لاہور: پیپلز پارٹی پنجاب کے ڈپٹی سیکرٹری اطلاعات عابد حسین صدیقی نے کہا ہے کہ آصف علی زرداری کی قیادت میں پیپلزپارٹی مزید مضبوط ہو رہی ہے آصف علی زرداری فہم و فراست کی پوری دنیا معترف ہے، وہ ملک میں جمہوری نظا م کے استحکام کے لئے کام کر رہے ہیں۔
ایک بیان میں انہوں نے کہا کہ مسلم لیگ ن ناقص پالیسیوں پر عمل پیرا ہے پیپلز پارٹی حکومت نہیں جمہوریت کا ساتھ دے رہے ہیں انہوں نے کہا کہ تبدیلی لانے کی دعویدارجماعت کے کارکنان ناشتہ پر لڑ رہے ہیں، یہ پیپلزپارٹی کے کارکنا ن ہی ہیں جو جمہوریت کی خاطر پھانسی کے پھند ے پر جھول جاتے ہیں، جتنی قربانیاں پیپلز پارٹی نے جمہوریت کے لئے دی ہیں اتنی قربانیاں کسی جماعت نے نہیں دیں۔
آصف علی زرداری کی قیادت میں پیپلزپارٹی کے کارکنوں میں نیا حوصلہ اور جذ بہ پیدا ہوا ہے وہ جمہوریت کے لئے سب کچھ قربان کرنے کو تیار ہیں، یہ کارکنان ہمارا اثاثہ ہیں،آصف علی زرداری نے ان کارکنوں کی بہترین تربیت کی ہے ،پیپلزپارٹی سیاسی جماعت نہیں عزم وہمت کی داستان ہے ،جسے ہر سیاستدان کو پڑھنا چاہیے۔
حکومت اپنے بچھائے ہوئے جال میں خود پھنس چکی، مڈٹرم ناگزیر ہیں۔ عبدالعلیم خان
ملتان کے ضمنی انتخابات، حکومت کی انا کا مسئلہ
