سڈنی (جیوڈیسک) آسٹریلیا کی غیر مسلم خواتین کے ایک گروپ نے مسلمان خواتین کے ساتھ اظہار یکجہتی کے لیے سروں پر سکارف اوڑھ کر مسلمان خواتین کو گلدستے پیش کئے۔
آسٹریلین غیر مسلم خواتین کے ایک گروپ کی طرف سے یہ خوشگوار انداز ایک ایسے موقع پر سامنے ایا ہے جب پوری مغربی دنیا کے علاوہ آسٹریلیا میں بھی سکارف اور حجاب کے خلاف ایک جارحانہ مہم جاری ہے۔
آسٹریلوی خواتین نے یہ اہتمام عیدالاضحی کے موقع پر کیا اور اسلامی مراکز میں نماز عید کے لئے جانے والی مسلمان خواتین کو محبت اور مسکراہٹوں کے ساتھ گلدستے پیش کئے۔ آسٹریلوی دارالحکومت کینبرا میں لگ بھگ ایک درجن غیر مسلم عورتوں نے اس خوشگوار اظہار یکجہتی میں حصہ لیا۔
ان خواتین کا کہنا تھا کہ ہم اپنی مسلمان دوستوں کو یہ باور کرانا چاہتی ہیں کہ حالیہ واقعات اور اسلام مخالف بیانات کی وجہ سے حوصلہ نہ ہاریں۔ ہم ان کے ساتھ روا رکھے گئے نامناسب رویے پر ان سے معذرت خواہ ہیں۔ ان غیر مسلم خواتین نے اظہار یکجہتی کرتے ہوئے یہ بھی کہا کہ ہم آپ سے نفرت نہیں بلکہ محبت کرتی ہیں۔
اسی لیے ہم سکارف پہن کر آپ کو پھول پیش کرنے آئی ہیں۔ اس حوالے سے 26 سالہ انابیلی لی نے کہا ہماری طرف سے سروں پر سکارف اوڑھنے اور انہیں پھول پیش کرنے پر شروع میں مسلمان عورتوں نے محتاط انداز اختیار کیا لیکن بعد ازاں ان خواتین نے بھی خوشگوار ردعمل ظاہر کیا۔
انابیلی نے مزید کہا کہ ہم نے مسلمان عورتوں اور بچوں کو پھول پیش کیے اور بعد میں بروس سٹیڈیم میں نماز عید میں بھی شرکت کی۔ اس موقع پر بعض مسلمان مردوں نے اپنی بیگمات کے لیے بھی پھولوں کا تحفہ دینے کو کہا۔
سرحد پر فائرنگ، پاکستان سے مذاکرات نہیں ہو سکتے، بھارت
انڈونیشیا کا دارالحکومت کو سیلاب سے بچانے کیلئے ساحلی پٹی کیساتھ دیوار کی تعمیر کا منصوبہ
