سکھر (جیوڈیسک) سکھر میں محکمہ کسٹم انٹیلی جنس نے مردان سے کراچی جانے والے کنٹینر پر چھاپا مار کر 10 ٹن چرس برآمد کر لی۔ ڈائریکٹر کسٹم انٹیلی جنس محمد آصف مرغوب نے بتایا کہ کنٹینر کو روہڑی بائی پاس پر روکا گیا۔
تلاشی کے دوران اس میں سے 9ہزار 9سو کلو گرام چرس برامد ہوئی جو یوریا کھاد کے 495تھیلوں میں چھپائی گئی تھی، ہر تھیلے میں 20 کلو چرس موجود تھی۔ کنٹینر کو تحویل میں لے کر ڈرائیور وقاص، کلینر نواب خان اور جانباز خان کو گرفتار کرلیا گیا ہے۔ کنٹینر حاجی گلمت نامی شخص نے مردان سے کراچی کے لئے بُک کرایا تھا۔
گزشتہ دس برسوں کے دوران اندرون سندھ پکڑی جانے والی یہ چرس کی سب سے بڑی کھیپ ہےجس کی مالیت 80 کروڑ روپے بتائی جاتی ہے۔
تحریک انصاف کے اراکین کے استعفے منظور ہوئے تو سیاسی بحران میں اضافہ ہو گا، سراج الحق
لاہور ہائیکورٹ : طاہر القادری کے جواب داخل نہ کرانے پر اظہار برہمی
