سال میں 20 چھوٹے ڈیم تعمیر کئے، پوٹھوہار کی 20 ہزار ایکڑ کو قابل کاشت بنایا: چودھری پرویزالٰہی گجرات(جی پی آئی ) پاکستان مسلم لیگ کے سینئرمرکزی رہنما و سابق نائب وزیراعظم چودھری پرویزالٰہی نے کہا ہے کہ شہبازشریف حکومت کی کسان دشمن پالیسیوں نے پنجاب کی زراعت تباہ اور کاشتکار کو برباد کر کے رکھ دیا ہے۔ وہ اپنی رہائش گاہ پر جہلم، چکوال، اٹک اور راولپنڈی سے آئے ہوئے کاشتکاروں کے نمائندہ وفد سے گفتگو کر رہے تھے۔ چودھری پرویزالٰہی نے کہا کہ ان کے دور میں10ارب روپے کی لاگت سے 20نئے چھوٹے ڈیمز تعمیر کئے گئے، ان ڈیموں سے جہلم، چکوال، اٹک اور راولپنڈی کی 20ہزار ایکڑ سے زائد بنجر اراضی پہلی بار زیرکاشت آئی جس سے ان علاقوں کے غریب کاشتکاروں کی قسمت ہی بدل گئی۔ انہوں نے کہا کہ 11ارب روپے کی لاگت سے تونسہ بیراج کی مرمت اور توسیع کی گئی، اور اس کا انتظام چلانے کیلئے نہایت تربیت یافتہ عملہ تعینات کیا گیا اس اقدام سے نہ صرف یہ کہ ڈیرہ غازی خان، مظفرگڑھ اور راجن پور کی نہروں کی گنجائش 7ہزار کیوسک سے 9ہزار کیوسک تک بڑھ گئی بلکہ اس کے بعد یہ نہریں جو پہلے سال میں صرف 6ماہ چلتی تھیں اب سارا سال چلنے کے قابل بھی ہو گئیں، پنجاب میں پانی چوری روک کر پہلی بار ٹیل تک پہنچایا، ہمارے ان انقلابی زرعی اقدامات کی وجہ سے پنجاب کی زرعی پیداوار میں ریکارڈ اضافہ ہوا جس سے پنجاب کے عوام کو گندم، چاول، سبزیاں، پھل اور روزمرہ ضرورت کی دیگر زرعی اجناس سستے داموں ملتی رہی تھیں۔ چودھری پرویزالٰہی نے کہا کہ ہماری حکومت کے کسان دوست اقدامات کی وجہ سے پنجاب کے کسان اور عوام آج بھی ہمارا دوریاد کرتا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈی سی او لیاقت علی چھٹہ نے کہا ہے کہ حکومت پاکستان کی طرف سے پٹرولیم مصنوعات کی قیمتوںمیں کمی کے فیصلہ گجرات(جی پی آئی ) ڈی سی او لیاقت علی چھٹہ نے کہا ہے کہ حکومت پاکستان کی طرف سے پٹرولیم مصنوعات کی قیمتوںمیں کمی کے فیصلہ پر آج سے عمل در آمد یقینی بنا یا جائے گا ۔ اس فیصلے پر پٹرول 95.10روپے فی لٹراور ڈیزل 102.18روپے فی لٹر کی نئی قیمتوں پر فروخت ہوگا۔ ان خیالات کا اظہار انہوں نے پڑولیم ڈیلرز ایسوسی ایشن کے وفد سے ہنگامی ا جلاس سے بات چیت کرتے ہوئے کیا اجلاس میں سرکا ری افسران اور پٹرولیم ڈیلرز ایسوسی ایشن گجرات غلام سرور اور ندیم بٹ کی زیر قیادت شرکت کی ۔ ڈی سی او لیاقت علی چھٹہ بتا یا کہ پٹرول کی پرانی قیمت 104.50روپے فی لٹر تھی جس میں 9.43روپے کمی کی گئی ہے اور نئی قیمت 95.10روپے فی لٹر جبکہ ڈیزل کی پرانی قیمت 108.20روپے تھی جس میں 6.18روپے کمی کے ساتھ 102.18روپے فی لٹر کر دی گئی ہے ۔ پٹرولیم ڈیلرز ایسوسی ایشن کے وفد نے ڈی سی او لیاقت علی چھٹہ کو یقین دلا یا کہ حکومت پاکستان کے اعلان کردہ پٹرولیم مصنوعات کی نئی قیمتوں پر عمل در آمد یقینی بنا یا جائے گا۔ دریں اثنا ء ڈی سی او لیاقت علی چھٹہ نے کہا کہ پٹرولیم مصنوعات کی قیمتوں میں کمی کے حوالہ سے ٹرانسپور ٹ کے کرایوں میں کمی کے حوالے اجلاس آج فیصلہ کیا جائے گا اور مجموعی طور پر کرایوں 10فی صد کمی جاسکتی ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈسٹرکٹ پولیس آفیسر کی سربراہی میں گجرات پولیس کا شہر میں فلیگ مارچ
گجرات(جی پی آئی)ڈسٹرکٹ پولیس آفیسر کی سربراہی میں گجرات پولیس کا شہر میں فلیگ مارچ،تفصیلات کے مطابق ڈسٹرکٹ پولیس آفیسرگجرات کی سربراہی میں شہر میں فلیگ مارچ کیا گیا جس میں گجرات پولیس کے تمام افسران ،جوانوںاور ایلیٹ فورس کے جوانوں نے حصہ لیا ۔فلیگ مارچ کا مقصد ضلع میں امن عامہ اور بھائی چارے کی فضا کو برقرار رکھنا ہے ۔محرم الحرام کے سلسلہ میں سیکورٹی کے فول پروف انتظامات کئے گئے ہیں ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈی سی او لیاقت علی چھٹہ کی ہدائت پر اسسٹنٹ کمشنر گجرات میاں اقبال مظہر نے امام بارگا ہ حسینیہ سر کلر روڈ امام بارگاہ
گجرات(جی پی آئی ) ڈی سی او لیاقت علی چھٹہ کی ہدائت پر اسسٹنٹ کمشنر گجرات میاں اقبال مظہر نے امام بارگا ہ حسینیہ سر کلر روڈ امام بارگاہ کاظمیہ نور پور پڈھے کا دوہ کیا اس موقع پر زیر تربیت ڈی ایم جی افسران حسن عابد ،کنول نظام بھٹو ،تحصیلدار محسن ،انسپکٹریوسف ، انسپکٹر شیرازبھی ان کے ہمراہ تھے ۔ سسٹنٹ کمشنر گجرات میاں اقبال مظہر نے مجالس کے منتظمین سید الطاف عباس کاظمی سمیت مجالس و جلوس کے منتظمین سے بھی ملاقات کی اورانتظامات کے حوالہ سے جائزہ لیا ۔ انہوں نے مجالس اور جلوس کے روٹس پر صفائی ،روشنی ،پینے کے لیے پانی اور دیگر سہولیات کا بھی جائزہ لیا سسٹنٹ کمشنر گجرات میاں اقبال مظہر نے پولیس افسران کو ہدائیت کی کہ وہ چوکس رہ کر اپنے فرائض سر انجام دیں اور رضا کاروں کی مدد سے مجالس اور جلوس میں آنے والے تمام افراد کی تلا شی یقینی بنائی جائے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اولیاء کرام کے آستانے محبت کا پیغام دیتے ہیں اور شہنشاہ ولایت کا آستانہ فیض کا منبع ہے
گجرات ( جی پی آئی )اولیاء کرام کے آستانے محبت کا پیغام دیتے ہیں اور شہنشاہ ولایت کا آستانہ فیض کا منبع ہے ان خیالات کا اظہار سجادہ نشین آستانہ علی پور سیداں شریف صاحبزادہ پیر سید منور حسین جماعتی نے علی پور سیداں گجرات میں شہنشاہ ولایت کے سالانہ عرس مبارک کے موقع پر خطاب کرتے ہوئے کیا انہوں نے کہا ہے کہ پیر سید جماعت علی شاہ آستانہ عالیہ علی پور سیداں نے امت مسلمہ کو اتحاد ویگانگت کا درس دیا اور ان خطوط پر پیر سید ولایت حسین شاہ المعروف شہنشاہ ولایت نے کام کیا ۔ اُن کے سارے بیٹے حفاظ کرام اور علماء دین ہیں اُن کی اولاد دنیا میں تبلیغ دین کیلئے کوشاں ہیں ‘ انہوں نے کہا کہ محبت اہل بیت ایمان کی شرط ہے ‘ جب تک محمد صلی اللہ علیہ وآلہ وسلم ان کی اولاد سے محبت نہ کی جائے تو ایمان مکمل نہیں ہوتا ۔ اور واقعہ کربلا دنیا کا سب سے الم ناک واقعہ ہے لیکن اس واقعہ کے نتیجہ میں دنیا میں حریت پسندوں کو نئی جہت ملی ‘پیر سید احمد حسین شاہ مذتری میں نے خطاب کرتے ہوئے کہا ہے کہ واقعہ کربلا دنیا میں محبت اور عشق کی داستان ہے حضرت امام حسین نے اپنی تک اپنے نانا صلی اللہ علیہ وآلہ وسلم کے دین کیلئے قربان کر دی لیکن باطل کے سامنے جھکے نہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ برصغیر پاک ہند کی عظیم روحانی شخصیت پیر سید ولایت علی المعروف شہنشاہ ولایت کا سالانہ عرس مبارک عقیدت
گجرات ( جی پی آئی )برصغیر پاک ہند کی عظیم روحانی شخصیت پیر سید ولایت علی المعروف شہنشاہ ولایت کا سالانہ عرس مبارک عقیدت و احترام کے ساتھ منایا گیا ۔ عرس مبارک کا انتظام صاحبزادہ ڈاکٹر سید زاہد حسین شاہ اور صاحبزادہ سید رضی العباس شاہ نے کیا ۔ عرس مبارک کے تقریبات کی صدارت پیر سید منور حسین شاہ جماعتی سجادہ نشین علی پور سیداں شریف نے کی ۔ تلاوت قرآن پاک کا شرف قاری صداقت علی ‘ صاحبزادے سید نذر حسین شاہ گجراتی اور قاری محسن رضا قادری نے حاصل کیا ۔ نعت رسول مقبول صلی اللہ علیہ وآلہ وسلم سید علمدار حسین شاہ ‘ پیر سید زین العابدین ‘ صحافی غلام حسین لوراں نے حاصل کیا ۔ خصوصی خطاب صاحبزادہ سید احمد حسین شاہ ترمذی اور قاری محمد نقشبندی نے کیا ۔ صدارتی خطبہ پیر سید منور حسین شاہ جماعتی نے پیش کیا ۔ اس موقع پر علماء کرام مشائخ عظائم سیاسی و سماجی شخصیات کثیر تعداد نے شرکت کی ۔ جن میں صاحبزادہ پیر سید سعید احمد شاہ گجراتی ‘ پیر سید انتصار الحسن شاہ ‘ پیر سید علی حسین شاہ گجراتی ‘ پیر سید محمد حسین شاہ ‘ صاحبزادہ پیر سید محمد اشرف شاہ ‘ ڈی سی او گجرات لیاقت علی چٹھہ ‘ ایم پی اے نوابزادہ حیدر مہدی ‘ سید جماعت علی شاہ ‘ صاحبزادہ رضوان منصور آوانی ‘ صاحبزدہ حسن محمود شاہ گجراتی ‘ محمدنواز شاہد غفاری ‘ عبدالکریم نند ی پور ‘ سید شوکت شاہ ‘ حاجی محمد صدیق ‘ صوفی محمد رفیق ‘ صاحبزادہ سید نور حسین شاہ گجراتی ‘ صاحبزادہ انوار حسین شاہ ‘ عبدالغفور بٹ ‘ شیخ عرفان پرویز ‘ حافظ غلام نبی جماعتی ‘ انجینئر محمد محمود ‘ سید خادم حسین شاہ ‘ صاحبزادہ کرام اللہ عارف ‘ نذر شاہ ‘ ذاکر شاہ ‘ محمد بوٹا عامر ‘ نواز گوندل ‘ خادم علی خادم ‘ تحصیلدار مظہر ودیگر اہم شخصیات شامل ہیں ۔ اس موقع پر لنگر کا خصوصی اہتمام کیا گیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بلھے شاہ ویلفیئر سوسائٹی آف پاکستان کے زیر اہتمام مرکزی جامع مسجد صادق آباد لالہ موسیٰ میں عظیم گجرات ( جی پی آئی ) بلھے شاہ ویلفیئر سوسائٹی آف پاکستان کے زیر اہتمام مرکزی جامع مسجد صادق آباد لالہ موسیٰ میں عظیم الشان شہادت کانفرنس منعقد ہوئی جس کی صدارت سجادہ نشین آستانہ عالیہ شہنشاہ ولایت پیر سید ولی حسین شاہ المعروف بلھے شاہ گجراتی نے کی ۔ تلاوت قرآن پاک کا شرف قاری عثمان علی نے حاصل کیا۔ خصوصی خطاب علامہ اشفاق احمد جیلالی اور علامہ جاوید صفدر صمیم نے کیا ۔ نقابت کے فرائض شہزاد احمد نقشبندی نے ادا کئے ۔ خصوصی نعت رخسار احمد نے پیش کی ۔ اس موقع پر علماء کرام مشائخ عظائم کی کثیر تعداد موجود تھے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جامع نوشاہیہ رنمل شریف میں درس نظامی اور حفظ کی کلاسز کی اجراء کر دیا گیا
گجرات ( جی پی آئی ) جامع نوشاہیہ رنمل شریف میں درس نظامی اور حفظ کی کلاسز کی اجراء کر دیا گیا ۔ تفصیلات کے مطابق جامعہ نوشاہیہ رنمل شریف میں افتتاحی تقریب منعقد ہوئی جس کی صدارت عالمی مبلغ اسلام پیر سید معروف حسین شاہ عارف نوشاہی قادری نے کی ۔ خصوصی خطاب عالمی مبلغ سلام حضرت علامہ سید عرفان شاہ مشہدی مرکزی امیر مرکزی جماعت اہلسنت پاکستان ‘علامہ مفتی محمد انصر قادری خطیب اعظم یوکے نے کیا ۔ دیگر مقررین میں علامہ نور محمد نور نصرت نوشاہی ‘ صاحبزادہ سید خضریٰ حیات نوشاہی ‘ مولانا محمد حنیف ساقی نوشاہی و دیگر شامل ہیں ‘ ہدیہ نعت مولانا حافظ عبدالقادرنوشاہی اور قاری محمد شفیع نوشاہی نے پیش کیا ۔ اس موقع پر پیر سید محمد حسن شاہ ازہر نوشاہی و دیگر علماء کرام و مشائخ عظائم نے شرکت کی ۔ انتظام زیر نگرانی چوہدری نثار احمد نوشاہی منعقد ہوئے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ غربت ‘ جہالت کی وجہ سے ہر سال ہزاروں خواتین لقمہ ء اجل بن جاتی ہیں ‘ ان خیالات کا اظہار
گجرات ( جی پی آئی ) غربت ‘ جہالت کی وجہ سے ہر سال ہزاروں خواتین لقمہ ء اجل بن جاتی ہیں ‘ ان خیالات کا اظہار محمد طب کمیونٹی کوآرڈنیٹر نیشنل میٹرنل ‘ نیو نیٹل اینڈ چائلڈ ہیلتھ پروگرام گجرات نے گورنمنٹ گرلز ہائی سکول ڈنگہ میں زچگی کے دوران ماں اور بچے کی صحت کے حوالہ سے منعقد سیمینار کے دوران کیا ‘ انہوں نے کہا کہ خواتین کو موت سے بچانا ‘ ہر ذی شعور کا فرض ہے ‘ حکومت پاکستان نے اسی سلسلہ میں پروگرام شروع کیا ہے تاکہ زچگی کے دوران مائیں موت کے منہ میں جانے سے بچ سکیں’ شعور نہ ہونے کی وجہ سے زچگی کے دوران اموات کی شرح بہت زیادہ ہے ‘ ہمیشہ ایسے ہسپتالوں میں زچگی کروائیں جہاں پر بنیادی سہولیات میسر ہوں ‘ جن میں ماہر گائنا کالوجسٹ ‘ الٹراسائونڈ کا ماہر ڈاکٹر ‘ بے ہوشی کا ماہر ڈاکٹر لیبارٹری وغیرہ شامل ہیں ۔ انہوں نے کہا کہ خواتین کو چاہیے کہ مقامی کمیونٹی مڈوائف کے ورکر ذریعے ٹی ایچ کیو ‘ آر ایچ سی یا ڈی ایچ کیو جیسے بڑے ہسپتالوں میں بڑے آپریشن کروائیں ‘ جہاں پر گورنمنٹ کی طرف سے یہ سہولیات فراہم کی گئی ہیں ‘ انہوں نے کہا کہ ہمارا مقصد سرکار ہسپتالوں پر عوام کا اعتماد و بحال کرنا ہے ۔ انہوں نے بتایا کہ ہر حاملہ عورت دوران حمل دوران زچگی اور زچگی کے بعد زچگی کے مسائل کیلئے پاکستان نرسنگ کونسل سے سند یافتہ کمیونٹی مڈوائف سے رابطہ کر کے زچگی کے مسائل حل کروائیں ۔ اس موقع پر خواتین نے مختلف سوالات کئے جن کے جوابات کمیونٹی کوآرڈینیٹر کی طرف سے دیئے گئے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ممتاز تعلیمی ادارے دی ایجوکیٹرز بار دری کیمپس ہائی سکول میں عظیم الشان شہادت کانفرنس بسلسلہ
گجرات(جی پی آئی )ممتاز تعلیمی ادارے دی ایجوکیٹرز بار دری کیمپس ہائی سکول میں عظیم الشان شہادت کانفرنس بسلسلہ سید الشہداء حضرت امام حسین علیہ السلام منعقد ہوئی جس کی صدارت ایڈمنسٹریٹر دی ایجوکیٹرز بار دری کیمپس شہزاد شفیق نقشبندی نے کی ۔ جبکہ مہمان خصوصی ممتاز سماجی شخصیت سابق سینئر نائب صدر گجرات چیمبر آف کامرس اینڈانڈسٹری سید آصف رضا نقوی تھے ‘ خصوصی خطاب ممتاز عالم دین علامہ محمد یٰسین نے کیا ۔ جبکہ طلباء و طالبات نے ہدیہ نعت و سلام بحضور امام عالی مقام پیش کیا ۔ اس موقع پر طلباء و طالبات میں لنگر تقسیم کیا گیا ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈی سی او گجرات لیاقت علی چٹھہ نے امن و امان کے قیام کیلئے نو اور دس محرم کو موٹرسائیکل پر ڈبل پر پابندی عائد کر دی ہے
گجرات ( جی پی آئی ) ڈی سی او گجرات لیاقت علی چٹھہ نے امن و امان کے قیام کیلئے نو اور دس محرم کو موٹرسائیکل پر ڈبل پر پابندی عائد کر دی ہے ‘ تا ہم باوردی پولیس ملازمان و مسلح افواج کے اہلکار ‘ خواتین ‘ بوڑھے ‘ کم عمر بچے اس حکم سے مستثنیٰ ہونگے ۔ ڈی سی او گجرات نے پولیس اور تمام محکموں کے افسران کو حکم جاری کیا ہے کہ اس حکم پر سختی سے عمل کیا جائے اور خلاف ورزی کرنے کے والوں سخت کارروائی کی جائے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ ڈی سی او گجرات لیاقت علی چٹھہ ضلع گجرات میں پٹرول کی قیمت 95.10روپے فی لیٹر اور ڈیزل کی قیمت
گجرات ( جی پی آئی ) ڈی سی او گجرات لیاقت علی چٹھہ ضلع گجرات میں پٹرول کی قیمت 95.10روپے فی لیٹر اور ڈیزل کی قیمت 102.18روپے فی لیٹر مقرر کی ہے ‘ اس بات کا اعلان ڈی سی او گجرات نے اعلیٰ سطحی اجلاس کے بعد میڈیا سے گفتگو کرتے ہوئے کیا ۔ اجلاس میں اعلیٰ سرکاری افسران کے علاوہ پیٹرولیم ڈیلرز ایسوسی ایشن کے وفد نے ندیم بٹ اور غلام سرور کی قیادت میں بھی شرکت کی گجرات میں اس سے پہلے پٹرول کی قیمت 108روپے وصول کی جاتی تھی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ محکمہ صحت گجرات کی طرف سے گورنمنٹ گرلز ہائی سکول ڈنگہ میں مربوط پروگرام برائے تولیدی گجرات ( جی پی آئی ) محکمہ صحت گجرات کی طرف سے گورنمنٹ گرلز ہائی سکول ڈنگہ میں مربوط پروگرام برائے تولیدی صحت اور نیوٹریشن پروگرام کے سیمینار کا انعقاد ، سیمنار کے انعقاد کا مقصد انسانیت کی جان بچاناتھا، سیمنار کا باقاعدہ آغاز تلاوت قرآن مجید و نعت رسول مقبول ۖ سے کیا گیا ، سینمار کی تقریب سے ڈسٹرکٹ کمیونٹی کو آرڈی نیٹر گجرات محمد طیب نے خطاب کرتے ہوئے کہا کہ سب سے پہلے میں آنے والی تمام بہنوں کا دِل سے شکریہ ادا کرتا ہوں کہ جنہوں نے اس تقریب کے لیے وقت نکالا ، اُنہوں نے کہا کہ جن وجوہات کی بنا پر پاکستان میں ہر سال زچگی کے دوران تقریباً ایک لاکھ کے قریب بچے اور ہزاروں مائیں لقمہ اجل بن رہی ہیں اُس کی بنیادی وجہ یا تو غربت ہے یا ان پڑھ دائیاں ، جعلی پرائیویٹ ہسپتال یا خود مردوں اور عورتوں کا قصور اور کئی جگہوں پر سرکاری عملوں کی غفلت ۔؟ ذرا سوچیے ! حکومت پنجاب محکمہ صحت کی کوالیفائیڈ مڈ وائف اور لیڈی ہیلتھ ورکر اِن تمام تر معاملات میں آ پ کی دوست اور آپ کی ہمدرد کمیونٹی ثابت ہونگی ، آپ ہمیشہ بروقت محکمہ صحت کے کوالیفائیڈ سٹاف سے رابطہ میں رہیں ، اس موقع پر لیڈی ہیلتھ ورکر آنسہ بتول ، نسیم اختر لیڈی ہیلتھ ورکر ، مصباع شہزاد لیڈی ہیلتھ ورکر ، سلیم اختر لیڈی ہیلتھ ورکر ، فردوس بیگم لیڈی ہیلتھ ورکر ، نجمہ شہزادی لیڈی ہیلتھ ورکر ، نازیہ شاہین لیڈی ہیلتھ ورکر ، کنیز کلثوم لیڈی ہیلتھ ورکر ، روبینہ کوثر لیڈی ہیلتھ ورکر ، شاہد پروین لیڈی ہیلتھ ورکر ، فرزانہ خان لیڈی ہیلتھ ورکر ، شہناز کوثر سمیت کثیر تعداد نے شرکت کی ، محمد طیب کمیونٹی کو آر ڈی نیٹر گجرات نے ڈنگہ ہیلتھ ورکرز کی انتھک محنت اور کوششوں کو سراہا اور اُنہوں اُنہیں محکمہ صحت کے حوالے سے مزید بریف کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نماز کی ادائیگی میں سستی تشویشناک امر ہے ،علامہ محمد الیاس قادری گجرات(جی پی آئی )امیر اہلسنت علامہ مولانا محمد الیاس عطار قادری نے کہاہے کہ ہر عاقل وبالغ مسلمان مرووعورت پر پانچ وقت کی نماز فرض ہے جو لوگ نماز وں کی ادائیگی میں غفلت کے مرتکب ہیں نماز قضاکرتے یا بالکل نماز ہی نہیں پڑھتے وہ گنہگارہیں ۔ان خیالات کا اظہار انہوںنے دعوت اسلامی کے عالمی مدنی مرکز فیضان مدینہ میں مدنی مذاکرے کے دوران ایک سوال کے جواب میں کیا ۔انہوںنے کہا کہ یقینا نماز نہ پڑھنا یا اس معاملے میں سستی برتنا تشویشناک امر ہے اس عمل سے اللہ عزوجل ورسول ۖ ناراض ہوتے ہیں جان بوجھ کر ایک نماز قضا کرنے کی سزامیں ہزاروں سال جہنم کی ہولناک آگ میں جلنا پڑے گا اورجہنم کی آگ اس قدر شدید ہے کہ کسی سے ایک لمحہ بھی برداشت نہیں ہوسکتی لہٰذا اب تک جن لوگوںسے نماز قضا ہوئی یا جو نماز ترک کرتے ہیں وہ اللہ عزوجل کی بارگاہ میں صدق دل سے توبہ کرلیں جتنی نمازیں چھوڑی ان سب کی ادائیگی کا اہتمام بھی کریں ۔انہوں نے کہا کہ نماز کا شوق پیدا کرنے کیلئے نماز پڑھنے کے فضائل پر مبنی کتب کا مطالعہ کریں اورنماز قضا کردینے یا ترک کرنے پر دنیا وآخرت کی سزائوں کے بارے میں علم حاصل کریں ۔انہوںنے مزید کہا کہ نماز دین اسلام کا ستون اور ہمارے پیارے آقا ۖ کی سنت ہے اس بات سے واقفیت ہونے کے باوجود مسلمانوں کی اکثریت نمازوں کے اہتمام سے دور ہے ۔افسوس ہماری مساجد ویران رہتی ہیں ۔ہمارے ملک میں مسلمانوں کی کثرت کے باوجود آباد کے تناسب سے نمازیوں کی تعداد بہت کم نظر آتی ہے خاص طور پر نماز فجر میں تو یہ تعداد بتدریج کم ہوجاتی ہے ۔ امیر اہلسنت نے کہا کہ باب الاسلام سندھ میںمسلمانوں کی آبادی کے باوجود بعض مساجد پر تالے پڑے ہوتے ہیں۔مدنی مذاکرے کے دوران امیر اہلسنت نے شرکاء کو سلسلہ عالیہ قادریہ رضویہ عطاریہ میں بیعت کیا ۔اس موقع پر مرکزی مجلس شوریٰ کے نگران مولانا محمد عمران عطاری ،اراکین شوریٰ اور دیگر ذمہ داران بھی موجود تھے ۔
گجرات کی خبروں کی تصویری جھلکیاں
محرم الحرام میں مذہبی منافرت کیخلاف سنی تحریک کی راولپنڈی میں پیغام امن ریلی
