ممبئی (جیوڈیسک) بالی ووڈ اداکارہ سوناکشی سنہا جو تامل سپر اسٹار رجنی کانت کے ساتھ اپنی فلم ’’لنگا‘‘ کی تکمیل میں مصروف ہیں، کے متعلق اطلاعات ملی ہیں کہ انھوں نے اس فلم کے لیے ایک اہم گانا ریکارڈ کروا دیا ہے۔
اس سلسلہ میں اداکارہ نے سماجی رابطے کی ویب سائٹ پر کہا ہے کہ میں نے فلم کے لیے ایک اہم گانا عکسبند کروایا ہے۔ سوناکشی کا کہنا ہے کہ فلم میں سپراسٹار رجنی کانت کے ساتھ گانے پر پرفارم کرنے کے ساتھ ساتھ میں نے گلوکاری کا بھی مظاہرہ کیا ہے۔
اور یہ فلم کا ایک اہم گانا ہے۔ فلم کی ہدایات کے ایس روی کمار دے رہے ہیں جب کہ اس کی موسیقی اے آر رحمان نے ترتیب دی ہے جب کہ فلم میں سوناکشی سنہا کے ساتھ اداکارہ انوشکا شیٹھی بھی اہم کردار میں جلوہ گر ہو رہی ہیں۔
اطلاعات کے مطابق فلم لنگا کو رواں برس 12 دسمبر کو سینما گھروں کی زینت بنایا جائے گا۔ دوسری طرف سوناکشی سنہا کا ارجن کپور کے ساتھ فلم ’’تیور‘‘ کا پوسٹر بھی جاری کر دیا گیا ہے۔
تیلگو فلم ’’اوکاڈو‘‘ کے ہندی ری میک میں ارجن کپور جو چھوٹے شہر کے لڑکے جو کہ سلمان خان کا زبردست فین ہے، کا کردار ادا کررہے ہیں جب کہ سوناکشی ان کی محبوبہ کے رول میں ہیں۔
امیت شرما کی ہدایات اور بونی کپور و سنجے کپور کی پروڈکشن میں بنائی جانے والی اس فلم میںشروتی ہاسن نے ’’مادامیا‘‘ نامی آئٹم سانگ پر اپنی پرفارمنس دکھائی ہے جب کہ منوج باجپائی اور قادرخان بھی اہم کرداروں میں جلوہ گر ہیں۔ اس فلم کو آئندہ برس 9جنوری کو ریلیز کیا جائے گا۔
انڈسٹری میں اپنی صلاحیتوں کے بل پر مقام حاصل کیا، ماریہ واسطی
بالی ووڈ ایکشن رومانس فلم’تیور‘کا ڈیجیٹل موشن پوسٹر جاری
