گجرات (جی پی آئی) آج ملک بھر میں یوم عاشورہ عقیدت و احترام کے ساتھ منایا جا رہا ہے تمام سرکاری و غیر سرکاری ادارے بند رہیں گے ملک بھر میں ماتمی جلوس مجالس عزاء اور شہادت کانفرنسیں منعقد ہو رہی ہیں ‘ گجرات میں مختلف مقامات پر ساری رات شب بیداری کی محافل و مجالس ہوئیں ‘ جن میں علماء کرام و ذاکرین نے خطاب کیا ۔ اور فضائل و مصائب شہداء کربلا پر روشنی ڈالی آج مرکزی جلوس امام بارگاہ حسینیہ سرکلر روڈ گجرات سے ٹھیک دن 11بجے برآمد ہوگا ۔ قبل ازیں مجلس عزاء منعقد ہوگی ‘ جس میں ذاکرین و علماء کرام خطاب کرینگے بعدازاں شبیہہ ذوالجناح و علم برآمد ہوگا ‘ اور عزاء داران ماتم کرینگے ۔ شاہ دولہ چوک گجرات میں عزا داران زنجیر زنی کرینگے ۔ شاہدولہ چوک سے اندرون شاہدولہ گیٹ تمبل بازار ‘ نواب زادہ چوک سے ہوتا ہوا جلوس ٹی ایم اے آفس کے سامنے پہنچے گا ۔ جہاں پر مجالس عزاء منعقد ہوگی ‘ جس میں ذاکر اہلبیت مولانا سید عابد رضوی مجالس عزاء پڑھیں گے ۔ جس بعد جلوس کے شرکاء فیصل گیٹ ‘ فوارہ چوک سے ہوتے ہوئے جی ٹی ایس چوک میں پہنچے گئے ‘ جہاں اُس انجمن کاظمیہ محلہ نور پور پڈھے کے اراکین ہینڈ اوور کرینگے ۔ اور جلوس امام بار گاہ کاظمیہ محلہ نو ر پور پڈھے میں اختتام پذیر ہوگا ۔ جہاں پر مجالس شام غریباں منعقد ہوگی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی ) نو محرم الحرام کے سلسلہ میں ضلع گجرات میں مختلف مقامات ماتمی جلوس برآمد ہوئے ‘ جو کہ اپنے مقرر راستوں سے ہوتے ہوئے پر امن طریقہ سے اختتام پذیر ہوگئے ‘ شادی وال ‘ مدینہ سیداں میں جلوس برآمد ہوئے ۔ پولیس اور قانون نافذ کرنے والے اداروں کی نفری موجود تھی ‘ پولیس نے سکیورٹی کے سخت انتظامات کئے تھے ‘ تاکہ کوئی نا خوشگوار واقعہ پیش نہ آئے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی ) گجرات میں نو محرم الحرام کے سلسلہ میں امام بار گاہ قاسم بی بی فتو پورہ سے ماتمی جلوس شبیہہ تعزیہ و علم برآمد ہوا ‘ جو کہ اپنے مقرر راستوں سے ہوتا ہوا واپس امام بار گاہ قاسم بی بی میں اختتام پذیر ہوا ‘ سید ناصر پپو شاہ ‘ چوہدری منظور وڑائچ’ الطاف کاظمی ‘ جواد جعفری دیگر اہم شخصیات کی کثیر تعداد موجود تھی ۔ جلوس کے ہمراہ پولیس کی نفری تعینات تھی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی )اسسنٹ کمشنر میاں اقبال مظہر نے تحصیل گجرات کے مختلف علاقوں میں قائم 38پٹرول پمپوں کا اچانک معائنہ کیا اور اوورچارجز میں ملوث دو پٹرول پمپ مالکان کے خلاف رحمانیہ اور تھانہ دولت نگر میں مقدمات درج کروا دئیے ہیں ۔ڈی سی او لیاقت علی چٹھہ کی ہدایت پر اسسٹنٹ کمشنر میاں اقبال مظہر نے مختلف علاقوں میں پٹرول پمپوں کی چیکنگ کی اور حکومت کی طرف سے پٹرول کی قیمتوں میں کمی کے نفاذ کا جائزہ لیا اس دوران بیشتر پٹرول پمپوں پر مقررہ نرخوں پر پٹرول فروخت کیا جا رہا تھا تا ہم دو پٹرول پمپ خلاف ورزی کے مرتکب پائے گئے جن کے خلاف مقدمات درج کر وا دئیے گئے ۔ اے سی میاں اقبال مظہر نے واضح کیا ہے کہ کسی بھی پٹرول پمپ مالک کو اوورچارجنگ کی ہرگز اجاز ت نہیں دی جائے گی اور ایسے عناصر کے خلاف سخت کاروائی عمل میں لائی جائے گی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات ( جی پی آئی )جمعیة علماء اسلام ضلع گجرات کے راہنما ممبر ضلعی امن کمیٹی علامہ جمیل احمد بالا کوٹی نے کہا ہے کہ اسلام اخوت بھائی چارے اور رواداری کا درس دیتا ہے پاکستان میں اکثریت مسلمانوں کی ہے اسلام اور اس کی تعلیمات کی روح کو نہ سمجھنے کی وجہ سے فرقہ واریت اور شدت پسندی عروج پر ہے شہدائے اسلام کی زندگیاں ملک و قوم کی خاطر قربانی کا درس دیتی ہیں اسوئہ حسینی ملت اسلامیہ کیلئے مینارہ نور ہے حضرت سیدنا امام حسین کسی ایک فرقہ کے نہیں بلکہ پوری ملت اسلامیہ کیلئے قابل احترام اور عقیدت کا مرکز ہیں علامہ جمیل احمد بالا کوٹی نے صحافیوں سے گفتگو کرتے ہوئے کہا کہ اسلام کی روح کو سمجھنے کی ضروت ہے حضرت حسین دیگر صحابہ اور اہل بیت اطہارکا تذکرہ بھی عبادت ہے مگر اصل چیز انکے افکار و کردار کو اپنانے کی ضرورت ہے اسی طرح ہم اپنے ملک کو خوشحال مستحکم اور ترقی یافتہ بنا سکتے ہیں۔
صابر حسین شاہ کی قیادت میں نکالے گئے ذوالجناح کے جلوس کی تصویری جھلکیاں
لالہ موسیٰ کی خبریں 4/11/2014
