ہرارے (جیوڈیسک) جنوبی افریقا اور زمبابوے کے درمیان تین ملکی سیریز کا اہم ترین میچ آج ہرارے میں کھیلا جائے گا، میچ میں بڑے مارجن سے کامیابی میزبان ٹیم کو فائنل میں پہنچا سکتی ہے۔
زمبابوے میں جاری سیریز کے فائنل میں آسٹریلوی ٹیم پہلے ہی جگہ بناچکی ہے، گرینڈ فینالے میں اسکا مقابلہ کس سے ہوگا، اس کا فیصلہ آج ہوجائے گا۔ میچ میں کامیابی جنوبی افریقا کو فائنل کا ٹکٹ تھما دے گی۔
میچ میں بڑے مارجن سے کامیابی کے بعد زمبابوے کے بھی فائنل میں پہنچنے کے امکانات روشن ہو جائیں گے۔ تین میچز کے بعد جنوبی افریقا کے 9 اور زمبابوے کے صرف 4 پوائنٹس ہیں، میچ پاکستانی وقت کے مطابق دوپہر ڈھائی بجے شروع ہوگا۔
مائیکل کلارک کی پاکستان کیخلاف سیریز میں شرکت مشکوک
سنگا کارا پیپلز پلیئر آف دی ائیر، اینجلو میتھیوز کرکٹر آف دی ائیر قرار
