موضع وزیر کے چٹھہ میںنامعلوم افراد نے سات بچوں کی ماںکو تشدد کے بعد گلہ دبا کر قتل کر دیا وزیرآباد(تحصیل رپورٹر) موضع وزیر کے چٹھہ میںنامعلوم افراد نے سات بچوں کی ماںکو تشدد کے بعد گلہ دبا کر قتل کر دیا ۔ 35سالہ ریحانہ کوثر 5 روز قبل گھر سے دوائی لینے قریبی گائوں سہارن چٹھہ گئی تھی اور واپس نہ لوٹی۔ تھانہ علی پور چٹھہ کے علاقہ وزیر کے چٹھہ میں ریحانہ کوثر نامی خاتون چار روز قبل گھر سے دوائی لینے کے لیے سہارن چٹھہ گئی اور لاپتہ ہو گئی ۔گزشتہ روز کھیتوں کے قریب سے گزرتے نوجوان نے بدبو آنے کی شکایت پردیگر افرادکیساتھ مل کر توڑی کے ڈھیر کو ہٹایا تو اندر سے ریحانہ بی بی کی نعش برآمد ہو ئی جس پر پولیس کو اطلاع کی گئی ۔ پولیس تھانہ علی پور چٹھہ نے نعش کوسول ہسپتال وزیرآباد پہنچا یا جہاں پوسٹ مارٹم کی ابتدائی رپورٹ میں مقتولہ کو تشدد کے بعد گلہ دبا کر قتل کرنے کا انکشاف ہواہے۔مقتولہ کا خاوند محمد نذیر ٹھیکے پر زمین لیکر کھیتی باڑی کرتا ہے اس کے چار بیٹے اور تین بیٹیاں ہیں ۔تھانہ علی پور چٹھہ پولیس نے نامعلوم افراد کے خلاف قتل کا مقدمہ درج کرلیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اچانک آگ بھڑک اٹھنے سے گھر میں موجود قیمتی سامان بھی جل کرراکھ وزیرآباد(تحصیل رپورٹر) اچانک آگ بھڑک اٹھنے سے گھر میں موجود قیمتی سامان بھی جل کرراکھ ۔ گلی شیشیانوالی کے رہائشی حاجی محمد یونس کے گھر گزشتہ روز اچانک پراسرا طور پر آگ بھڑک اٹھی جس پر انہوں نے اپنے طور پر آگ بجھانے کی کوشش کی ۔ بعد ازاں اہل محلہ اور فائر بریگیڈ عملہ نے ملکر دو گھنٹوں کے بعد قابو پا لیا ۔مکان کی بالائی منزل پر لگی آگ نے اچانک پراسرار طور پرنچلی منزل کو بھی اپنی لپیٹ میں لے لیا۔مکان مالکان نے بتایا کہ تین ماہ کے دوران ان کے گھر اس طرح اچانک بھڑک اٹھنے کا یہ تیسرا واقعہ ہے قبل ازیں اسی گھر کے نوجوان کے کپڑوں کو بھی اچانک آگ لگ گئی جس سے وہ جھلس گیا ۔
تحریک انصاف خواتین ونگ سنٹرل پنجاب کی نائب صدر اور امیدوار پی پی 70 میمونہ حسین کا بیان
جب تک بے رحم احتساب نہیں ہوتا، کرپشن رشوت خوری لاقانونیت جیسی وباء ختم نہیں ہوگی، ایم اے تبسم
