ملتان (جیوڈیسک) ڈی سی او ملتان زاہد سلیم گوندل نے تحریک انصاف کے جلسے میں بھگدڑپر عمران خان اور شاہ محمود قریشی کی جانب سے ضلعی انتظامیہ پر لگائے گئے الزامات کو مسترد کر دیا ہے۔
ان کا کہنا ہے کہ جلسہ گاہ کے 5 گیٹ کھلے ہوئے تھے۔ انتظامیہ نے بجلی بھی بند نہیں کی۔ اندر انتظامات کی ذمے داری تحریک انصاف کی تھی۔ تحریری ثبوت موجود ہیں ڈی سی او ملتان زاہد سلیم گوندل نے کہاکہ جلسہ گاہ کے 5 گیٹ کھلے ہوئے تھے۔
ڈی سی اوکا کہنا تھا کہ جلسہ گاہ میں بجلی کے لیے جنریٹر استعمال کیا جا رہا تھا جس کے بارے میں تحریک انصاف کے رہنماوٴں نے انھیں اور سی پی او کو پہلے ہی آگاہ کر دیا تھا۔ صرف جلسے کے انتظامات کے لیے بجلی فراہم کرنے کا مطالبہ کیا گیا جو پورا کر دیا گیا تھا۔ ان کا کہنا تھا۔
پی ٹی آئی کی قیادت اپنی نا اہلی چھپانے کے لیے الزامات لگا رہی ہے۔جلسے کی لائٹ بند کرنے کے الزام کو مسترد کرتے ہوئے ڈی سی او نے کہا کہ گیٹ پر اگر ایک آدھ لائٹ لگی تھی اور اسے بند کر دیا گیا تو اس کی ذمے دار تحریک انصاف کی انتظامیہ ہے۔
زاہد سلیم گوندل کا کہنا تھا کہ وہ جلسے کی انتظامیہ کو کہتے رہے کہ اپنے انتظامات ٹھیک کریں۔ مگرپی ٹی آئی کا اپنا ایک سسٹم ہے اور وہ کسی کی بات سننے کے لیے تیار بھی نہیں ہوتے۔
ڈسی او ملتان کے مطابق جلسے کی سیکیورٹی کے لیے 15 واک تھرو گیٹ اور میٹل ڈٹیکٹر کے ساتھ 2200 پولیس اہلکار تعینات تھے۔ زاہد سلیم گوندل نے واقعے کی تحقیقات کے اعلان کا خیر مقدم کرتے ہوئے کہا ہے کہ اگر ان کی غلطی ثابت ہوئی تو انھیں معطل کیا جائے لیکن اگر تحریک انصاف ذمے دار پائی گئی تو وہ خود اپنی سزا طے کرے۔
وزیر اعلیٰ کا سرکاری دفاتر کا دورہ، افسران کی غیرحاضری پر برہمی
کراچی : بے قابو گاڑی نے فٹ پاتھ پر سوئے دو بچے کچل ڈالے
