نئی دہلی (جیوڈیسک) بھارتی کرکٹ بورڈ نے ویسٹ انڈین کھلاڑیوں کی جانب سے دورہ ادھورا چھوڑنے پر تمام دوطرفہ سیریز معطل کر دیں۔
بی سی سی آئی ورکنگ کمیٹی کے اجلاس کے دوران فیصلہ کیا گیا کہ ویسٹ انڈیز کے ساتھ آئندہ فیوچر ٹور پروگرام میں طے شدہ تمام دو طرفہ سیریز نہیں کھیلی جائیں گی جبکہ بورڈ نے ویسٹ انڈیز کرکٹ بورڈ کے خلاف قانونی چارہ جوئی کے لئے بھی غور شروع کردیا۔ بھارتی بورڈ نے ویسٹ انڈین کھلاڑیوں کی جانب سے دورہ ادھورا چھوڑنے پر ہونے والے نقصان کی تفصیلات تو نہیں بتائیں تاہم سری لنکن کرکٹ بورڈ کی جانب سے مختصر نوٹس پر دورہ بھارت قبول کرنے پر ان کا شکریہ ادا کیا۔
بی سی سی آئی نے اعلان کیا کہ سری لنکا کے دورہ بھارت میں 5 ون ڈے میچز کھیلے جائیں گے جبکہ تمام میچز الگ الگ گراؤنڈ حیدرآباد، کولکتہ، احمد آباد، رانچی اور کٹک میں ہوں گے تاہم اس حوالے سے کوئی تاریخ نہیں دی گئی۔
جنوبی افریقا نے پہلے ون ڈے میں نیوزی لینڈ کو 6 وکٹوں سے شکست دے دی
پاکستان اور آسٹریلیا کے درمیان پہلے ٹیسٹ کا آغاز کل دبئی میں ہوگا
