کراچی (جیوڈیسک) حادثات اور واقعات میں معمر خاتون سمیت دو افراد جاں بحق ہوگئے۔ تفصیلات کے مطابق ڈاکس کے علاقے فشری ڈاکیارڈ کے قریب نامعلوم تیز رفتار گاڑی کی ٹکر سے سڑک عبور کرنے والی عمر رسیدہ خاتون شدید زخمی ہو گئی جسے تشویش ناک حالت میں سول اسپتال لایا گیا جہاں وہ دوران علاج زخموں کی تاب نہ لاتے ہو ئے دم توڑ گئی۔ پولیس نے بتایا کہ متوفیہ کی شناخت نہیں کی جاسکی، لاش کو ضابطے کی کارروائی کے بعد ایدھی سرد خانے منتقل کردیا گیا ہے۔
سرسید کے علاقے نارتھ کراچی سیکٹر 9 کے عقب میں واقع برساتی نالے سے ایک شخص کی لاش ملی، پولیس نے موقع پر پہنچ کر لاش کو تحویل میں لینے کے بعد اسے عباسی اسپتال منتقل کر دیا جہاں پر اس کی شناخت 58 سالہ نیاز ولد غلام مصطفی کے نام سے ہوئی جو کہ نیو کراچی سیکٹر 11/K کا رہائشی تھا۔ پولیس نے واقعے کے بارے میں بتایا کہ متوفی جمعے کی شب محمد شاہ قبرستان میں اپنے والد کی قبر پر فاتحہ خوانی کے لیے آیا تھا اور واپسی پر وہ نالے کو پھلانگنے کی کوشش میں اس میں گر کر شدید زخمی ہو گیا اور بروقت طبی امداد نہ ملنے کے باعث جاں بحق ہو گیا۔ پولیس نے لاش ورثا کے حوالے کردی۔
پاک، چین سرحدوں کی نگرانی کیلئے بھارت ڈرون استعمال کرے گا
پولیو کی بیماری پاکستانیوں کیلئے چیلنج ہے، حیدر عباس رضوی
