لندن (جیوڈیسک) برطانیہ میں تنخواہیں نہ بڑھنے پر ملازمین کے صبر کا پیمانہ لبریز ہوگیا۔ ہزاروں ملازمین اپنا مسئلہ حکمرانوں تک پہنچانے کے لیے لندن کی سڑکوں پر نکل آئے اور پر امن احتجاج کیا۔
بہت ہوگئی اب تنخواہ بڑھادو۔ سبز بینر پر لکھے انگریزی الفاظوں کا ہماری زبان میں ترجمہ شاید اسی طرح ہو۔ ہو نہ ہو لیکن لندن کی سڑکوں پر مارچ کرتے ہزاروں ملازمین کا مطالبہ تو یہی ہے۔ یہ ملازمین اپنی تنخواہیں بڑھانے کے لیے نہایت سنجیدہ ہیں۔
لیکن ان کاانداز نہایت بے ضرر اور دلچسپ۔ اساتذہ ، نرسیں ، سول ملازمین ، ریلوے ورکرز اور بہت سے نجی اداروں کے ملازمین اس مظاہرے میں شامل تھے جن کی نمایندگی کرتے یونین رہنما نے کہا کہ معاشی ابتری کے ذمہ دار کم تنخواہ والے ملازمین نہیں۔
پھر وہ کیوں خمیازہ بھگتیں۔ برطانیہ میں کٹوتی یا کفایت شعاری کے باعث کافی عرصے سے ملازمین کی تنخواہیں نہیں بڑھائی گئیں جس پر عوام میں غم و غصہ بڑھ رہاہے۔
جاپان نے 50 سال بعد اپنا پہلا کمرشل مسافر طیارہ تیار کر لیا
سعودی عرب : بلاجواز قید غیرملکی شخص کو 40 لاکھ ریال دینے کا حکم
