اسلام آباد (جیوڈیسک) وزیراعظم نواز شریف سے جمعیت علماء اسلام (ف) کے سربراہ مولانا فضل الرحمن نے پارلیمنٹ ہاؤس میں اہم ملاقات کی جس میں ملکی موجودہ سیاسی صورتحال، تحریک انصاف اور عوامی تحریک کے دھرنے ختم کرانے کیلئے سیاسی جرگے کے مذاکرات کامیاب بنانے اور پارلیمنٹ کے مشترکہ اجلاس کی کارروائی سے متعلق اہم مشاورت کی گئی۔
اس موقع پر وفاقی وزراء اکرم خان درانی، عبدالغفور حیدری اور وزیر اعظم کے معاون خصوصی عرفان صدیقی بھی موجود تھے۔ ذرائع کے مطابق وزیراعظم نے اس عزم کا اعادہ کیا کہ حکومت دھرنے دینے والی دونوں جماعتوں کے تمام آئینی اور قانونی مطالبات تسلیم کرنے کیلیے تیار ہے اور مسئلہ مذاکرات کے ذریعے حل کرنے کیلئے سنجیدہ ہے۔ ان دونوں جماعتوں کو بھی سنجیدگی کا مظاہرہ کرنا ہو گا۔
انہوں نے کہاکہ پارلیمانی جرگے نے جو کوششیں شروع کی ہیں وہ خوش آئند ہیں اور امید ہے کہ ان کوششوں کے مثبت نتائج نکلیں گے۔ وزیراعظم نے کہا کہ تمام پارلیمانی جماعتوں نے جمہوریت کے استحکام اور آئین کے تحفظ کیلئے جو اصولی موقف اختیار کیا ہے وہ پوری قوم کی آواز ہے۔
نواز شریف حکومت کے خاتمے سے جمہوریت بچ سکتی ہے، حامد رضا
انقلابیوں کو لانے والے بس ڈرائیورز کا تحمل ختم ہونے لگا
