کراچی (جیوڈیسک) تفصیلات کے مطابق سول لائن کے علاقے ہجرت کالونی میں بچوں کے جھگڑے میں بڑے کود پڑے اور ہاتھاپائی کے بعد دوطرفہ فائرنگ کے نتیجے میں محمد فاروق، لیاقت اور رؤف زخمی ہوگئے جنہیں فوری طبی امداد کیلئے جناح اسپتال پہنچایا گیا جبکہ واقعے کی اطلاع ملتے ہی پولیس موقع پر پہنچ گئی اور موقع پر ہی تین افراد کو حراست میں لے لیا۔
اس ضمن میں ایس ایچ او سول لائن وقار تنولی کاکہنا ہے کہ بچوں میں لڑائی پان کی پیک تھوکنے پر شروع ہوئی تھی جس میں بڑے کود پڑے اور دوطرفہ فائرنگ کے نتیجے میں باپ بیٹے سمیت 3 افراد زخمی ہوئے ہیں اور 3افراد کو پولیس نے حراست میں لیا ہے تاہم آخری اطلاعات تک پولیس نے واقعہ کا مقدمہ درج نہیں کیا تھا۔
پیرآباد تھانے کی حدود اورنگی ٹاؤن ایم پی آر کالونی میں الشفاءاسپتال کے قریب نامعلوم ملزمان کی فائرنگ سے 35 سالہ اکبر ولد سخی جان زخمی ہوگیا۔سائٹ اے تھانے کی حدود پٹھان کالونی ملنگ ہوٹل کے قریب مسلح ڈاکوؤں نے مزاحمت کرنے پر 24 سالہ اکبر علی ولد نادر خان کو زخمی کردیا۔ آرام باغ تھانے کی حدود برہانی اسپتال کے قریب نامعلوم ملزمان کی فائرنگ سے 40 سالہ یوسف ولد مالک زخمی ہوگیا۔شاہ فیصل کے علاقے گرین ٹاؤن میں واقع مکان نمبر A-73 کا رہائشی 16سالہ سعد ولد خالد ذاتی جھگڑے کے دوران فائرنگ سے زخمی ہوگیا۔
تحریک انصاف کے کسی کارکن کو گرفتارنہیں کیا، ترجمان پنجاب حکومت
ملیر تھانے کے سب انسپکٹر کی فائرنگ، گداگر خاتون قتل
