کراچی (جیوڈیسک) شہر قائد میں اب دکھی انسانیت کی خدمت کرنے والے ادارے بھی محفوظ نہیں اور نامعلوم افراد نے ایدھی فاؤنڈیشن کے بعد چھیپا ویلفئیر ایسوسی ایشن سے لاکھوں روپے لوٹ لئے۔
کراچی میں شارع فیصل پر صدر پولیس اسٹیشن سے چند گز کی فاصلے پر ایف ٹی سی اوور ہیڈ برج سے متصل واقع چھیپا ویلفئیر سینٹر کے مرکزی دفتر میں موٹر سائیکل پر سوار 10 افراد آئے اور انہوں نے اسلحے کے زور پر وہاں موجود تمام عملے کو یرغمال بنا لیا، ڈاکو 40 منٹ تک انتہائی پرسکون حالت میں پورے سینٹر کو الٹ پلٹ کر کے وہاں سے 50 لاکھ روپے نقد لوٹ کر لے گئے، شہر قائد کی پولیس نے روایتی طور پر مقدمہ درج کرکے کارروائی شروع کردی ہے لیکن دیکھنا یہ ہے کہ کب ان سماجی اداروں کو لوٹنے والے ملزمان کو گرفتارکرکے انصاف کے کٹہرے میں لایا جائے گا۔
واضح رہے کہ گزشتہ ماہ بھی 8 سے 10 ملزمان معروف سماجی کارکن عبدالستار ایدھی کو یرغمال بناکر کروڑوں روپے مالیت کی ملکی اور غیر ملکی نقدی اور امانت کے طور پر رکھوائے گئے طلائی زیورات لوٹ کر فرار ہوگئے تاہم اب تک اس کے ملزمان بھی گرفتار نہیں ہو سکے۔
انگوٹھوں کے نشانات کی تصدیق کا معاملہ، تین رکنی ریگولر بنچ تشکیل
وزیراعظم کا کوٹ رادھا کشن میں مسیحی جوڑے کو زندہ جلائے جانے کے واقعے کا نوٹس
