمتی سامان لے گئے۔ بستی قادر آباد بھٹہ کے قریب یوٹیلیٹی سٹور میں داخل ہوکر ڈاکوئوں نے محمدجاوید اور مظفر علی کولوٹ لیا پتوکی کے علاقہ جاگو والا میں محمداسلم کے گھر سے ڈاکو 10 تولے طلائی زیورات، پانچ لاکھ روپے و قیمتی سامان چھین کر لے گئے۔
فیروز پور روڈ مصطفی آباد کے قریب ڈاکوئوں نے محمدخالد اور محمدجاوید سے ایک لاکھ چالیس ہزار روپے ، موٹرسائیکل اورموبائل چھین لیا، علاوہ ازیں شیخوپورہ میں تھانہ بھکھی کے علاقہ کھاریانوالہ ٹول پلازہ کے قریب دو ڈاکووں نے قصاب علی شیر سے 25 ہزار روپے، دو موبائل فون ودیگر سامان چھین لیا ۔تھانہ صدر مرید کے کے علاقہ شیخوپور ہ روڈ سے چور اویس کی موٹرسائیکل لے گئے۔
تھانہ صدر فاروق آباد کے علاقہ گائوں کجر کے قریب ڈاکوئوں نے دو موٹر سائیکل سوار دوستوں امیر علی اور پرویز کو لوٹ لیا اورامیرعلی کو اغوا کرکے ساتھ لے گئے ۔ککڑ گل کے قریب 3 ڈاکووں نے نصیر احمد سے 80 ہزار روپے، موبائل ودیگر سامان چھین لیا۔ تھانہ فیکٹری ایریا کے علاقہ کوٹ عبدالمالک کے قریب چور وسیم احمد کی موٹرسائیکل لے گئے۔
خیرپور: ٹریفک حادثے میں آٹھ افراد ہلاک
برف خانے کی گیس لیک ہونے سے 10 افراد بے ہوش
