بیان بازیوں اور جھوٹے وعدوں سے حکومتیں چلانے والوں نے عوامی حمایت کو کھو دیا ہے
وزیرآباد(تحصیل رپورٹر)بیان بازیوں اور جھوٹے وعدوں سے حکومتیں چلانے والوں نے عوامی حمایت کو کھو دیا ہے۔ موجودہ حالات میں جس نے عوام کو ریلیف دینا ہے وہی کامیاب ہوگا ۔ بار بار حکومتوں میں آکر بھی کچھ نہ کرسکنے والوں کو عوام نے ٹھکرادیا ہے۔ ان خیالات کا اظہار احمد فراز خان لودھی ایڈووکیٹ نے اپنے ایک بیان میں کیا ۔ انہوں نے کہا دنیا جانتی ہے کہ کون اقتدار کے پیچھے پاگل ہوا پھرتا ہے اورکون دھاندلی سے اقتدار میں آتا اور رعایا پر بے جا ظلم ڈھاتا اورریاست کو رعایا کیخلاف استعمال کرتا ہے کس نے قوم کے نام پر اپنے خاندانوں کو سنوارا ہے!۔ انہوں نے کہا کہ قوم نے دھوکہ بازوں کے چہروں پر نشان لگا دیئے ہیں اب چاہے وہ آب زمزم سے نہا کر بھی آجائیں وہ اپنے دامن پہ لگے جھوٹ،فریب ،مکاری اور دھوکہ دہی کے دھبوں کو پاک نہیں کرسکتے ، فریب اور دھوکہ دہی کا عالم یہ ہے کہ اقتدار کے پیچھے اپنا حسب نسب تبدیل کرنے سے بھی باز نہیں آتے ۔ انہوں نے کہا کہ سب کچھ جان کر بھی چند مفاد پرست اقتدارپرستوں کی خوشامدوں اور حمایتوں میں مصروف ہیں جو قوم کو گمراہ کرنا چاہتے ہیں ۔آنے والا دور حق اور سچ کی حکمرانی کا ہے۔ موجود صورتحال میں عمران خان ہی وہ لیڈر ہے جس کی قیادت میں ملک میں ترقی،خوشحالی کا انقلاب آئے گا ۔ اداروں سے کرپشن کا خاتمہ ہوگا اور لوگوں کو انصاف میسر آئے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تجاوزات کی بھرمار،شہرکے بازار سکڑ کر تنگ گلیوں کی صورت اختیار کرگئے
وزیرآباد(تحصیل رپورٹر)تجاوزات کی بھرمار،شہرکے بازار سکڑ کر تنگ گلیوں کی صورت اختیار کرگئے ۔ٹی ایم او مسائل کے حل کی جانب توجہ دینے کی بجائے چشم پوشی سے کام لینے لگی ۔ عوامی، سماجی حلقوں کا کمشنر گوجرانوالہ اور دیگر حکام بالا سے فوری اصلاح احوال،ٹی ایم او کے تبادلہ کا مطالبہ۔ تفصیلات کے مطابق ایک عرصہ سے ٹی ایم اے انتظامیہ نے عوامی معاملات میں دلچسپی لینا چھوڑ دی ہے جس کے نتیجہ میں شہریوں کی مشکلات میں کئی گنا اضافہ ہوگیا ہے۔ مین بازار، برتن بازار، موتی بازار، بکر گلہ، ریل بازار ، احمد نگر روڈ، اوورہیڈ بریج چوک اورشہر کے دیگر اہم مقامات پر تجاوزات مافیا نے پنجے گاڑ رکھے ہیں مین بازار میں بااثر دکانداروں اور انتظامیہ کے اہلکاروں کی ملی بھگت سے تجاوزات مستقل صورت اختیار کرچکی ہے ۔جہاں چھابڑی فروشوںاور ریڑھی بانوں سے باقاعدہ منتھلی لی جاتی ہے۔ دوسرے مقامات پر بھی بااثر افراد نے بغیر کسی انتظامی کاروائی کے خوف سے تجاوزات مستقل بڑھا رکھی ہیں۔ تجاوزات کی وجہ سے اہلیان شہر کوشدید دشواریوں کا سامنا ہے بالخصوص بازار میں آنے والی خواتین اور ضعیفوں کو شدید دشواری کا سامنا کرنا پڑتا ہے۔لاہوری دروازہ میں چنگ چی رکشائو ں،مچھلی کی ریڑھی والوں کی وجہ سے روڈ اکثر بلاک رہتا ہے جس کی وجہ سے سکول کالج جانے والے طلباء وطالبات بالخصوص ایمبولینسز کو رستہ نہ ملنے کی وجہ سے پریشانی اٹھانا پڑتی ہے۔ شہریوں نے وزیر اعلیٰ پنجاب ،کمشنرگوجرانوالہ اور دیگر ارباب اختیار سے صورتحال کا نوٹس لینے اور ٹی ایم او کے تبادلہ کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹارٹ کرنے کے دوران موٹر سائیکل جل کررکھ ہوگئی۔نواحی علاقہ جیونے والی کا رہائشی امجد حسین چٹھہ جو کہ مختلف رائس ملز سے توہ خرید کر آگے فروخت کرتا ہے وزیرآباد(تحصیل رپورٹر) سٹارٹ کرنے کے دوران موٹر سائیکل جل کررکھ ہوگئی۔نواحی علاقہ جیونے والی کا رہائشی امجد حسین چٹھہ جو کہ مختلف رائس ملز سے توہ خرید کر آگے فروخت کرتا ہے کا موٹر سائیکل ہنڈا سی ڈی70سی سی خرابی آنے پر بند ہوگیا جسے وہ اپنے گائوں کے قریب ہی احمد نگر روڈ کے قریب کھڑا کرکے چیک کررہا تھا کہ سٹارٹ کرنے کے دوران اچانک موٹر سائیکل کی ٹینکی سے پٹرول پائپ اتر گیا جو پلگ سے نکلنے والے شعلہ سے آگ پکڑ گیا، دیکھتے ہی دیکھتے نوجوان کی موٹر سائیکل جل کرراکھ ہوگئی۔
گجرات کی خبروں کی تصویری جھلکیاں
جامعہ کشمیر، بدلتی آب و ہوا کا حیاتی تنوع پر اثرات کے عنوان سے کانفرنس کا آغاز
