کراچی (جیوڈیسک) رینجرز اور پولیس نے شہر کے مختلف علاقوں میں ٹارگٹڈ اور چھاپہ مار کارروائیوں کے دوران دہشت گردوں ، ٹارگٹ کلرز اور سپاری کلرز سمیت 63 ملزمان کو گرفتار و حراست میں لیکران کے قبضے سے بھاری تعداد میں اسلحہ برآمد کر لیا۔
حساس ادارے کی ٹیم نے پولیس کے ساتھ ابو الحسن اصفہانی روڈ کے قریب ایک بند مکان پر چھاپہ مار کر 2 افراد کو حراست میں لیکر زیر زمین پانی کے ٹینک سے بھاری تعداد میں اسلحہ برآمد کر لیا۔
تفصیلات کے مطابق رینجرز نے پیر اور منگل کی درمیانی شب پٹیل پاڑھ اور دربن بازار میں دہشت گردوں کی اطلاع پر ٹارگٹڈ آپریشن کے لیے علاقوں کا محاصرہ کر لیا، رینجرز نے محاصرے کے دوران داخلی و خارجی راستوں کو سیل کر دیا اور کسی کو علاقے سے جانے اور آنیکی اجازت نہیں تھی، رینجرز سرچ آپریشن کے دوران 3 دہشت گردوں کو حراست میں لے کر تفتیش کیلیے نامعلوم مقام پر منتقل کر دیا گیا۔
رینجرز نے ایک اور کارروائی کے دوران سہراب گوٹھ کے علاقے جنجال گوٹھ میں ٹارگٹڈ کارروائی کرتے ہوئے 3 دہشت گردوں کو گرفتار کر کے ان کے قبضے سے اسلحہ برآمد کر لیا ، حراست میں لیے جانے والے ملزمان کو تفتیش کے لیے نامعلوم مقام پر منتقل کردیا ، حراست میں لیے جانے والے ملزمان کا تعلق کالعدم تنظیم سے بتایا جاتا ہے۔
حساس اداروں کی ہاتھوں شاہ فیصل کالونی سے اتوار اور پیر کی درمیانی شب حراست میں لیے جانے والے ٹارگٹ کلر ظفر عرف سپاری سے تفتیش کے بعد اس کی نشاندہی پر رینجرز شاہ فیصل کالونی نمبر 5 میں ٹارگٹڈ کارروائی کرتے ہوئے ٹارگٹ کلر جنید سمیت 4 افراد کو حراست میں لے کر تفتیش کے لیے نامعلوم مقام پر منتقل کر دیا۔
دھرنےوالوں نے شہنشاہیت کے خلاف آواز بلند کی ہے: فردوس عاشق اعوان
پاکستان کے پلیئرز مستقل مزاجی سے کب کھیلنا شروع کریں گے، وسیم اکرم
